નવી દિલ્હી: IT સેક્ટરની (IT sector) દિગ્ગજ ભારતીય કંપની HCL (HCL Technologies) આગામી બે વર્ષમાં મોટી સંખ્યામાં લોકોને નોકરી (Job) પર રાખવા જઈ રહી છે. કંપનીએ (Company) એક નિવેદનમાં કહ્યું કે તે આગામી બે વર્ષમાં મેક્સિકોમાં (Mexico) 1300 લોકોને નોકરી આપશે. આટલા લોકોની ભરતી બાદ મેક્સિકોમાં HCLના કર્મચારીઓની સંખ્યા વધીને 2,400 થઈ જશે. કંપની મેક્સિકોમાં તેના કર્મચારી આધારને મજબૂત કરવાની યોજના પર કામ કરી રહી છે. કંપનીએ તેના બિઝનેસના 14 વર્ષ પૂર્ણ થવા પર મેક્સિકોમાં આયોજિત સમારોહમાં તેનું વિસ્તરણ મોડલ રજૂ કર્યું છે.
હાઇબ્રિડ ઓપરેટિંગ મોડલ
HCLએ કહ્યું છે કે આગામી વર્ષમાં તે મેક્સિકોમાં તેનું છઠ્ઠું ટેક્નોલોજી સેન્ટર પણ ખોલશે. કંપનીના હાઇબ્રિડ ઓપરેટિંગ મોડલને અનુરૂપ, કેન્દ્ર એક વૈભવી અને ઉપયોગ માટે તૈયાર ઓફિસ હશે, નિવેદનમાં જણાવાયું છે. HCL ટેક ઓફ કોર્પોરેટ વાઇસ પ્રેસિડેન્ટ અજય બહેલએ (યુએસએ અને એક્ઝિક્યુટિવ સ્પોન્સર, મેક્સિકો)જણાવ્યું હતું કે, “અમે અમારા ગ્રાહકો અને ભાગીદારો સાથે મજબૂત ભાગીદારી માટે ભાગ્યશાળી છીએ. અમે મેક્સિકોમાં વિસ્તરણ કરવા માટે પ્રતિબદ્ધ છીએ.
તેમણે કહ્યું કે સ્થાનિક ઇકો-સિસ્ટમ, અત્યાધુનિક ડિસ્ટ્રિબ્યુટર કેન્દ્રો અને પ્રતિભાશાળી કર્મચારીઓ સાથેનું મજબૂત નેટવર્ક અમારા રોકાણો સાથે ઉદ્યોગ માટે તકનીકી પ્રગતિ સાથે સુપરચાર્જિંગ પ્રગતિના અમારા મિશનને શક્તિ આપે છે. મેક્સિકોમાં કંપનીના કન્ટ્રી હેડે કહ્યું કે મેક્સિકોમાં અમારી ટીમોએ જે કામ કર્યું છે તેના પર અમને ખૂબ ગર્વ છે. કંપનીએ હાલમાં જ પોતાનો નવો લોગો લોન્ચ કર્યો છે.
આઈટી સેક્ટર ભરતી અંગે ચર્ચામાં છે
છેલ્લા કેટલાક સમયથી આઈટી સેક્ટર હાયરિંગ એક્ટિવિટીને લઈને ઘણી ચર્ચામાં છે. એક પછી એક ઘણી કંપનીઓમાં આવા કિસ્સાઓ સામે આવી રહ્યા છે, જ્યાં ફ્રેશર્સ પસંદ કરવામાં આવ્યા છે પરંતુ તેમની ઓનબોર્ડિંગ સસ્પેન્ડ કરવામાં આવી રહી છે.
350 કર્મચારીઓની ચાલુ નોકરી ગઈ હતી
ટેક પ્રોફેશનલ્સે ઈન્ફોસિસ, એચસીએલ ટેક અને ટેક મહિન્દ્રા પર આવું જ કરવાનો આરોપ લગાવ્યો હતો. એક યુવા ટેક પ્રોફેશનલે જણાવ્યું હતું કે તેને ત્રણેય ટોચની IT કંપનીઓ તરફથી ઓફર મળી છે, પરંતુ હવે ભરતી ન થવાને કારણે તે નાણાકીય અને માનસિક તણાવનો સામનો કરી રહ્યો છે. ગયા મહિને, HCL ટેક્નોલોજીએ વૈશ્વિક સ્તરે મોટી છટણી કરી હતી. જે અંતર્ગત 350 કર્મચારીઓને બહારનો રસ્તો દેખાડવામાં આવ્યો હતો. બરતરફ કરાયેલા કામદારો ગ્વાટેમાલા, ફિલિપાઈન્સ અને ભારત સહિતના કેટલાક દેશોના હતા.
