ઘણા દેશોમાં ઓમિક્રોનના (Omicron)કેસોમાં વધારો નોંધાઈ રહ્યો છે, ત્યારે માઈક્રોસોફ્ટના (Microsoft) સહ-સ્થાપક (CEO) બિલ ગેટ્સે (Bill Gates) એક ટ્વીટ કરીને નવા રોગચાળા વિષેની ચેતવણી આપી છે. તેમણે નવા કોવિડ-19 (Covid-19)વેરિઅન્ટના જોખમો સામે કડક ચેતવણી આપતા કહ્યું કે જ્યારે એવું લાગે છે કે જીવન સામાન્ય થઈ રહ્યું છે ત્યારે એ જાણી લેવું જરૂરી છે કે કદાચ વિશ્વ રોગચાળાના સૌથી ખરાબ ભાગમાં પ્રવેશ કરી રહ્યું છે. તેઓએ એ પણ ખુલાસો કર્યો કે તેમના કેટલાક નજીકના મિત્રોએ ઓમિક્રોન માટે સકારાત્મક પરીક્ષણ કર્યું છે. વાયરસની વધતી જતી ચિંતાઓને ધ્યાનમાં રાખીને ગેટ્સે તેમની મોટાભાગની રજાઓની યોજનાઓ પહેલેથી જ રદ કરી દીધી છે.
ઓમિક્રોન આપણા બધા માટે ઘર કરી જશે.. બિલ ગેટ્સે ટ્વિટર ઉપર આ વાત શેર કરી છે. ટ્વીટ્સની શ્રેણીમાં 66 વર્ષીય ગેટ્સે આગળ કહ્યું કે કોરોનાવાયરસનો નવો પ્રકાર ઇતિહાસમાં કોઈપણ વાયરસ કરતા વધુ ઝડપથી ફેલાઈ રહ્યો છે. તે ટૂંક સમયમાં વિશ્વના દરેક દેશમાં પહોંચી શકે છે. ગેટ્સે ચેતવણી આપી કે ઘણા લોકો પરિસ્થિતિને હળવાશથી લઈ રહ્યાં છે જ્યારે સમગ્ર વિશ્વમાં ઓમિક્રોનના નવા કેસ સામે આવી રહ્યા છે. તેમણે કહ્યું કે નવા પ્રકાર વિશે અત્યાર સુધીની પરિસ્થિતિની ગંભીરતા હજુ સ્પષ્ટ નથી.
બિલ ગેટ્સે લોકોને સાવચેત રહેવા અને ઓમિક્રોનને ગંભીરતાથી લેવા વિનંતી કરી છે. તેમણે વ્યક્ત કર્યું કે ભલે તે કોવિડ-19ના ડેલ્ટા વેરિઅન્ટ જેટલો ઓછો ગંભીર હોય, પણ ઓમિક્રોન કેસના સૌથી ખરાબ ઉછાળા તરફ દોરી શકે છે. આ અત્યાર સુધી તે ખૂબ ચેપી વેરિઅન્ટ છે. તે દરમિયાન, આપણે બધાએ એકબીજા માટે ધ્યાન રાખવું પડશે, ખાસ કરીને સૌથી વધુ સંવેદનશીલ રહેવું પડશે. પછી ભલે તેઓ શેરીમાં રહેતા હોય કે બીજા દેશમાં રહેતા હોય. ગેટ્સએ એવા પગલાં પણ શેર કર્યા કે જેનાથી લોકો વાયરસના ઉછાળાને ટાળવા અને ઓમિક્રોનના ફેલાવાને નિયંત્રિત કરી શકે છે. તેમણે માસ્ક પહેરવા, સોશિયલ ડિસ્ટન્સિંગ અને રસી મુકાવા પર ભાર મુક્યો છે. તેમણે કહ્યું કે બૂસ્ટર ડોઝ મેળવવાથી શ્રેષ્ઠ રક્ષણ મળે છે.
રસીકરણ કરાયેલા લોકોમાં વધુ કેસો
ગેટ્સે વધુમાં એમ કહીને ચોંકાવનારી આગાહી વ્યક્ત કરી હતી કે ભવિષ્યમાં રસીકરણ કરાયેલા લોકોમાં કોરોનાના વધુ પ્રગતિશીલ કેસ જોવા મળી શકે છે. જેથી બુસ્ટર ડોઝ મુકાવવો વધુ હિતાવહ છે. રસીઓ લોકોને ગંભીર રીતે બીમાર અથવા મૃત્યુ પામતા અટકાવવા માટે બનાવવામાં આવી છે અને તે સારી રીતે કામ કરી રહી છે.
ગેટ્સના જણાવ્યા મુજબ આગામી તરંગ જે ઓમિક્રોનને કારણે થઈ શકે છે. જો ઓમિક્રોન વધુ ત્રણ મહિના ચાલશે તો આ નવો વેરિઅન્ટ આવવાની શક્યતા વધી જાય છે. કારણ કે નવો પ્રકાર ઝડપથી આગળ વધે છે. ગેટ્સે લોકો પ્રત્યે સહાનુભૂતિ દર્શાવી કહ્યું કે હું જાણું છું કે કોવિડ આપણા પર મંડરાઈ રહ્યો છે પરંતુ તે કાયમ માટે નહીં રહે. કોઈ દિવસ રોગચાળો સમાપ્ત થશે, અને જેટલી આપણે એકબીજાની વધુ સારી રીતે સંભાળ રાખીશું, તેટલી જલ્દી તે સમય આવશે.
