નવી દિલ્હી: ભારતની અંડર-19 મહિલા ટીમ આજે ઈતિહાસ રચી રહી છે. ICC દ્વારા આયોજિત અંડર-19 મહિલા T20 વર્લ્ડ કપની (Women’s T20 World Cup) ફાઇનલમાં (Final) ભારત (India) અને ઇંગ્લેન્ડ (England) વચ્ચે ટક્કર થવાની છે. આ ટૂર્નામેન્ટમાં ટીમ ઈન્ડિયાની કમાન 19 વર્ષની શેફાલી વર્માના (Shefali Varma) હાથમાં છે. શેફાલી એક જાણીતું નામ છે કારણ કે 15 વર્ષની ઉંમરે તેણે ભારત માટે ડેબ્યૂ કર્યું હતું અને તેની વિસ્ફોટક બેટિંગથી પોતાની ઓળખ બનાવી હતી.
19 વર્ષની શેફાલી વર્માએ આંતરરાષ્ટ્રીય ક્રિકેટ માટે પોતાને તૈયાર કરવા માટે ઘણી તૈયારી કરી છે અને સંઘર્ષ કર્યો છે. શેફાલીએ પોતે એક ઈન્ટરવ્યુમાં જણાવ્યું હતું કે તે કેવી રીતે ફાસ્ટ બોલિંગ રમવાની પ્રેક્ટિસ કરતી હતી, છોકરાઓને તેની સામે બોલિંગ કરાવવામાં આવતી હતી જેથી તે બોલની ઝડપનો સામનો કરી શકે.
15 વર્ષની ઉંમરે ડેબ્યૂ
હરિયાણાના રોહતકથી આવી રહેલી શેફાલી વર્માએ 15 વર્ષની ઉંમરે ટીમ ઈન્ડિયા માટે ડેબ્યૂ કર્યું હતું. 2019માં જ્યારે ટીમ ઈન્ડિયા T20 વર્લ્ડ કપ માટે તૈયારી કરી રહી હતી, ત્યારે શેફાલીએ ટીમમાં પ્રવેશ કર્યો અને દક્ષિણ આફ્રિકા સામે ડેબ્યૂ કર્યું. બધાને આશ્ચર્ય થયું કે માત્ર 15 વર્ષની ઉંમરમાં આ છોકરીને ટીમ ઈન્ડિયામાં કેવી રીતે જગ્યા મળી.
પરંતુ શરૂઆતની મેચોમાં શેફાલીએ જે રીતે બેટિંગ કરી તે જોઈને બધાને આશ્ચર્ય થયું. કારણ કે શેફાલીએ પહેલા જ બોલથી બોલરો જ રન બનાાવવાનું શરૂ કર્યું અને જોરદાર શોટનો વરસાદ કર્યો હતો. ત્યાર બાદ શેફાલીએ T20 વર્લ્ડ કપમાં સારી બેટિંગ કરી, પરંતુ ટીમ ઈન્ડિયા ટાઈટલ જીતી શકી નહીં.
છોકરાઓ સાથે પ્રેક્ટિસ કરતી હતી
શેફાલીએ પોતાની તૈયારીઓ વિશે જણાવ્યું કે જ્યારે તે T20 વર્લ્ડ કપ પછી પરત આવી ત્યારે તે ઘણી વસ્તુઓ પર કામ કરવા માંગતી હતી. આવી સ્થિતિમાં તેણે પોતાના કોચ સાથે કામ કરવાનું શરૂ કર્યું, કારણ કે મને ODI ટીમમાં જગ્યા મળી રહી ન હતી. તેથી અમે ઝડપી બોલ રમવાનું શરૂ કર્યું, છોકરાઓ 135-140 KMPH ની ઝડપે બોલિંગ કરતા હતા. શેફાલીના કહેવા પ્રમાણે, તેણે ક્રિકેટની સાથે પોતાની ફિટનેસ, ડાયટિંગ પર ભાર મૂક્યો હતો. આ સાથે તેણે વર્લ્ડ કપની હારમાંથી બહાર આવવા માટે ઘણા સેશન પણ કર્યા હતા. મેચ ફીટ રહેવા માટે શેફાલીએ પોતાનો મનપસંદ ખોરાક છોડવો પડ્યો હતો. શેફાલીએ કહ્યું કે હવે તે પિઝા નથી ખાતી, ડોરમેન નથી જોતી કારણ કે તેનું ધ્યાન માત્ર ક્રિકેટ પર છે.
શેફાલીએ બનાવ્યા છે આ રેકોર્ડ
શેફાલી વર્માના રેકોર્ડ પર નજર કરીએ તો માત્ર 19 વર્ષની ઉંમરે તેણે 51 T20 મેચમાં 1231 રન બનાવ્યા છે. શેફાલીનો સ્ટ્રાઈક રેટ 134.53 છે, તેણે T20માં 149 ફોર અને 48 સિક્સર ફટકારી છે. હવે તે ભારત માટે માત્ર T20 જ નહીં પરંતુ ODI અને ટેસ્ટ પણ રમી છે. અત્યાર સુધી તેણે 2 ટેસ્ટ મેચ, 21 વનડે રમી છે. તેની નાની ઉંમરના કારણે, BCCIએ તેને અંડર-19 T20 વર્લ્ડ કપમાં ટીમની કમાન સોંપી અને હવે તે ઈતિહાસ રચવાની નજીક છે.
