The Latest
-
Jetpur paviકદવાલ આરોગ્ય કેન્દ્રમાં ૨૪ કલાકમાં પાંચ સફળ ડિલિવરી: ડોક્ટરોની પ્રશંસનીય કામગીરી
-
Vadodaraવડોદરા: ‘મિસિંગ સર્કલ’ બન્યું અકસ્માતનું કારણ? પ્રિયા ટોકીઝ પાસે ડમ્પરે કાર ને અડફેટે લીધી
-
Nationalઇન્ડિગોની મોટી જાહેરાત: અસરગ્રસ્ત મુસાફરોને રૂ10,000 સુધીનું વળતર અને વધારાનું ટ્રાવેલ વાઉચર આપશે
-
Godhraગોધરાના વાવડી ખુર્દ ગ્રામ પંચાયતમાં સામાન્ય સભા રણમેદાન બની, સરપંચ સાથે ઝપાઝપી
-
Vadodaraવડોદરા: મ્યુલ એકાઉન્ટ ખોલવાના બહાને થતી ઠગાઈનો પર્દાફાશ
-
Vadodaraબ્યુટીફિકેશનનું બેવડું ધોરણ: વડોદરામાં કરોડો ખર્ચાયા, પણ વારસિયાનું સરસિયા તળાવ ‘અભડાયેલું’?!
-
Businessટ્રમ્પ ગોલ્ડ કાર્ડ આજથી અમલમાં: ₹9 કરોડમાં યુએસ નાગરિકતા ઉપલબ્ધ
-
Vadodaraઉંડેરાની ગુજરાત રિફાઇનરી સ્કૂલમાં ધો.11 અને ધો.10ના વિદ્યાર્થીઓ વચ્ચે અથડામણ
-
Charchapatra
સ્મૃતિ મંધાના લાખો યુવતીની પ્રેરણા સ્રોત
-
Gujaratકોસ્ટગાર્ડનું સફર ઓપરેશન: કચ્છના દરિયામાંથી પાકિસ્તાની બોટ અને 11 પાક.માછીમારો ઝડપાયા
-
Business
વંદેમાતરમ્ વિશે થોડું
-
Halolયુનેસ્કો દ્વારા દિવાળીનો અણમોલ સાંસ્કૃતિક વારસામાં સમાવેશ : પાવાગઢ ખાતે દીપોત્સવી ઉજવણી
-
Charchapatra
સુરક્ષા જોખમમાં શેર-ઓટોની બેદરકારી વધતી જાય છે
-
Nationalએમેઝોનનો મોટો નિર્ણય: ભારતમાં આગામી 5 વર્ષમાં 35 અબજ ડોલરનું રોકાણ કરશે
-
Business
ચાંદીમાં પ્રચંડ તે-જીનું રહસ્ય બુલિયન બેન્કોની રમત ખુલ્લી પડી ગઈ તેમાં છે
-
Businessઅમેરિકા બાદ હવે મેક્સિકોનો 50% ટેરિફ હુમલો, ભારત સહિત અનેક દેશોને મોટો ફટકો લાગશે
-
Kalolઅપહરણના ગુનાના વોન્ટેડ આરોપીને શામળદેવી પાટિયા પાસેથી કાલોલ પોલીસે ઝડપી લીધો
-
Kalolકાલોલ: ભાડે મકાન આપ્યા છતાં નોંધણી ન કરાવનાર બે મકાન માલિકો સામે કાર્યવાહી
-
Gujaratગુજરાત વીજ નિયમન પંચ-GERCના અધ્યક્ષ તરીકે પંકજ જોષીને શપથ લેવડાવતા મુખ્યમંત્રી
-
Gujaratકદવાલ, ગોવિંદ ગુરુ લીમડી, સુખસર, ચીકદા , ગોધર સહિત 11ને વિકાસશીલ તાલુકા જાહેર કરાયા
-
Nationalઅયોધ્યામાં શ્રદ્ધાળુઓને લઈ જતી બોલેરો વાહન ટ્રેક્ટર ટ્રોલી સાથે અથડાતાં 3ના મોત, 11 ઘાયલ
-
Vadodaraશિકારની શોધમાં આવી ચડ્યો મહાકાય મગર :સુંઢિયાના ખેતરમાંથી 8 ફૂટના મગરનું રેસ્ક્યુ
-
Vadodaraદુમાડ ચોકડી પાસે હાઈવે પર કેમિકલ ઢોળાતા 5 KM લાંબો ટ્રાફિક જામ; ઈકો કાર પલટી
-
Gujaratદરેક જિલ્લામાં પ્રવાસન વિકાસ સોસાયટીની રચના કરાશે
-
Nationalગોવા ક્લબ અગ્નિકાંડ: થાઇલેન્ડમાં પકડાયા લૂથરા બ્રધર્સ, ભારત લાવવાની પ્રક્રિયા શરૂ
-
Gujaratનલિયામાં 10 ડિગ્રી ઠંડીનો પ્રુજારો
-
Gujaratધોળકામાં લગ્ન સમારંભમાં ખોરાકી ઝેરની 400 લોકોને અસર, 100ને દાખલ કરાયા
-
Vadodaraવડોદરા શહેરમાં રફતારના રાક્ષસ બેફામ : નશામાં ધૂત કાર ચાલકે બુલેટ ચાલકને ઉડાવ્યો
-
Gujaratરાજ્યમાં વધુ 11 તાલુકાઓને વિકાસશીલ તાલુકા જાહેર કરાયા
-
Vadodaraવોર્ડ નં. 13નું સિદ્ધનાથ તળાવ તરસ્યું: પાણી સુકાતા સર્જાઈ ભયાનક સ્થિતિ જળચર સૃષ્ટિ મૃત્યુની અણી પર
ઉચ્ચ શિક્ષણમાં ડિસેમ્બર પૂરો થવા આવ્યો પણ, પરીક્ષાઓ પૂરી થવાનું નામ નથી લેતી. સમાચારોમાં શિક્ષણ શોધો તો મેડીકલમાં હજુ પ્રવેશ પ્રક્રિયા ચાલ્યા કરે છે અને વિદેશમાં ભણવાના નામે વસી જવા થનગનતાં ગુજરાતનાં વિદ્યાર્થીઓ-વાલીઓ કેનેડાની નવી નીતિથી પરેશાન છે. વળી અમેરિકામાં ટ્રમ્પ ચુંટાઇ આવતાં ત્યાંની યુનિવર્સિટીમાં અભ્યાસ કરતાં અને કરવા માંગતાં વિદ્યાર્થીઓ પણ ચિંતામાં છે. આ બધાની વચ્ચે ભારતમાં વિદેશથી ભણવા આવતાં વિદ્યાર્થીઓ માટે તો કોઈ વિચારતું જ નથી. શિયાળો આવે એટલે ડિસેમ્બર, જાન્યુઆરીમાં વિદેશમાં વસતાં ભારતીઓ ભારત આવે છે. સાથે સાથે સપ્ટેમ્બરથી ડિસેમ્બરના ગાળામાં વિદેશમાં ભણવા જતાં વિદ્યાર્થીઓનાં ધાડેધાડાં ભારતના એરપોર્ટ પર જોવા મળી રહ્યાં છે.
ભારત વિદેશમાંથી ક્રુડ ઓઈલ મંગાવે છે. ઈલેક્ટ્રોનિક સાધનો મંગાવાય છે. શસ્ત્રો ખરીદવામાં આવે છે અને આ તમામની ખરીદી માટે મોટા પાયે ડોલરની માંગ થાય છે. ડોલરની માંગ થવાથી રૂપિયો ગગડે છે. હવે આ ડોલરની માંગ માટે એક નવું પરિબળ ઉમેરાયું છે. ભારતનાં વધુ ને વધુ લોકો વિદેશ જઈ રહ્યાં છે. ખાસ તો યુવાનો શિક્ષણના નામે વિદેશ જઈ રહ્યાં છે અને આ માટે લાખો રૂપિયા ખર્ચી રહ્યાં છે. ડોલરની માંગ કરી રહ્યાં છે.
યુવાનો શિક્ષણના નામે વિદેશ જાય છે અને સાથે નોકરી કરી કમાણી કરવાનો ઉદ્દેશ રાખે છે. આપણે આ નોકરીની વાત બાજુમાં રાખીએ તો પણ શિક્ષણ માટે વિદેશ જવાનું કારણ વિચારવા જેવું છે. એક તરફ આપણે જાતે જ વિશ્વગુરુપદ લઇ લીધું છે. બીજી તરફ આપણી યુવા પેઢી આધુનિક તમામ વિદ્યાશાખામાં વિશેષ અભ્યાસ માટે પરદેશ જઈ રહી છે ત્યારે આજે એ વિચારવું છે કે દુનિયામાં શિક્ષણનું જે નવું બજાર ઊભું થયું છે તેમાં ભારત ક્યાં છે?
જે રીતે ભારતનાં યુવાનો અભ્યાસ માટે વિદેશ જાય છે તે રીતે વિદેશી યુવાનો ભારતમાં શિક્ષણ માટે આવે છે? એવી કઈ વિદ્યાશાખા છે જેમાં ભારતમાં જ ભણવું જોઈએ તેવું દુનિયા માને છે? આજે ભારતનાં યુવાનો એન્જિનિયરિંગ માટે જર્મની જવું પસંદ કરે છે. માઈક્રોબાયોલોજી માટે ફ્રાંસ જ જવાય, ઈંગ્લિશ, ઇકોનોમિકસ માટે બ્રિટન અને એનીમેશન માટે ન્યુઝીલેન્ડ પ્રથમ પસંદગી છે. મ્યુઝિક સ્કૂલથી માંડીને એક્ટિંગ કે એડીટીંગ માટે જુદા જુદા દેશનાં નામ સુખ્યાત છે. ભારત આ રીતે કઈ બાબતમાં વિશેષતા ધરાવે છે?
ભારતમાં શિક્ષણમાં પણ ખાનગીકરણ અને ઉદારીકરણનો દોર શરૂ થયો ત્યારે ઘણા ઉત્સાહી જીવ કહેતા હતા કે ખાનગીકરણ બાદ શિક્ષણ સંસ્થાઓમાં હરીફાઈ વધશે. શિક્ષણ સંસ્થાઓ વિશિષ્ટીકરણ અપનાવશે અને શિક્ષણની ગુણવત્તા સુધારશે. વિદ્યાર્થીઓ પણ ફી ચૂકવશે એટલે વળતર માંગશે. અત્યારે આમાંનું કશું જ જોવા મળતું નથી. ઉલટાનું ખાનગી શિક્ષણ સંસ્થાઓમાં ફી ભરો. ડીગ્રી મેળવોની નીતિથી જે સંસ્થાઓ સારી ચાલતી હતી તેને પણ નુકસાન થયું છે. હવે નવી શિક્ષણ નીતિમાં વિદેશી યુનિવર્સિટીઓ ભારતમાં તેમનાં થાણાં ખોલવાની છે. આવા સમયે આંતરરાષ્ટ્રીય સ્તરે જ નહીં, રાષ્ટ્રીય સ્તરે પણ ભારતની શિક્ષણ સંસ્થાઓને સ્પર્ધા મળશે.
આજે ભારતમાં એવી કઈ યુનિવર્સિટી છે જ્યાં અમેરિકા, ઇંગ્લેન્ડ, જર્મનીના યુવાનોને ભણવાની તાલાવેલી હોય? એવા ક્યા કોર્સ, એવી કઈ બાબત, જે શીખવું હોય તો ભારત જ આવવું પડે? આ પ્રશ્ન અગત્યનો છે કારણ કે આનો હાલ કોઈ જવાબ નથી. એવું નથી કે ભારતમાં વિદેશી વિદ્યાર્થીઓ નથી. છે પણ ગણ્યાગાંઠ્યા અને તે પણ ભારત કરતાં નાના દેશોમાંથી ગરીબ દેશોમાંથી. ભારતમાં વિદેશી વિદ્યાર્થીઓમાં આફ્રિકા ઇન્ડોનેશિયા જેવા દેશનાં વિદ્યાર્થીઓ વધારે હોય છે તે પણ ડીઝાઈનિંગ જર્નાલિઝમ જેવા વ્યાવસાયિક અભ્યાસક્રમોમાં. ભારતે આ વાત સમજવા જેવી છે.
આંતર રાષ્ટ્રીય બજાર માટે વસ્તુઓનું મહત્ત્વ નથી હોતું માટે શસ્ત્રો, ક્રુડ ઓઈલ ,મોબાઈલમાં જ ઈજારો કે પ્રતિષ્ઠા નથી હોતી .ઉત્તમ ગુણવત્તાના શિક્ષણની પણ જગતમાં વાહવાહ થાય છે. યોગ્ય કેળવણીનું પણ આંતર રાષ્ટ્રીય બજાર હોય છે પણ ભારતના શિક્ષણ સંસ્થાના સંચાલકો ભારતની અતિ વસ્તીનો લાભ લઇ દેશમાંથી જ પૂરતું કમાઈ લે છે એટલે ગુણવત્તા દ્વારા આંતર રાષ્ટ્રીય વિદ્યાર્થી આકર્ષવા મહેનત કોણ કરે? આપણે ભલે વિદેશી વિદ્યાર્થીઓ ના આકર્ષીએ પણ ભારતનાં યુવાનો ભારતમાં ભણે તેવું વાતાવરણ તો સર્જી જ શકીએ. સારું ભણવું હોય તો વિદેશ જવું પડે તે વાત તો નાબૂદ કરી શકીએ. વિશ્વગુરુ બનીએ કે ના બનીએ, આપણે આપણા ગુરુ તો બનીએ.
– આ લેખમાં પ્રગટ થયેલાં વિચારો લેખકનાં પોતાના છે