દિલ્હીની એક કોર્ટે સોમવારે CBI ને જવાહરલાલ નહેરુ યુનિવર્સિટી (JNU) ના પ્રથમ વર્ષના વિદ્યાર્થી નજીબ અહેમદના ગુમ થવાનો કેસ બંધ કરવાની મંજૂરી આપી હતી, જે 15 ઓક્ટોબર 2016 ના રોજ ગુમ થયો હતો. એડિશનલ ચીફ જ્યુડિશિયલ મેજિસ્ટ્રેટ જ્યોતિ મહેશ્વરીએ CBI ના ક્લોઝર રિપોર્ટનો સ્વીકાર કર્યો હતો પરંતુ ભવિષ્યમાં કોઈ પુરાવા મળે તો કેસ ફરીથી ખોલવાની સ્વતંત્રતા આપી હતી.
CBI એ ઓક્ટોબર 2018 માં તપાસ બંધ કરી દીધી હતી કારણ કે JNU ના પ્રથમ વર્ષના માસ્ટર્સ વિદ્યાર્થી નજીબ અહેમદને શોધવાના તેના પ્રયાસો નિષ્ફળ ગયા હતા. દિલ્હી હાઈકોર્ટની પરવાનગી પછી CBI એ કોર્ટમાં તેનો ક્લોઝર રિપોર્ટ દાખલ કર્યો હતો. JNU ના માહી-માંડવી હોસ્ટેલમાં અખિલ ભારતીય વિદ્યાર્થી પરિષદ (ABVP) સાથે સંકળાયેલા કેટલાક વિદ્યાર્થીઓ સાથેની અથડામણ બાદ નજીબ 15 ઓક્ટોબર 2016 ના રોજ ગુમ થયો હતો.
નજીબની માતા ફાતિમા નફીસના વકીલે અગાઉ દાવો કર્યો હતો કે તે એક રાજકીય કેસ હતો અને CBI તેના બોસના દબાણ સામે ઝૂકી ગઈ હતી. આ કેસની તપાસ શરૂઆતમાં દિલ્હી પોલીસ દ્વારા કરવામાં આવી હતી જે બાદમાં CBIને સોંપવામાં આવી હતી.
નજીબ હોસ્ટેલમાંથી ગુમ થઈ ગયો હતો
નજીબ 15 ઓક્ટોબર 2016 ના રોજ JNU ના માહી-માંડવી હોસ્ટેલમાંથી રહસ્યમય રીતે ગાયબ થઈ ગયો હતો. સોમવારે એડિશનલ ચીફ જ્યુડિશિયલ મેજિસ્ટ્રેટ જ્યોતિ મહેશ્વરીએ CBI ના ‘ક્લોઝર રિપોર્ટ’ ને સ્વીકાર્યો હતો. જોકે કોર્ટે એ પણ સ્પષ્ટ કર્યું હતું કે જો ભવિષ્યમાં આ ઘટના સાથે સંબંધિત કોઈ નવા પુરાવા પ્રકાશમાં આવે તો કેસ ફરીથી ખોલી શકાય છે.
નજીબ અહેમદનો ગુમ થવાનો કેસ
નજીબ અહેમદ અખિલ ભારતીય વિદ્યાર્થી પરિષદ (ABVP) ના કથિત રીતે કેટલાક વિદ્યાર્થીઓ સાથે અથડામણના એક દિવસ પછી જ ગુમ થઈ ગયો હતો. તેની માતા ફાતિમા નફીસના વકીલે અગાઉ આ કેસને “રાજકીય કેસ” ગણાવ્યો હતો અને આરોપ લગાવ્યો હતો કે CBI તેના બોસના દબાણ સામે ઝૂકી ગઈ છે.
શરૂઆતમાં આ કેસની તપાસ દિલ્હી પોલીસ દ્વારા કરવામાં આવી રહી હતી પરંતુ બાદમાં તેને CBIને સોંપવામાં આવી હતી. હવે CBI ને કેસ બંધ કરવાની પરવાનગી મળ્યા પછી નજીબ અહેમદના ગુમ થવાનું રહસ્ય વણઉકેલ્યું જ રહી ગયું.
