નવી દિલ્હી: પાકિસ્તાનના પૂર્વ વડાપ્રધાન ઈમરાન ખાનની મુશ્કેલીઓ સતત વધી રહી છે. પાકિસ્તાન પોલીસ ધરપકડ (Arrest) વોરન્ટ (warrant) સાથે પાકિસ્તાનના પૂર્વ વડાપ્રધાન ઈમરાન ખાનના (Former Prime Minister Imran Khan) ઘરે પહોંચી હતી. જો કે પોલીસ તેમની ધરપકડ કરે તે પહેલા જ તેઓ ઘરેથી ગાયબ થઈ ગયા હતા. જેના કારણે પોલીસ ખાલી હાથ પરત ફરી હતી. જ્યારે પોલીસ અધિક્ષક ઈમરાનના ઘરે પહોંચ્યા તો પૂર્વ વડાપ્રધાન ત્યાં જોવા મળ્યા ન હતા. ત્યારે હવે ઈમરાન ખાન લાહોરના જમાન પાર્કમાં જોવા મળ્યા હતા ત્યાં તેઓ ત્યાં પોતાની પાર્ટીના કાર્યકરો અને સમર્થકોને સંબોધી રહ્યાં હતા. પાકિસ્તાની સરકાર ઉપર આરોપ લગાવતા તેમણે કહ્યું કે હાલ વિશ્વમાં પાકિસ્તાન વાટકો લઈને ફરી રહ્યું છે. જેનું એક માત્ર કારણ જ પાકિસ્તાનની સરકાર છે. જાણકારી મળી આવી છે કે હાલમાં જ જેલમાંથી છૂટીને ઈમરાને પોતાની પાર્ટી તેમજ તેનાં નેતાઓને સંબોધતા ટાઈગરનો સંકેત આપ્યો હતો.
ઈસ્લામાબાદના આઈજીએ આજે જ ઈમરાન ખાનની ધરપકડનો આદેશ આપ્યો છે. જો કે આજે ઈમરાનની ધરપકડ થાય તેવી શક્યતા નથી. ગૃહમંત્રી રાણા સનાઉલ્લાહે સંકેત આપ્યા છે કે આજે ધરપકડની કોઈ શક્યતા નથી. કોર્ટને હવે આ મામલે તાજેતરની સ્થિતિ વિશે જણાવવામાં આવશે. મામલાની ગંભીરતા જોતા પોલીસે સમગ્ર વિસ્તારના રસ્તાઓ પણ સીલ કરી દીધા છે. તેમજ હાલમાં પોલીસ વોરન્ટ સાથે પૂર્વ પીએમ ઈમરાખાનને શોધી રહી છે. બીજી તરફ તેમના સમર્થકોમાં ભારે રોષ જોવા મળી રહ્યો છે. જો ઈમરાખાનની ધરપકડ થાય તો તેઓ ધરણા પ્રદર્શન કરશે અને સ્થિતિ વધુ બગડશેની ધમકી આપી છે.
મળતી માહિતી મુજબ કોર્ટના આદેશના આધારે આગળની કાર્યવાહી કરવામાં આવશે. ઈસ્લામાબાદ પોલીસ પાસે ધરપકડ વોરંટ છે. પોલીસના જણાવ્યા અનુસાર, જ્યારે એસપી અને પોલીસની ટીમ ઈમરાનના ઘરે પહોંચી તો તેને રૂમમાં મળ્યો ન હતો. જણાવી દઈએ કે કોર્ટે પોલીસને 7 માર્ચ સુધીમાં ઈમરાનને હાજર કરવા કહ્યું છે. તે જ સમયે, ઇમરાનના સમર્થકો અને પોલીસ વચ્ચે ઝપાઝપી થઈ હતી. ઈમરાનના ઘરની બહાર તેમના સમર્થકોનો જમાવડો જોવા મળી રહ્યો છે.
ઈસ્લામાબાદ (Islamabad) પોલીસ રવિવારે તોશાખાના કેસના સંબંધમાં ધરપકડ વોરંટ સાથે પીટીઆઈ અધ્યક્ષ ઈમરાન ખાનના ઝમાન પાર્ક સ્થિત નિવાસસ્થાને પહોંચી હતી. એડિશનલ સેશન જજ ઝફર ઈકબાલે 28 ફેબ્રુઆરીના રોજ સંઘીય રાજધાનીમાં પૂર્વ વડાપ્રધાન સામે બિનજામીનપાત્ર ધરપકડ વોરંટ જાહેર કર્યું હતું. ઈસ્લામાબાદ પોલીસ પીટીઆઈ ચીફની ધરપકડ કરવા લાહોરમાં છે. સૂત્રોના જણાવ્યા અનુસાર તમામ કાયદાકીય જરૂરિયાતો પૂરી થયા બાદ ખાનની ધરપકડ કરવામાં આવી શકે છે.
‘જો ઈમરાન ખાનની ધરપકડ થશે તો સ્થિતિ બગડશે’
ધરપકડના સમાચાર પર પ્રતિક્રિયા આપતા પીટીઆઈના વરિષ્ઠ ઉપાધ્યક્ષ ફવાદ ચૌધરીએ ચેતવણી આપી હતી કે જો સરકાર પૂર્વ વડાપ્રધાન વિરુદ્ધ કાર્યવાહી કરશે તો દેશની સ્થિતિ વધુ ખરાબ થશે. ફવાદે કહ્યું, “ઈમરાન ખાનની ધરપકડ કરવાનો કોઈપણ પ્રયાસ પરિસ્થિતિને ગંભીરતાથી બગાડશે, હું આ અસમર્થ અને પાકિસ્તાન વિરોધી સરકારને ચેતવણી આપવા માંગુ છું કે તે પાકિસ્તાનને વધુ મુશ્કેલીમાં ન નાખે અને સમજદારીથી કામ કરે.”
ઈમરાન તોશાખાના કેસમાં સુનાવણી માટે પહોંચ્યા ન હતા
તમને જણાવી દઈએ કે 28 ફેબ્રુઆરીના રોજ ઈમરાનને ઘણા મામલામાં રજૂ કરવામાં આવ્યા હતા, જેની સુનાવણી અલગ-અલગ કોર્ટમાં થઈ હતી. ઘણી જગ્યાએથી તેમને રાહત મળી, પરંતુ તોશાખાના કેસમાં તેમના પર ધરપકડની તલવાર લટકી ગઈ હતી. કોર્ટે ઈમરાન વિરુદ્ધ બિનજામીનપાત્ર વોરંટ જાહેર કર્યું હતું. હકીકતમાં 28 ફેબ્રુઆરીએ ઈમરાન ખાન ચાર અલગ-અલગ કેસમાં હાજર થવાના હતા. તે અન્ય સ્થળોએ સુનાવણી માટે પહોંચ્યો હતો, પરંતુ તોશાખાના કેસ દરમિયાન સુનાવણીમાં હાજર રહ્યા ન હતા.
ઈમરાનને એક દિવસમાં અનેક કેસમાં રજૂ કરવામાં આવ્યો હતો
આ કેસમાં ઈમરાન અગાઉ કોર્ટની સુનાવણીમાં હાજર રહ્યા ન હતા. જેના કારણે આ વખતે કોર્ટ ગુસ્સે થઈ ગઈ અને ઈમરાન ખાન વિરુદ્ધ બિનજામીનપાત્ર વોરંટ જાહેર કર્યું હતું. સુનાવણીનો દિવસ ઈમરાન માટે સારા સમાચાર અને આઘાત બંને લઈને આવ્યો હતો. ઈમરાનને વિદેશી ફંડિંગ કેસમાં હાજર થવું પડ્યું, આતંકવાદ સંબંધિત કેસમાં હાજર થવું પડ્યું, હત્યાના પ્રયાસના કેસમાં હાજર થવું અને તોશખાને કેસમાં તેમની હાજરી ન થઈ હતી.
આતંકવાદના કિસ્સામાં રાહત
પીટીઆઈ ચીફને આતંકવાદ કેસમાં રાહત મળી, તેમની જામીન અરજી પણ સ્વીકારવામાં આવી. એ જ રીતે વિદેશી ફંડિંગ કેસમાં પણ ઈમરાનની જામીન અરજી સ્વીકારવામાં આવી હતી. પરંતુ તોશાખાનાના કેસે તેમની મુશ્કેલીઓમાં વધારો કર્યો હતો.
જાણો શું છે તોષાખાનો મામલો
તોષાખાના એ કેબિનેટનો એક વિભાગ છે, જ્યાં અન્ય દેશોની સરકારો રાજ્યના વડાઓ અને વિદેશી મહેમાનો દ્વારા આપવામાં આવતી કિંમતી ભેટો રાખવામાં આવે છે. નિયમો હેઠળ, અન્ય દેશોના વડાઓ અથવા મહાનુભાવો પાસેથી મળેલી ભેટો તોશાખાનામાં રાખવી જરૂરી છે. ઈમરાન ખાન 2018માં પાકિસ્તાનના વડાપ્રધાન બન્યા હતા. અરબ દેશોની મુલાકાત દરમિયાન તેમને ત્યાંના શાસકો પાસેથી મોંઘીદાટ ભેટો મળી. જેમને ઇમરાને તોશાખાનામાં જમા કરાવ્યા હતા. પરંતુ બાદમાં ઈમરાન ખાને તેમને તોશાખાનામાંથી સસ્તા ભાવે ખરીદ્યા અને મોટા નફામાં વેચી દીધી હતી.
