નવી દિલ્હીઃ આજે સવારે શેરબજારમાં ઘટાડો નોંધાતા રોકાણકારો ગભરાયા હતા, પરંતુ આ ડર થોડા જ સમયમાં ગાયબ થઈ ગયો હતો. કારણ કે બજારે તેજીની ગતિ પકડી લીધી હતી. વેચવાલીના દબાણનો સામનો કરી રહેલું બજાર ઝડપથી ઉઠ્યું હતું. એક તબક્કે સેન્સેક્સે 82000ની સપાટી વટાવી દીધી હતી. નિફ્ટીએ પણ 24800નો આંકડો પાર કર્યો હતો. દિવસના અંતે બીએસઈ 809 પોઈન્ટના વધારા સાથે 81765 પર બંધ થયું હતું. જ્યારે નિફ્ટી 240 પોઈન્ટના વધારા સાથે 24708 પર બંધ થયું હતું.
જોકે, બજાર બંધ થવાના થોડા સમય પહેલા ફરી એકવાર ઘટાડાનો તબક્કો જોવા મળ્યો હતો. અંતે સેન્સેક્સ અને નિફ્ટી ઉછાળા સાથે બંધ થયા હતા. આ અગાઉ બપોરે 2 વાગ્યાની આસપાસ બજાર થોડા સમય માટે નરમ પડ્યું હતું. નિફ્ટી પર આજે સૌથી વધુ કમાણી કરનારા શેરોમાં ટ્રેન્ટ ટોચ પર રહ્યો હતો. તેણે આજે 3.31 ટકા વળતર આપ્યું છે.
આ પછી ઈન્ફોસિસ, TCS, Titan અને ડૉ. રેડ્ડીએ 2 ટકાથી વધુ રિટર્ન આપ્યું. બીજી તરફ SBI, HDFC લાઈફ, બજાજ ઓટો, NTPC અને ગ્રાસિમમાં 0 થી 1 ટકાથી વધુની ખોટ જોવા મળી હતી.
FFIની સ્થિતિ બદલાઈ છે
વિદેશી સંસ્થાકીય રોકાણકારો ડિસેમ્બરમાં ચોખ્ખા ખરીદદાર બન્યા છે. FFI જે છેલ્લા કેટલાક મહિનાઓથી નેટ સેલર છે તેણે બુધવારે રૂ. 1798 કરોડના શેર ખરીદ્યા હતા. અગાઉ મંગળવારે પણ વિદેશી રોકાણકારોએ સ્થાનિક શેરબજારમાં રૂ. 3665 કરોડનું રોકાણ કર્યું હતું. જ્યારે ઓક્ટોબર અને નવેમ્બરમાં FIIએ ભારતીય બજારમાંથી રૂ. 1.6 લાખ કરોડ પાછા ખેંચી લીધા હતા.
અર્થવ્યવસ્થામાં મજબૂતી
યુએસ તરફથી મળેલા સારા સમાચારને કારણે સ્થાનિક અર્થતંત્ર પણ સારું રહેવાની આગાહી કરવામાં આવી રહી છે. બજાર એવું માની રહ્યું છે કે રિઝર્વ બેંક ઓફ ઈન્ડિયા 6 ડિસેમ્બરે રેટ કટનો સંકેત આપી શકે છે. રેપો રેટમાં ઘટાડો ન થાય તો પણ તેના વિશે કંઈક મોટું કહી શકાય જે ભવિષ્યમાં વ્યાજદરમાં ઘટાડાનો માર્ગ મોકળો કરશે.
