નવી દિલ્હી: બોલિવૂડની (Bollywood) સૌથી આઇકોનિક કોમેડી ફિલ્મોમાંથી (Iconic Comedy Film) એક ‘હેરા ફેરી’નું (Hera Pheri 3) નામ પણ સામેલ છે. આ ફિલ્મમાં ખાસ કરીને બાબુ ભાઈ (Babu Bhai), રાજુ (Raju) અને શ્યામની (Shyama) ત્રિપુટી જોડી વધુ ચર્ચામાં હતી. આ ફિલ્મમાં રાજુના પાત્ર વિના કલ્પના કરવી મુશ્કેલ છે. પરંતુ આ પાત્ર અક્ષય કુમાર (Akshy Kumar) ભજવ્યું હતું. હવે મેકર્સે એવી જાહેરાત કરી છે કે ટૂંક સમયમાં જ હેરા ફેરી 3 આવવા જઈ રહ્યું છે. પરતું થોડા દિવસો પહેલા એક ઇવેન્ટમાં અક્ષય કુમારે કહ્યું હતું કે તે ફિલ્મનો ભાગ બનશે નહિં, એટલે કે રાજુનો પાત્ર ભજવે નહીં. અક્ષયે કહ્યું હતું કે ‘હેરા ફેરી 3’ના નિર્માતાઓએ તેને સ્ક્રિપ્ટ બતાવી હતી પરંતુ તે તેમાં થોડો ફેરફાર ઈચ્છે છે. પરંતુ મેકર્સ સાથે મતભેદોને કારણે વસ્તુઓ કામ કરી શકી નહીં અને અક્ષયે હેરાફેરી ફ્રેન્ચાઇઝીથી અલગ થવાનો નિર્ણય કર્યો.
અક્ષયનું નિવેદન આવતાની સાથે જ ‘હેરા ફેરી’ના ચાહકોએ સોશિયલ મીડિયા પર પોતાની નારાજગી વ્યક્ત કરવાનું શરૂ કરી દીધું હતું. ટ્વિટર પર ચાહકોએ ‘નો અક્ષય નો હેરા ફેરી’ એટલે કે અક્ષય કુમાર નહીં તો ‘હેરા ફેરી’ પણ નહીં તેવો ટ્રેન્ડ કરવાનું શરૂ કર્યું હતું. અક્ષયની ‘હેરા ફેરી’ના પાર્ટનર સુનીલ શેટ્ટી અને પરેશ રાવલે જણાવ્યું કે મેકર્સ નવી ફિલ્મમાં અક્ષયની જગ્યાએ કાર્તિક આર્યનને લેવાના છે. એવું પણ કહેવામાં આવ્યું હતું કે કાર્તિક જે રોલ કરી રહ્યો છે તે અક્ષયનું નહીં પણ એક નવું પાત્ર છે. પરંતુ હાલના અહેવાલો જણાવે છે કે અક્ષય કુમાર ફેન્સ માટે ફરી વિચારી શકે છે અને કદાચ ફિલ્મ માટે હા પણ પાડી શકે છે. જો કે નિર્માતાઓએ પણ પોતાનો પ્રયત્નો શરૂ કરી દીધા છે.
ફિરોઝ નડિયાદવાલા અને અક્ષયની મુલાકાત
એક રિપોર્ટ્સમાં દાવો કરવામાં આવી રહ્યો છે કે હેરા ફેરી ફ્રેન્ચાઈઝીના નિર્માતા ફિરોઝ નડિયાદવાલાએ અક્ષય કુમાર સાથે ફરીથી વાતચીત શરૂ કરી છે. એક સૂત્રએ જણાવ્યું કે ‘હેરા ફેરી 3’માં કાર્તિક આર્યન અને બાકીના કાસ્ટિંગની પણ કાગળ પર પુષ્ટિ કરવામાં આવી હતી, પરંતુ હવે મામલો ફરી પલટી રહ્યો છે તેવો લાગી રહ્યો છે.
રિપોર્ટ્સમાં કહેવામાં આવ્યું છે કે ફિરોઝ છેલ્લા 10 દિવસમાં બે વાર અક્ષયને મળ્યો છે અને તેને ખૂબ જ પોપ્યુલર ફ્રેન્ચાઇઝીમાં પરત લાવવાનો પ્રયાસ કરી રહ્યો છે. એવું કહેવામાં આવ્યું છે કે ફિરોઝને અહેસાસ થાય છે કે અક્ષયનું પાત્ર કેટલું મજબૂત છે અને રાજુના પાત્રને ઉંચાઈ પર લઈ જવામાં તેની એક્ટિંગનું કેટલું યોગદાન છે. ફિરોઝ પણ અસલી ત્રણેય વગર ‘હેરા ફેરી 3’ બનાવવા પર જનતાની લાગણીને સમજી રહ્યો છે.
‘હેરા ફેરી 3’ અક્ષય વિના બની શકે નહીં
સૂત્રએ કહ્યું કે હેરા ફેરી એક એવી ફિલ્મ છે જે અક્ષય કુમાર વિના બની શકતી નથી, મેકર્સ પણ આ વાતથી વાકેફ છે. તેથી જ તે મૂળ કલાકારો સાથે હિન્દી સિનેમાની સૌથી આઇકોનિક કોમેડી ફ્રેન્ચાઇઝીને પડદા પર પાછી લાવવાનો શ્રેષ્ઠ પ્રયાસ કરી રહ્યો છે. આ દિશામાં આગળ વધવા માટે નિર્માતાઓ અને કલાકારો વચ્ચે સતત વાતચીત ચાલી રહી છે.
રિપોર્ટમાં કહેવામાં આવ્યું છે કે અક્ષયે પણ ફિરોઝ સાથે કામ કરવામાં રસ દાખવ્યો છે. માત્ર એક અભિનેતા તરીકે જ નહીં, પરંતુ સર્જનાત્મક સ્તરે પણ, તે ‘હેરા ફેરી 3’ એવી ફિલ્મ બનાવવા માંગે છે કે ચાહકો તેમની લાંબી રાહ, અપેક્ષાઓ અને હાઇપનું સંપૂર્ણ મૂલ્ય વસૂલ કરી શકે.
એવું પણ કહેવામાં આવ્યું છે કે અક્ષયની ફી ક્યારેય તેમના અલગ થવાનું કારણ ન હતી, પરંતુ સ્ક્રિપ્ટમાં ગડબડ થઈ હતી. પરંતુ હવે ફિરોઝ અને અક્ષય બેસીને ફિલ્મના ભવિષ્ય વિશે નિર્ણય કરશે. ચાહકોને ‘હેરા ફેરી 3’થી જોરદાર કોમેડીની અપેક્ષા છે અને આવી સ્થિતિમાં અક્ષય ફરીથી રાજુના રોલમાં જોવા બધાને ગમશે.
