વૃંદાવન: તાજેતરમાં જ પ્રખ્યાત (famous) કથાકાર અનિરુધાચાર્ય (Aniruddhacharya) માતા સીતા અને દ્રૌપદી પર પોતાની વિવાદિત (controversial) ટિપ્પણીના કારણે ચર્ચાનો વિષય બન્યા હતા અને તેમણે ભારે વિરોધનો સામનો કર્યો હતો, તાજેતરમાં જ ફરી એક એવો બનાવ બન્યો છે જેથી તેઓ ફરી ચર્ચામાં છે. વૃંદાવનમાં(Vrindavan) કથાકાર અનિરુધાચાર્યના ગૌરી ગોપાલ આશ્રમની(Gori Gopal Ashram) સામે શુક્રવારે(Friday) સવારે બે મહિલાઓના (female) મૃતદેહ(dead bodies) મળી આવતા સનસનાટી ફેલાઈ ગઈ હતી. પોલીસે(police) ઘટનાસ્થળે પહોંચીને મૃતદેહનો કબજો મેળવીને પોસ્ટમોર્ટમ(post-mortem) માટે મોકલી આપ્યો હતો. મહિલાનું મૃત્યુ કેવી રીતે થયું તે હજુ સ્પષ્ટ થયું નથી અને તેની પોલીસ તપાસમાં ચાલી રહી છે.
આશ્રમની બહાર બે મહિલાઓના મૃતદેહ મળી આવ્યા
તીર્થનગરીની સંત કોલોનીમાં ભાગવત કથાકાર અનિરુધાચાર્યનો ગૌરી ગોપાલ આશ્રમ છે. શુક્રવારે સવારે આશ્રમની બહાર બે મહિલાઓના મૃતદેહ મળી આવ્યા હતા. આ અંગેની માહિતી મળતા પોલીસ ઘટના સ્થળે પહોંચી હતી. મૃતદેહને પોસ્ટમોર્ટમ માટે મોકલીને કેસની તપાસ શરૂ કરી હતી.
બંને મહિલાઓની ઓળખ લખનૌની રહેવાસી 61 વર્ષીય ચંપા ગુપ્તા અને બિહારની રહેવાસી 68 વર્ષીય સુશીલા દેવી તરીકે થઈ છે. જો કે મહિલાના મોતનું કારણ હજુ સુધી સ્પષ્ટ થયું નથી. પોલીસનું કહેવું છે કે મૃત્યુનું સાચું કારણ પોસ્ટમોર્ટમ રિપોર્ટ આવ્યા બાદ જ જાણી શકાશે.
આશ્રમ સંચાલકો પર લાગી રહ્યા છે આરોપો
સ્થાનિક લોકોનો આરોપ છે કે આ મહિલાઓના મોત માટે ગૌરી ગોપાલ આશ્રમ મેનેજમેન્ટ જવાબદાર છે. બાબા મનમોહન દાસે કહ્યું કે અનિરુધાચાર્ય દ્વારા મહિલાઓની સેવાઓ, ભોજન વિતરણ વગેરે માટે ઘણો પ્રચાર કરવામાં આવે છે પરંતુ વાસ્તવમાં તેમની સાથે ખરાબ વર્તન કરવામાં આવે છે. આરોપ છે કે ગૌરી ગોપાલ આશ્રમમાં ભક્તોને રાત્રી રોકાણની પણ મંજૂરી નથી. આશ્રમના લોકો મહિલાઓને માર મારીને બહાર કાઢી મૂકે છે, જેના કારણે ભક્તોને બહાર સૂવું પડે છે. વૃંદાવન કોતવાલી પ્રભારી સૂરજ પ્રકાશ શર્માએ જણાવ્યું કે મૃતકોના પરિવારજનોને જાણ કરી દેવામાં આવી છે. પરિવારના સભ્યો આવ્યા બાદ જ પોસ્ટમોર્ટમ કરવામાં આવશે.
અનિરુધાચાર્યએ અગાઉ સ્ત્રીઓ માટે કરી હતી વિવાદિત ટિપ્પણી
થોડા સમય પહેલા ભાગવતના પ્રવક્તાનું એક નિવેદન સોશિયલ મીડિયા પર વાયરલ થયું હતું. જેમાં ભાગવતના પ્રવક્તા અનિરુધાચાર્યએ શ્રીમદ ભાગવત કથામાં કહ્યું હતું કે, સ્ત્રીનું ખૂબ સુંદર હોવું એ કોઈ ગુણ નથી, સ્ત્રીનું જરૂરી કરતાં વધુ સુંદર હોવું એ દોષ છે. માતા સીતાનું અપહરણ કેમ કરવામાં આવ્યું કારણ કે તે જરૂરી કરતાં વધુ સુંદર હતી? દ્રૌપદીના મેળાવડામાં સાડી કેમ ખેંચાઈ, કારણ કે તે પણ ખૂબ સુંદર હતી. ભાગવતના પ્રવક્તાનું આ નિવેદન સોશિયલ મીડિયા પર વાયરલ થયું છે.
