નવી દિલ્હી: સામાન્ય નાગરિકને ફરી એકવાર મોટો ઝટકો લાગ્યો છે. તેલ કંપનીઓએ ઘરેલુ ગેસ (Gas) (14.2 કિગ્રા) સિલિન્ડરની (Cylinder) કિંમતમાં (Price) 50 રૂપિયાનો વધારો કર્યો છે. હવે ઘરેલુ સિલિન્ડરની કિંમત 999.50 રૂપિયા પ્રતિ સિલિન્ડર થશે. આ પહેલા માર્ચ 2022માં ઘરેલુ સિલિન્ડરની કિંમતમાં 50 રૂપિયાનો વધારો કરવામાં આવ્યો હતો.
આ મહિનાની 1લી તારીખે ઓઈલ કંપનીઓએ એલપીજી ગેસના ભાવમાં 102.50 રૂપિયાનો વધારો કર્યો હતો. 19 કિલોના કોમર્શિયલ સિલિન્ડર પર આ કિંમતોમાં વધારો કરવામાં આવ્યો છે. કિંમતમાં વધારા બાદ હવે આ બ્લુ સિલિન્ડરની નવી કિંમત દિલ્હીમાં 2355.50 રૂપિયા થઈ ગઈ છે. પહેલા તેની કિંમત 2253 રૂપિયા હતી.
તે જ સમયે, 5 કિલોના એલપીજી સિલિન્ડરની કિંમત હાલમાં 655 રૂપિયા છે. એક મહિના પહેલા 1 એપ્રિલે એલપીજી સિલિન્ડરના ભાવમાં 250 રૂપિયાનો વધારો કરવામાં આવ્યો હતો. આ પહેલા 1 માર્ચે 19 કિલોના કોમર્શિયલ ગેસ સિલિન્ડરની કિંમતમાં 105 રૂપિયાનો વધારો કરવામાં આવ્યો હતો જ્યારે 22 માર્ચે 9 રૂપિયાનો વધારો કરવામાં આવ્યો હતો.
મોંઘી લોનથી મોંઘવારી અટકશે?
પેટ્રોલ અને ડીઝલના ભાવ, રાંધણગેસના ભાવ અને જીવનજરૂરી ચીજવસ્તુઓના ભાવ સતત લોકોના ખિસ્સા પર બોજ વધારી રહ્યા છે. વધતી મોંઘવારી વચ્ચે હવે તમારી લોન પણ મોંઘી થશે, કારણ કે RBIએ રેપો રેટમાં વધારો કર્યો છે. દલીલ એવી છે કે આ વધારો મોંઘવારી પર અંકુશ મેળવવા માટે કરવામાં આવ્યો છે. હવે સવાલ એ છે કે શું મોંઘી લોનથી મોંઘવારી અટકશે? છેલ્લા કેટલાક દિવસોમાં ઈંધણના ભાવમાં જોરદાર વધારો થયો છે
