The Latest
-
Vadodaraમુખ્યમંત્રી ભૂપેન્દ્ર પટેલે ભગવાન શ્રી બુદ્ધના અવશેષોને શ્રીલંકામાં પ્રદર્શિત કરવા માટે માનભેર પ્રસ્થાન કરાવ્યું
-
Vadodaraવડોદરાના બજેટમાં જનતાને રાહત: કોઈ નવો વેરો નહીં, ₹30 હજાર કરોડની મિલકત સામે પાલિકાનું દેવું ‘નહિવત’: ડૉ,શીતલ મિસ્ત્રી
-
SURATશિક્ષણ સમિતિનું 455.80 કરોડનું ડ્રાફ્ટ બજેટ: સુરતમાં ભિક્ષુક બાળકો માટે સિગ્નલ સ્કૂલ શરૂ કરાશે
-
SURATસુરતમાં 8 નવા ફ્લાય ઓવર બનશે, પ્રધાનમંત્રી આવાસ યોજના હેઠળ 9820 આવાસ તૈયાર કરાશે
-
Businessઅમેરિકાએ ભારત પર ટેરિફ 50% થી ઘટાડીને 18% કર્યો, PM મોદીએ કહ્યું- આત્મવિશ્વાસની શક્તિથી બધું શક્ય
-
Dabhoiડભોઇમાં સમગ્ર શિક્ષા યોજના હેઠળ બનેલી કુમારશાળા નં. 01 જોખમી
-
Gujaratપૂજારીના મોબાઇલમાંથી વૃદ્ધાઓના 150થી વધુ ફોટો મળ્યાં
-
Gujaratનાનપુરામાં કિશોરો પટ્ટા વડે એકબીજા પર તૂટી પડ્યા
-
Gujaratપરવટ પાટિયા પર ચપ્પુ બતાવી યુવાનનું સરેઆમ અપહરણ
-
Gujaratબજેટમાં ગુજરાત માટે ₹20,011 કરોડ
-
Vadodaraપાદરામાં મહીસાગરની મધ્યે ફરીવાર મોતનું તાંડવ ખેલાતા રહી ગયું
-
Vadodaraવડોદરા મહાનગરપાલિકાનું કર દર વિનાનું 7,609.63 કરોડનું બજેટ રજૂ
-
SURATવર્લ્ડ ક્લાસ સિટી બનાવવાના વિઝન સાથે કમિ. એમ. નાગરાજને રજૂ કર્યું સુરત મનપાનું 10593 કરોડનું ડ્રાફ્ટ બજેટ
-
Gujaratઇનામી જમીનોના અનઅધિકૃત કબજા હક હવે નિયમબદ્ધ થશે
-
Gujaratચક્રવાતી સિસ્ટમની અસર હેઠળ આજે માવઠું થશે
-
Gujaratઉત્તરાયણમાં કરુણા અભિયાનનું માનવતાભર્યું રૂપ – છેલ્લા 10 વર્ષમાં 1.18 લાખથી વધુ અબોલ પક્ષીઓ બચાવાયા
-
Gujaratબજેટ વિકસિત ભારત 2047’ની બ્લુપ્રિન્ટ : વિશ્વકર્મા
-
Vadodaraતળાવ ખાલી કરાતા જળચર જીવો જોખમમાં, કન્સ્ટ્રક્શન સાઇટમાં ફસાયેલા કાચબાનો જીવ બચાવાયો
-
VadodaraBOI વાઘોડિયા રોડ શાખાની સતર્કતાથી સિનિયર સિટીઝન મહિલાના 35 લાખ બચ્યા
-
Commentsમાર્ગ અકસ્માત એ ખરેખર અકસ્માત છે? કે આત્મહત્યા કે હત્યા?
-
Editorialશૂન્ય કાર્બન ઉત્સર્જનનું લક્ષ્ય પ્રાપ્ત કરવાના પ્રયાસો હવે અનિવાર્ય બનતા જાય છે
-
SURATઓડિસી નૃત્યને ફક્ત ઈન્ટરનેટ કે AIથી શીખી શકાય નહીંઃ પદમશ્રી માધવી મુદગલ
-
SURATબજેટમાં CER હેઠળ સુરત માટે 5000 કરોડની ફાળવણી, સ્માર્ટ સિટીના વિકાસને બુસ્ટ મળશે
-
Nadiad
નડિયાદના છાંટીયાવાડમાં ગૌવંશના અવશેષો મળતા ભારેલા અગ્નિ જેવી સ્થિતિ
-
Vadodaraનાસ્તામાં વંદો નીકળતાં હનુરામ ફુડ્સ પર તંત્રની કાર્યવાહી, રૂ.10 હજારનો દંડ ફટકારાયો
-
Nationalકેન્દ્ર સરકારે સુપ્રીમ કોર્ટને કહ્યું- સોનમ વાંગચુક લદ્દાખને નેપાળ બાંગ્લાદેશ જેવું બનાવવા માંગે છે
-
Vadodaraસોના-ચાંદીના ભાવમાં ‘મહાકડાકો’: ચાંદી એકઝટકે ₹31,000 સસ્તી થઈ, સોનામાં પણ ₹5,000નું ગાબડું
-
Vadodara
બીએમએસએ બજેટને ઉદાસી અને મજદૂર વિરોધી ગણાવ્યું
-
VadodaraSMC દ્વારા ASI લક્ષ્મીકાંત દેસાઇની મિલકત અને બેન્ક વિગતો અંગે પૂછપરછ
-
Vadodaraઅંબા ઉપાસક અતુલ પુરોહિત સાથે રાજેશ પટેલે ૧૨ બાળકોની જવાબદારી સ્વીકારી
એમએસયુમાં સચવાયેલા ભગવાન શ્રી બુદ્ધના પવિત્ર અવશેષો શ્રીલંકન નૂતન વર્ષે કોલંબો પહોંચશે
શહેર પોલીસ દ્વારા પવિત્ર અવશેષોને ગાર્ડ ઓફ ઓનર આપી કરાયું સન્માન
( પ્રતિનિધિ )વડોદરા,તા.3
રાજ્યના મુખ્યમંત્રી ભૂપેન્દ્ર પટેલે વડોદરામાં સંગ્રહિત ભગવાન શ્રી બુદ્ધના પવિત્ર અવશેષોને શ્રીલંકાના કોલંબોમાં ભાવિકોના દર્શનાર્થે મોકલવાની ગૌરવશાળી વિધિમાં સહભાગી થઈ તેનું નેતૃત્વ કર્યું હતું. વડોદરાના પ્રાચીન સ્થળો પૈકીના એક એવા વિમલેશ્વર મહાદેવના સાનિધ્યમાં આ અવશેષો સચવાયેલા છે. સિંહોના દેશ ગુજરાતથી સિંહલદ્વિપ એવા શ્રીલંકાની યાત્રા આ અવશેષો કરશે.
ભગવાન બુદ્ધના અસ્થિ સહિતના આઠમી સદીના આ પવિત્ર અવશેષો મહારાજા સયાજીરાવ યુનિવર્સિટી ઓફ બરોડામાં સુરક્ષિત રાખવામાં આવ્યા છે અને તેને દિલ્હીથી શ્રીલંકા મોકલવામાં આવશે. તે શ્રીલંકન નૂતન વર્ષે કોલંબો પહોંચશે. પીએમ મોદીના વર્ષ 2025 દરમિયાનની શ્રીલંકાના પ્રવાસ દરમિયાન ભારત અને શ્રીલંકા વચ્ચે સાંસ્કૃતિક આદાનપ્રદાન વધુ ઘનિષ્ટ કરવા માટે સહમતી સાધવામાં આવી હતી. તે પરિપ્રેક્ષ્યમાં બુદ્ધધર્મની બહુમતી ધરાવતા શ્રીલંકામાં આ અવશેષો તેના નૂતન વર્ષે મોકલવામાં આવી રહ્યા છે. રાજ્યપાલ આચાર્ય દેવવ્રત અને નાયબ મુખ્યમંત્રી હર્ષભાઇ સંઘવીના નેતૃત્વમાં ગુજરાતનું પ્રતિનિધિ મંડળ દિલ્હી ખાતેથી આ પવિત્ર અવશેષોને રવાના કરશે. મહારાજા સયાજીરાવ યુનિવર્સિટી ઓફ બરોડાના ચાર પ્રોફેસર પણ કોલંબો જશે. મુખ્યમંત્રી ભૂપેન્દ્ર પટેલ બપોર બાદ યુનિવર્સિટીના સયાજીગંજ કેમ્પસ સ્થિત ડિપાર્મેન્ટ ઓફ આર્કિયોલોજી એન્ડ એન્સીઅન્ટ સ્ટીડીમાં પહોંચ્યા હતા. તેઓ અહીં પહોંચ્યા ત્યારે યુનિવર્સિટીમાં અભ્યાસ કરતા વિદેશી વિદ્યાર્થીઓ દ્વારા તેમનું સ્વાગત કરવામાં આવ્યું હતું. તત્પશ્ચાત, મુખ્યમંત્રી અને મહાનુભાવોએ સંગ્રહાલયની મુલાકાત લીધી હતી. બુદ્ધ સાધુઓ દ્વારા પવિત્ર મંત્રોનું ગાન કરવામાં આવ્યું હતું. મુખ્યમંત્રીએ પુષ્પાંજલિ અર્પણ કરી હતી. તેઓ પવિત્ર અવશેષોને સંગ્રહાલયમાંથી બહાર લઇ આવ્યા હતા. આ વિધિમાં બુદ્ધિસ્ટ મોંક મહાબોધી સોસાયટીના સંત શ્રી આનંદા, શ્રી વિચિત્તા, શ્રી ઉગસેન અને શ્રી પનાતિકા પણ જોડાયા હતા. મુખ્યમંત્રી ભૂપેન્દ્ર પટેલની ઉપસ્થિતિમાં વડોદરા શહેર પોલીસની એક ટૂકડી દ્વારા ભગવાન શ્રી બુદ્ધના પવિત્ર અવશેષોને ગાર્ડ ઓફ ઓનર આપવામાં આવ્યું હતું. બાદમાં તેને એક વાહનમાં સુરક્ષિત રીતે રાખી શોભાયાત્રા યોજવામાં આવી હતી. આ પવિત્ર અવશેષોને ફ્લાઇટ મારફત દિલ્હી મોકલવામાં આવ્યા હતા. ભગવાન બુદ્ધના અસ્થિ સાથેની મંજૂષા, સિલ્કનું વસ્ત્ર સાથેનું પાત્ર, પથ્થરમાંથી બનાવેલા ઢાંકણાવાળા ખડિયા જેવા બોક્સનો આ અવશેષોમાં સમાવેશ થાય છે. આ બોક્સ ઉપર ચાંદી, સોનાના તાર ચઢાવવામાં આવ્યા છે. જેના ઉપર બ્રાહ્મી લિપિ અને સંસ્કૃતમાં દશબલ શરીર નિલય એવું લખાણ વાંચવા મળે છે. જેનો મતલબ થાય છે કે, દશબલ એટલે કે ભગવાન શ્રી બુદ્ધના અવશેષોનું સ્થાન. ધાર્મિક અને ઐતિહાસિક મહત્વ ધરાવતા આ અવશેષોને શ્રીલંકાના કોલંબોમાં તા.4 થી 11 ફેબ્રુઆરી સુધી ચાલનારા એક કાર્યક્રમમાં દર્શનાર્થે મૂકવામાં આવશે. આ પ્રસંગે રાજમાતા શુભાંગિનીદેવી ગાયકવાડ, કુલપતિ ભલચંદ્ર ભણગે, ભાજપ અધ્યક્ષ જયપ્રકાશ સોની, પોલીસ કમિશનર નરસિમ્હા કોમર, મ્યુનિસિપલ કમિશનર, કલેક્ટર આર્કિયોલોજી વિભાગના ડિન સુશ્મિતા સેન પણ જોડાયા હતા.
દેવની મોરી તરીકે ઓળખાતા ટેકરા ખાતે ઉત્ખનન દરમિયાન પવિત્ર અવશેષો મળી આવ્યા હતા :
શામળાજી પાસે દેવની મોરી તરીકે ઓળખાતા ટેકરા ખાતે ઉત્ખનન દરમિયાન પવિત્ર અવશેષો મળી આવ્યા હતા. મહારાજા સયાજીરાવ યુનિવર્સિટીના પ્રો. એસ. એન. ચૌધરી દ્વારા 1957 માં આ વિસ્તારને ઓળખવામાં આવ્યો હતો. ભોજ રાજાનો ટેકરો સહિતના આસપાસ વિસ્તારમાં 1960 બાદ તબક્કાવાર ઉત્ખનન કરવામાં આવ્યું હતું અને તેમાં અહીં બુદ્ધ વિહાર હોવાનું ફલિત થયું હતું. આઠમી સદીમાં આ બુદ્ધ વિહાર વિસ્મૃત થઇ ગયો હતો. આ વિશાળ બુદ્ધ વિહાર હિનયાનના સમ્મિતિયા પ્રશાખાનો હોવાનું માનવામાં આવે છે. તેના મુખ્ય મોંક સાધુ મહાસેનાના માર્ગદર્શનમાં સાધુ અગ્નિવર્મા અને સુદર્શન દ્વારા વિહાર નજીક શરીર સ્તૂતનું નિર્માણ કરવામાં આવ્યું હતું.