નવી દિલ્હીઃ મહારાષ્ટ્ર અને ઝારખંડની ચૂંટણીનું બ્યુગલ આજે ફૂંકાશે. ચૂંટણી પંચ આજે તા. 15 ઓક્ટોબર 2024ની બપોરે 3.30 વાગ્યે મહારાષ્ટ્ર અને ઝારખંડની ચૂંટણીની તારીખોની જાહેરાત કરવા જઈ રહ્યું છે. ચૂંટણી પંચે એક ઔપચારિક પત્ર જારી કરીને જણાવ્યું છે કે રાજધાની દિલ્હીના વિજ્ઞાન ભવનમાં બપોરે 3.30 વાગ્યે એક પ્રેસ કોન્ફરન્સ યોજાશે, જેમાં ચૂંટણીની તારીખ અને મત ગણતરીની જાહેરાત કરવામાં આવશે.
મહારાષ્ટ્ર અને ઝારખંડ બંનેનું રાજકીય વાતાવરણ હાલ ગરમ છે. રાજ્યો ઉપરાંત આ ચૂંટણીની અસર રાષ્ટ્રીય રાજનીતિ પર પણ થવાની છે. જો આપણે મહારાષ્ટ્રની વાત કરીએ તો હાલમાં એકનાથ શિંદેની શિવસેનાની આગેવાની હેઠળની સરકાર છે, જેમણે જૂની શિવસેના સામે બળવો કરીને ભાજપ સાથે હાથ મિલાવીને રાજ્યમાં સરકાર બનાવી હતી. આ સરકારમાં NCPનો અજિત જૂથ પણ સામેલ છે.
આ ચૂંટણીમાં એ જોવાનું રસપ્રદ રહેશે કે શું મહારાષ્ટ્રના મતદારો ફરી એકવાર વર્તમાન (શિંદે સરકાર) સરકારમાં વિશ્વાસ વ્યક્ત કરે છે કે પછી શિવસેના (ઉદ્ધવ જૂથ), એનસીપી (શરદ જૂથ) અને કોંગ્રેસને સરકાર બનાવવાની તક મળે છે.
મહારાષ્ટ્રમાં વિધાનસભાના 288 સભ્યો માટે મતદાન થવાનું છે. રાજ્યમાં છેલ્લી વિધાનસભા ચૂંટણીઓ ઓક્ટોબર 2019 માં યોજાઈ હતી, જેમાં ભારતીય જનતા પાર્ટીના નેતૃત્વ હેઠળના જોડાણ એનડીએને સરકાર બનાવવા માટે સ્પષ્ટ બહુમતી મળી હતી પરંતુ આંતરિક વિખવાદને કારણે શિવસેના ગઠબંધન (NDA) છોડીને રાષ્ટ્રવાદીમાં જોડાઈ હતી. કોંગ્રેસ પાર્ટીએ સાથે મળીને નવું ગઠબંધન કર્યું. ભારતીય રાષ્ટ્રીય કોંગ્રેસ પણ MVA માં જોડાઈ અને અહીં રાજ્ય સરકારની રચના કરી, જેમાં ઉદ્ધવ ઠાકરે મુખ્ય પ્રધાન બન્યા હતા.
હાલમાં મહારાષ્ટ્રમાં એકનાથ શિંદેની સરકાર છે. વર્ષ 2022માં મહારાષ્ટ્રમાં રાજકીય સંકટ પછી એકનાથ શિંદેએ 40 ધારાસભ્યો સાથે ભાજપ સાથે સરકાર બનાવી હતી. ત્યાર બાદ એકનાથ શિંદે નવા મુખ્યમંત્રી બન્યા હતા. 2023ની રાજકીય કટોકટી પછી રાષ્ટ્રવાદી કોંગ્રેસ પાર્ટીનો અજિત પવાર જૂથ પણ સરકારમાં જોડાયા હતા.
આ તરફ ઝારખંડની 81 વિધાનસભા બેઠકો પર ચૂંટણી ઝારખંડની વાત કરીએ તો રાજ્યની તમામ 81 સીટો પર વિધાનસભા ચૂંટણી યોજાવાની છે. ઝારખંડ વિધાનસભાનો કાર્યકાળ 5 જાન્યુઆરી 2025 ના રોજ સમાપ્ત થઈ રહ્યો છે. રાજ્યમાં છેલ્લી વિધાનસભા ચૂંટણી ડિસેમ્બર 2019માં યોજાઈ હતી
