ગાંધીનગર (Gandhinagar): રાજ્ય સરકાર દ્વારા બુધવારે શાળાઓ ખોલવા અંગે મોટી જાહેરાત કરવામાં આવી છે. મળતી માહિતી મુજબ રાજ્યમાં 11 જાન્યુઆરીથી ધો.10-12નાં વર્ગો શરૂ કરાશે. શિક્ષણમંત્રી ભુપેન્દ્રસિંહ ચુડાસમાની મોટી જાહેરાત કરી છે. આ સિવાય રાજ્યમાં PG,UG,છેલ્લાં વર્ષનું શિક્ષણકાર્ય પણ શરૂ કરાશે .આજનો નિર્ણય ગુજરાત રાજ્યનાં તમામ બોર્ડને લાગૂ પડશે. ગાંધીનગરમાં બુધવારે કેબિનેટની બેઠકમાં આ મહત્વનો નિર્ણય લેવાયો છે.
રાજ્ય સરકારે જાહેર કરેલી માર્ગદર્શિકા:
- ગુજરાતમાં વિદ્યાર્થીઓને નહીં મળે માસ પ્રમોશન
- જેટલું ભણાવીશું તેટલાની પરીક્ષા લઈશું: ભૂપેન્દ્રસિંહ
- 11 જાન્યુઆરીથી ધોરણ – 10, 12ના વર્ગ શરૂ થશે
- UG, PGના છેલ્લા વર્ષનું શિક્ષણ કાર્ય શરૂ થશે
- વિદ્યાર્થીઓએ વાલીઓની સંમતિ મેળવવાની રહેશે
- શાળામાં વિદ્યાર્થીઓની હાજરી ફરજિયાત નથી
- ઓનલાઈન શિક્ષણ પણ ચાલુ રહેશે: ભૂપેન્દ્રસિંહ
- અન્ય ધોરણ શરૂ કરવા અંગે તબક્કાવાર નિર્ણય લેવાશે
- કેન્દ્ર સરકારની SOPનું પાલન કરવામાં આવશે
