ઉત્તરકાશી: ઉત્તરકાશી ટનલમાં (Uttarkashi Tunnel Accident) ફસાયેલા મજૂરોને આજે 17 દિવસ થઇ ગયા છે. સમગ્ર ભારત તમામ 41 મજૂરોના સુરક્ષિત બહાર આવવાની રાહ જોઇ રહ્યો છે. 17 દિવસ બાદ ટનલમાંથી સારા સમાચાર આવ્યા છે. રેટ માઇનર્સની ટીમે મેન્યુઅલ ડ્રિલિંગ પૂર્ણ કર્યું છે. પાઈપ મજૂરો સુધી પહોંચી ગઈ છે. મજૂરોને કોઈ નુકસાન ન થાય તે માટે પાઈપ વેલ્ડીંગ કરવામાં આવી રહ્યું છે. ટનલની બહાર એમ્બ્યુલન્સ અને ડોકટરોની ટીમ તૈનાત છે. સાથે જ એમ્બ્યુલન્સ પણ અંદર ગઈ છે. કામદારોને ટનલમાંથી બહાર કાઢતા જ ચિન્યાલીસૌર હોસ્પિટલમાં લઈ જવામાં આવશે.
ચિન્યાલીસૌર એરપોર્ટ પર ચિનૂક હેલિકોપ્ટર તૈનાત કરવામાં આવ્યું છે. ટીમનું કહેવું છે કે જો કોઈ મજૂર અસ્વસ્થ લાગે છે, તો તેને તાત્કાલિક એરલિફ્ટ કરીને હોસ્પિટલમાં મોકલવામાં આવશે. તે જ સમયે લોકો મજૂરો માટે માળા લઈને સુરંગની નજીક પહોંચી ગયા છે. મળતી માહિતી મુજબ તમામ મજૂરોની તબિયત સારી છે. ટનલની અંદર મેડિકલ ટીમ હાજર છે. મજૂરો ગમે ત્યારે બહાર લાવી શકાય છે.
સીએમ પુષ્કર સિંહ ધામી સિલ્ક્યારા ટનલની બહાર પહોંચી ગયા છે. ટુંક સમયમાં 41 મજૂરો 17 દિવસ પછી સૂર્યપ્રકાશ જોઈ શકશે. કામદારોને ગોગલ્સ મોકલવામાં આવ્યા છે. પ્રકાશની અસરથી બચવા માટે આ ગોગલ્સ તેને મોકલવામાં આવ્યા છે. કામદારોના પરિવારજનોને તૈયાર રહેવા સૂચના આપવામાં આવી છે.
बाबा बौख नाग जी की असीम कृपा, करोड़ों देशवासियों की प्रार्थना एवं रेस्क्यू ऑपरेशन में लगे सभी बचाव दलों के अथक परिश्रम के फलस्वरूप श्रमिकों को बाहर निकालने के लिए टनल में पाइप डालने का कार्य पूरा हो चुका है। शीघ्र ही सभी श्रमिक भाइयों को बाहर निकाल लिया जाएगा।
— Pushkar Singh Dhami (@pushkardhami) November 28, 2023
17 દિવસ બાદ ટનલમાંથી સારા સમાચાર આવ્યા છે. રેટ માઇનર્સની ટીમે મેન્યુઅલ ડ્રિલિંગ પૂર્ણ કર્યું છે. પાઈપ મજૂરો સુધી પહોંચી ગઈ છે. મજૂરોને કોઈ નુકસાન ન થાય તે માટે પાઈપ વેલ્ડીંગ કરવામાં આવી રહ્યું છે. ટનલની બહાર એમ્બ્યુલન્સ અને ડોકટરોની ટીમ તૈનાત છે. સાથે જ એમ્બ્યુલન્સ પણ અંદર ગઈ છે. કામદારોને ટનલમાંથી બહાર કાઢતા જ ચિન્યાલીસૌર હોસ્પિટલમાં લઈ જવામાં આવશે.
બચાવ ટીમ હવે કામદારોથી માત્ર ત્રણ મીટર દૂર છે. રાહત અને બચાવ કામગીરીના પ્રભારી કર્નલ દીપક પાટીલે જણાવ્યું કે 53.9 મીટર સુધી મેન્યુઅલ ડ્રિલિંગ કરવામાં આવ્યું છે. 57 મીટર પર બ્રેકથ્રુ અપેક્ષિત છે. વડા પ્રધાન નરેન્દ્ર મોદીએ મંગળવારે મુખ્ય પ્રધાન પુષ્કર સિંહ ધામીને ફરીથી ફોન કર્યો અને ટનલમાં ફસાયેલા મજૂરોની રાહત અને બચાવ કાર્ય અંગે માહિતી લીધી. તેમણે કહ્યું કે અંદર ફસાયેલા કામદારોની સુરક્ષાની સાથે બહાર રાહત કાર્યમાં લાગેલા લોકોની સુરક્ષા માટે પણ ખાસ કાળજી લેવી જોઈએ.
જો કે 25 નવેમ્બરે આયર્ન બેરિયરને કારણે ઓગર મશીન લક્ષ્યથી 12 મીટર દુર અટકી ગયું હતું. ત્યારે એક નવી સમસ્યા સામે આવી હતી. જેમાં ટનલની અંદરથી બચેલો નવ મીટરનો કાટમાળ કેવી રીતે દૂર કરવો એક મોટો પ્રશ્ન બન્યો હતો. ઉત્તરકાશીની ટનલમાં મજૂરો લગભગ 60 મીટરના અંતરે ફસાયેલા છે. ઓગર મશીને 48 મીટર સુધી ડ્રિલ કર્યું હતું. ત્યાર બાદ ત્યાર બાદ રેટ હોલ માઇનિંગ પદ્ધતિનો ઉપયોગ કરી સોમવારથી ચાર-પાંચ મીટર ખોદકામ કરવામાં આવ્યું છે. તેમજ હવે માત્ર 5-6 મીટર ખોદકામ બાકી હોવાનું માનવામાં આવી રહ્યું છે.
ફસાયેલા 41 મજૂરોના પરિવારોને તૈયાર રહેવા અને મજૂરોના કપડાં અને બેગ તૈયાર રાખવા માટે કહેવામાં આવ્યું છે. મજૂરો બચાવીને ચિન્યાલીસૌર હોસ્પિટલમાં લઈ જવામાં આવશે. જેમ જેમ ટીમ મજૂરોની નજીક આવી રહી છે તેમ તેમ ટનલની બહાર પણ હંગામો વધી રહ્યો છે. કેન્દ્રીય માર્ગ પરિવહન અને રાજમાર્ગ રાજ્ય મંત્રી, નિવૃત્ત જનરલ વીકે સિંહ પણ સિલ્ક્યારા પહોંચ્યા છે. તે મેન્યુઅલ ડ્રિલિંગનો સ્ટોક લેવા ટનલની અંદર ગયા હતા.
રેસ્ક્યુના અપડેટ વિશે વાત કરતા સીએમ ધામીએ કહ્યું કે ટનલની અંદર 52 મીટર સુધી એસ્કેપ પેસેજ તૈયાર કરવામાં આવ્યો છે. એસ્કેપ પેસેજ 57 મીટર પર પાર કરવામાં આવશે. હવે ધાતુના ટુકડાઓની સંખ્યામાં ઘટાડો થયો છે. તેથી, બચાવ કામગીરી ટૂંક સમયમાં પૂર્ણ થવાની આશા છે.
