વડાપ્રધાન નરેન્દ્ર મોદીએ પ.બંગાળમાં વિધાનસભા માટે ભાજપના ચૂંટણી પ્રચારના શ્રીગણેશ કરતાં પહેલી જ રેલીમાં મુખ્યમંત્રી મમતા બેનર્જી પર આકરા પ્રહાર કર્યા હતા. મોદીએ કહ્યું કે, ડાબેરી શાસનનો અંત લાવવાં લોકોએ મમતા બેનર્જી પર વિશ્વાસ મૂક્યો હતો પરંતુ તેમણે રાજ્યની જનતાને દગો આપ્યો અને તેમનું અપમાન કર્યું. મોદીએ કહ્યું તેમણે લોકોની “દીદી” (મોટી બહેન) બનવાને બદલે “ભત્રીજા”ની ફોઇ બનવાની ભૂમિકા ભજવવાનું પસંદ કરીને ભત્રીજાની ફોઇની ભૂમિકા ભજવવાની પસંદ કરીને ભત્રીજાવાદ ફેલાવ્યો હતો.
વિધાનસભાની ચૂંટણીની જાહેરાત પછી પશ્ચિમ બંગાળમાં તેમની પ્રથમ બ્રિગેડ પરેડ ગ્રાઉન્ડ્સ ખાતે ભાજપની વિશાળ રેલીને સંબોધન કરતાં મોદીએ તેમના વિરોધકો પર પ્રહાર કર્યા હતા જેઓ તેમના પર ઉદ્યોગપતિ મિત્રોની મદદ કરવાનો આરોપ લગાડે છે.મોદીએ કહ્યું તમે બંગાળના લોકો સાથે દગો કર્યો છે અને તેમનું અપમાન કર્યું છે જેમને વિશ્વાસ હતો કે ડાબેરી શાસનના અંત પછી તમે પરિવર્તનનો સમર્થક બનશો.
તમે તેમની આશાઓ અને સપનાઓને તોડ્યા છે.તેમણે આરોપ લગાવ્યો કે બેનરજીએ ‘દીદી’ તરીકે ઓળખાતા લોકોની ઉપેક્ષા કરીને ભત્રીજાવાદને પ્રોત્સાહન આપ્યું. આ સામે મમતા બેનરજીએ વળતા પ્રહાર કરતા મોદી પર જુઠાણા ચલાવવાનો આક્ષેપ કર્યો હતો અને મોદી તથા અમિત શાહને સૌથી મોટા ખંડણીખોર ગણાવી કહ્યું હતું કે પરિવર્તન બંગાળમાં નહીં, દિલ્હીમાં આવશે.
ભાજપ બેનર્જી પર તેમના ભત્રીજા અને ડાયમંડ હાર્બરના સાંસદ અભિષેકને આગામી મુખ્યમંત્રી તરીકે સ્થાપિત કરવાની કોશિશ કરવાનો આરોપ લગાવી રહી છે. મોદીએ કહ્યું હતું કે તેમની નમ્ર પૃષ્ઠભૂમિને લીધે તેઓ મિત્રતાને મહત્ત્વ આપે છે. મોદીએ કહ્યું કે,ભારતના તમામ 135 કરોડ લોકો મારા મિત્રો છે, હું તેમના માટે કામ કરું છું. મેં મારા બંગાળના મિત્રોને 90 લાખ ગેસ કનેક્શન આપ્યા છે. મને ચા સાથે ખાસ લગાવ છે, અને બંગાળના ચાના બગીચાના કામદારો મારા મિત્રો છે, જેના માટે મેં એક સામાજિક સુરક્ષા યોજનાનો અમલ કર્યો છે.
વડા પ્રધાને કહ્યું હતું કે તેઓ પશ્ચિમ બંગાળમાં અસલ પરિવર્તન (વાસ્તવિક પરિવર્તન) લાવવા માટે પ્રતિબદ્ધ છે જ્યાં લોકોના તમામ વર્ગ પ્રગતિ કરે છે પરંતુ કોઈને રાહત નથી, અને ઘુસણખોરી અટકાવવામાં આવી છે. મોદીએ લોકોને વચન આપ્યું કે ઘૂસણખોરી સંપૂર્ણપણે બંધ કરવામાં આવશે. તેમણે કહ્યું, ‘દીદી, તમે બનાવેલા’ કીચડ ‘ને કારણે બંગાળમાં કમળ ખીલશે. મોદીએ ખેલા હોબે ગીતની સામે પ્રહાર કરતા કહ્યું હતું કે બંગાળમાં ટીએમસીનો ખેલ હવે ખતમ થઇ રહ્યો છે અને વિકાસ શરૂ થશે.
