ગાંધીનગર: રાજ્યમાં 48 કલાક પછી ઠંડી વધવાની સંભાવના છે. ઠંડી વધવાને કારણે આવતીકાલે લોકોને 31મી ડિસે.ની ઉજવણીમાં મજા આવી જશે. આજે દિવસ દરમિયાન રાજ્યમાં કચ્છના નલિયામાં 12.6 ડિગ્રી ઠંડી નોંધાવવા પામી છે. જો કે હવામાન વિભાગના વૈજ્ઞાનિકોના કહેવા મુજબ, રાજ્યમાં 3 ડિગ્રી જેટલી ઠંડી વધવાની છે, એટલે કે ઠંડીનો પારો 3 ડિગ્રી સુધી નીચે ગગડી જશે. રાજ્યમાં હવે 48 કલાક પછી કાતિલ ઠંડીનો રાઉન્ડ શરૂ થઈ રહ્યો છે. ખાસ કરીને સૌરાષ્ટ્ર- કચ્છ ઉત્તર ગુજરાત અને દક્ષિણ ગુજરાતને તેની અસર થશે.
આજે મંગળવારે કચ્છના નલિયામાં ઠંડીનો પારો નીચે ગગડી જવા પામ્યો હતો. રાજ્યમાં અનેક ભાગોમાં હવે ઠંડી વધવાની છે. ખાસ કરીને આગામી એક સપ્તાહની અંદર ઠંડીનો પારો હજુયે નીચે ગગડી જશે. હવામાન વિભાગના સૂત્રોએ કહ્યું હતું કે રાજ્યના અન્ય શહેરો પૈકી ભૂજમાં 16 ડિ.સે., નલિયામાં 12.6 ડિ.સે., કંડલા પોર્ટ પર 17 ડિ.સે., કંડલા એરપોર્ટ પર 14 ડિ.સે., અમરેલીમાં 13 ડિ.સે., ભાવનગરમાં 16 ડિ.સે., રાજકોટમાં 14 ડિ.સે., સુરેન્દ્રનગરમાં 16 ડિ.સે., મહુવામાં 14 ડિ.સે., કેશોદમાં 13 ડિ.સે., અમદાવાદમાં 15 ડિ.સે.,ડીસામાં 14 ડિ.સે., ગાંધીનગરમાં 14 ડિ.સે., વલ્લભ વિદ્યાનગરમાં 16 ડિ.સે., વડોદરામાં 15 ડિ.સે., સુરતમાં 16 ડિ.સે. અને દમણમાં 16 ડિ.સે. લધુત્તમ તાપમાન નોંધાયું છે.
