Latest News

વડોદરા શહેરમાં 46,266 વાંધા અરજીઓ : શહેર કોંગ્રેસ પ્રમુખનો ગંભીર આરોપ, કલેકટરની નિષ્ક્રિયતા સામે સવાલ

વડોદરા::
વડોદરા શહેરમાં ચાલી રહેલી મતદાર યાદી સુધારણા (SIR) પ્રક્રિયા દરમિયાન Form-7નો વ્યાપક દુરુપયોગ કરીને સુયોજિત રીતે મતચોરી કરવામાં આવી રહી હોવાનો ગંભીર આક્ષેપ વડોદરા શહેર કોંગ્રેસ પ્રમુખ ઋત્વિજ જોશીએ કર્યો છે. તેમણે આરોપ લગાવ્યો કે ભાજપના કોર્પોરેટરો, કાર્યકરો, આરએસએસ તથા સંગઠિત તત્વોની સાઠગાંઠથી હજારો સાચા મતદારોના નામ કાપવાની પૂર્વનિયોજિત સાજિશ ચાલી રહી છે, જે લોકશાહી પર સીધો હુમલો છે.
શહેર કોંગ્રેસ દ્વારા આજે “ઓપરેશન સરકાર ચોરી” શીર્ષક હેઠળ યોજાયેલી પ્રેસ કોન્ફરન્સમાં SIR પ્રક્રિયામાં Form-7 ભરીને ભાજપના નેતાઓ અને કોર્પોરેટરો દ્વારા મતદારોના નામ ઘટાડવાનું ષડયંત્ર રચાયુ હોવાના દસ્તાવેજી પુરાવા રજૂ કરવામાં આવ્યા. જેમાં ભાજપના કોર્પોરેટર અજીત દધીચ દ્વારા 122 વાંધા ઉઠાવ્યા હોવાનો ખુલાસો કરવામાં આવ્યો હતો.

*પાંચ વિધાનસભામાં 46,266 Form-7 અરજીઓ*

ઋત્વિજ જોશીએ જણાવ્યું કે વડોદરા શહેરની પાંચ વિધાનસભા વિસ્તારોમાં Form-7 હેઠળ કુલ અંદાજે 46,266 અરજીઓ દાખલ કરવામાં આવી છે, જે સામાન્ય પ્રક્રિયા નહીં પરંતુ ભાજપ અને ચૂંટણી પંચના મેળાપીપણાની સ્પષ્ટ નિશાની છે.
વિસ્તારવાર આંકડા નીચે મુજબ છે :
141 વડોદરા સિટી – 4,569
142 સયાજીગંજ – 8,195
143 અકોટા – 13,188
144 રાવપુરા – 19,045
145 મંજલપુર – 1,269
કુલ : 46,266 Form-7 અરજીઓ

*એક વ્યક્તિ – અનેક EPIC : લોકશાહીની મજાક*

તપાસ દરમિયાન ચોંકાવનારી હકીકત સામે આવી છે કે એક જ વ્યક્તિ પાસે અનેક EPIC (મતદાર ઓળખપત્ર) હોવા છતાં તેની અરજીઓ સ્વીકારવામાં આવી છે, જે ગંભીર તપાસનો વિષય છે.
દેવેશ પટેલ પાસે 25 અલગ-અલગ EPIC નંબર
C.N. મચ્છી પાસે 20 EPIC નંબર
અન્ય અનેક લોકો પાસે 2 થી 4 EPIC
એક જ વ્યક્તિ દ્વારા ખોટા EPIC પરથી એકથી વધુ વાંધા અરજીઓ અપાઈ હોવા છતાં જિલ્લા ચૂંટણી અધિકારી દ્વારા તે સ્વીકારવામાં આવી હોવાનો આરોપ લગાવવામાં આવ્યો.

*વડોદરા સિટી બેઠકમાં Form-7નો દુરુપયોગ*
વડોદરા સિટી વિધાનસભામાં કુલ 4,569 વાંધા અરજીઓ નોંધાઈ છે, જેમાં :
કુલ એપ્લિકન્ટ – 152
એક એપ્લિકન્ટ અને મલ્ટીપલ EPIC – 14
ઇનવેલીડ EPIC નંબર – 83
વોર્ડ નં. 4ના ભાજપ કોર્પોરેટર અજીત દધીચ દ્વારા 122 ખોટા વાંધા ઉઠાવવામાં આવ્યા હોવાનું પુરાવા સાથે રજૂ કરવામાં આવ્યું.

*વાંધા ઉઠાવનાર અગ્રણીઓ (નામવાર)*
રાવપુરા વિધાનસભા
વિજય વિઠ્ઠલદાસ પવાર (પૂર્વ કાઉન્સિલર) – EPIC AHZ3128246 – 46 વાંધા
મિનેશ જીતેન્દ્રકુમાર શાહ (પૂર્વ કાઉન્સિલર) – EPIC AHZ1325117 – 444 વાંધા
આદિત્ય આનંદભાઈ પટેલ (શિક્ષણ સમિતિ ચેરમેન) – 30 વાંધા
વડોદરા સિટી
અજીત દધીચ (કોર્પોરેટર, વોર્ડ-4) – EPIC XBT2666774 – 122 વાંધા
અકોટા વિધાનસભા
જાગૃતિબેન કાકા (કોર્પોરેટર ભાજપ) – 81
અક્ષય પટેલ (વોર્ડ-10 પ્રમુખ ભાજપ) – 58
બ્રિજેશ કપાડિયા (મહામંત્રી ભાજપ) – 217
મમતાબેન વ્યાસ (ઉપાધ્યક્ષ વોર્ડ-10) – 228
મેહુલ પટેલ (ભાજપ કાર્યકર્તા) – 183
રાધિકા પટેલ (ભાજપ કાર્યકર્તા) – 14
જ્યોતિબેન પટેલ (કોર્પોરેટર) – 173
નલિન હમરભાઈ પટેલ (કોર્પોરેટર) – 84
નિતીન ઠાકોરભાઈ પટેલ (પૂર્વ કોર્પોરેટર) – 9

*રાજદ્રોહનો ગુનો દાખલ કરવાની માંગ*

ઋત્વિજ જોશીએ જણાવ્યું કે SIR પ્રક્રિયામાં ષડયંત્ર રચીને ભાજપ અને ચૂંટણી પંચના મેળાપીપણાથી સાચા મતદારોના નામ ડીલીટ કરીને કોંગ્રેસને હરાવવાનો પ્રયાસ થયો છે. આ મામલે વડોદરા જિલ્લા ચૂંટણી અધિકારીને 10 થી 12 વખત રજૂઆત છતાં કોઈ કાર્યવાહી કરવામાં આવી નથી.
તેમણે ખુલ્લો પડકાર આપતાં જણાવ્યું કે, “અમે આપેલા પુરાવા ખોટા સાબિત કરી બતાવો.”
નિયમ મુજબ એક વર્ષની સજા અને એક લાખ રૂપિયાના દંડની જોગવાઈ હોવા છતાં કાર્યવાહી ન થતાં કોંગ્રેસ દ્વારા આંદોલન અને રેલી કરવાની જાહેરાત કરવામાં આવી છે.