ભારતની એક મહત્ત્વાકાંક્ષી અને મહેનતુ વર્કિંગ વુમન પરિણીત છે અને બે બાળકો સહિત કુટુંબ અને કામ પર 8 લોકોની ટીમનું સચોટ સંચાલન કરે છે. આ બધું પોતે જ નિર્ણયો લઈને કરે છે! તે જાણીતી IT કંપનીમાં ડિલિવરી મેનેજર છે જ્યાં તે પ્રોજેક્ટ વિચારોનું આયોજન કરે છે અને વિકાસ કરે છે. પ્રોજેક્ટની પ્રગતિ પર નજર રાખે છે, સમયમર્યાદા નક્કી કરે છે, ભૂલો સુધારે છે, હિતધારકોનો સંતોષ સુનિશ્ચિત કરે છે, કામગીરીનું મૂલ્યાંકન કરે છે, ટેક વલણો સાથે સુસંગત રહે છે, નક્કી કરે છે કે શું ખોરાક લેવો? સાપ્તાહિક કસોટી માટે તેણીના બાળકને સૂચવે છે કે ગણિતનું ટેબલ યાદ રાખવું જોઈએ! રોજબરોજની તમામ પ્રવૃત્તિઓમાં સક્ષમ અને સક્રિયપણે સામેલ હોવા છતાં તેણી જીવનના સૌથી મહત્ત્વપૂર્ણ પાસાંઓમાંથી એક નાણાંકીય વ્યવસ્થા જાતે કરવાનું ચૂકી જાય છે.
સામાન્ય રીતે સ્ત્રીઓમાં બચતની સારી ટેવ હોય છે અને તેમના સ્વભાવમાં સંપત્તિ સર્જન માટેના બે ખૂબ જ મહત્ત્વપૂર્ણ ગુણો હોય છે. વિગતો પર ધ્યાન આપે છે. મની મેનેજમેન્ટ માટે જરૂરી આ જન્મજાત શક્તિઓ હોવા છતાં ઘણી સ્ત્રીઓ માત્ર બચત જ કરે છે અને રોકાણ કરતી નથી. મોટા ભાગની મહિલાઓ રોકાણ કરવાનું પસંદ કરે છે, તે પરંપરાગત વિકલ્પો જેમ કે સોનાના દાગીના અને ફિક્સ ડિપોઝિટ, PPF , એન્ડોસમેન્ટ પોલિસી વગેરે પર ધ્યાન આપે છે, 42% અને 35% ટકા એમ કહે છે કે તેમની ટોચની પસંદગી અનુક્રમે સોનું અને ફિક્સ્ડ ડિપોઝિટ છે; ફુગાવા સામે બચાવ અને પોતાના માટે સંપત્તિ બનાવવા માટે તેમનો સંકલ્પ પ્રમાણમાં નથી.
વૈશ્વિક સ્તરે છઠ્ઠું સૌથી મોટું ઇક્વિટી માર્કેટ હોવા છતાં તેમાં સૌથી ઓછી મહિલા સહભાગી છે. જ્યારે રોકાણનું ક્ષેત્ર પુરુષ પ્રભુત્વ ધરાવે છે, ભારતમાં આ બાબત સ્ત્રી – પુરુષ તફાવત વ્યાપક છે! જેમાં 100 રોકાણકારોમાંથી ફકત 21 મહિલાઓ જ છે, અન્ય ઊભરતાં બજારોમાં ડેટા અનુસાર ચીન (34%), દક્ષિણ આફ્રિકા (33%) અને મલેશિયા (29%)માં મહિલાઓ સક્રિય છે.
ઉપરોક્ત પરિસ્થિતિ માત્ર એક મહિલા કે વર્કિંગ વુમન માટે લાગુ પડતી નથી પરંતુ તેના જેવી અન્ય ઘણી ભારતીય વર્કિંગ વુમન કે જેઓ IT પ્રોફેશનલ્સ, બેન્કર્સ, એકાઉન્ટન્ટ્સ, ડૉક્ટર્સ, શેફ, ફેશન, મીડિયા અથવા અન્ય ક્ષેત્રમાં નોકરી કરે છે તેમના માટે પણ નક્કર હકીકત છે. મહિલાઓ શેરબજારમાં નાણાંનું રોકાણ ન કરતી હોવાનાં મુખ્ય કારણોમાં સમયનો અભાવ, અયોગ્ય નાણાંકીય જાણકારી અને તેમની સંપૂર્ણ બચત ગુમાવવાનો ભય મુખ્ય ભાગ ભજવે છે. આજે ફાઇનાન્સના ક્ષેત્રમાં તકનીકી પ્રગતિ અને વધુ જાગૃતિ સાથે, વ્યાવસાયિક મદદ લેવી એ એકાદ ક્લિક દૂરની બાબત છે! જો કે એક મોટી સમસ્યા લોકોની માનસિકતામાં રહેલી છે.
ઘણી સ્ત્રીઓ જ્યારે તેમની બચતની વાત આવે છે ત્યારે મદદ અને સહાય મેળવવામાં ડર અનુભવે છે. તેઓ સોનાના દાગીના માટે મેકિંગ ચાર્જ અને લોકર ચાર્જ ચૂકવવા તૈયાર છે. તેઓ બેંકથાપણો પર સીમિત વ્યાજદરો પર પતાવટ કરશે પરંતુ તે નિષ્ણાતને ફી ચૂકવશે નહીં જે ડોમેનમાં તેની કુશળતાનો ઉપયોગ કરી શકે અને ઇક્વિટી રોકાણ પ્રક્રિયાને સરળ બનાવી શકે. દોષ સંપૂર્ણપણે તેમનો નથી. મહિલાઓને એવા સ્તરે સશક્ત કરવા માટે એક સશક્ત સમાજની જરૂર છે કે જેથી તેઓ પોતાના માટે સમજદારી સાથે અને જાણકાર બની નાણાંકીય નિર્ણયો લઈ શકે.હકીકતો અને આંકડાઓ મહિલાઓ માટે રોકાણમાં પ્રેરણાદાયી ચિત્ર દર્શાવે છે.
મહિલાઓએ જીવનનાં તમામ ક્ષેત્રોમાં કાચની ટોચમર્યાદા તોડી નાખી છે, પછી તે રાજકારણ હોય કે શિક્ષણ. રોગ ફાટી નીકળ્યા પછી આર્થિક મંદી હોવા છતાં નોકરી ગુમાવવા અને પગારમાં ઘટાડો થવા તરફ દોરી જવા છતાં ઇક્વિટી રોકાણોમાં મહિલાઓની વધતી ભાગીદારી એ સકારાત્મક મુદ્દો હતો. પરંપરાગત વિકલ્પો જેમ કે સોનાનાં આભૂષણો અને ફિક્સ્ડ ડિપોઝિટ, પરંપરાગત વીમા પૉલિસીઓ વગેરે જેવી ઉપર ચર્ચા કરવામાં આવી છે તે ઘણી સ્ત્રીઓ માટે સૌથી વધુ પસંદગીની રોકાણ પસંદગીઓમાંની એક છે.
જો કે આવા વિકલ્પો વાર્ષિક ઝાઝું વળતર આપતા નથી. ફિક્સ્ડ ડિપોઝિટ અને ભૌતિક સોનું ટેક્સના બોજ સાથે આવે છે. તેનો અર્થ એ છે કે આ નાણાંકીય પ્રવાહ તેમના પ્રથમ તબક્કામાં કામ કરી રહ્યા છે, સંપત્તિ સર્જનના ગંતવ્ય સુધી પહોંચવા માટે લક્ષ્યો સાથે યોગ્ય રીતે સંરેખિત નથી. આ વિકલ્પોમાં રોકાણ કરવું મહેનતથી કમાયેલા નાણાંને તેના પર નિર્માણ કરવાને બદલે સ્થિર કરવાનો એક નિશ્ચિત માર્ગ છે.
તેનાથી વિપરીત જો ઈતિહાસનો કોઈ પુરાવો છે તો ઈક્વિટી એ એસેટ ક્લાસ છે જેણે છેલ્લાં 125 વર્ષોમાં તેના તમામ સમકક્ષોને પાછળ રાખી દીધા છે! વધારે મહિલાઓને ઈક્વિટી ઈન્વેસ્ટિંગ ગેમમાં લાવવા તે સમયની જરૂરિયાત છે. સૌથી સહેલો અને સલામત રસ્તો એ છે કે ઇક્વિટી સાધનો વિશે વધુ વાંચવું અને સમજવું અને લાંબા ગાળાનાં નાણાંકીય લક્ષ્યોની વધુ સારી સ્પષ્ટતા અને આયોજન માટે સર્ટિફાઇડ ફાઇનાન્શ્યલ પ્લાનર્સ અથવા સેબી-રજિસ્ટર્ડ ઇન્વેસ્ટમેન્ટ એડવાઇઝર્સની મદદ લેવી. મહિલાઓએ ચોક્કસપણે પોતાની કમાણી કે બચતનો હવાલો લેવો જોઈએ, જેમ આજની મહિલાઓએ તેમની કારકિર્દીનો હવાલો સંભાળ્યો છે. ભવિષ્યમાં આ રસ્તો પણ સ્વાભાવિક લાગશે!
