મની લોન્ડરિંગ (Money Laundering) કેસમાં અભિનેત્રી જેકલીન ફર્નાન્ડીઝની (Jacqueline Fernandez) મુશ્કેલીઓ ઓછી થવાનું નામ નથી લઈ રહી. એન્ફોર્સમેન્ટ ડિરેક્ટોરેટ દ્વારા 215 કરોડ રૂપિયાની વસૂલાતના કેસમાં અભિનેત્રીને આરોપી બનાવવામાં આવી હતી. ત્યારબાદ ED વતી અભિનેત્રી (Heroine) વિરુદ્ધ ચાર્જશીટ દાખલ કરવામાં આવી હતી અને તેને કોર્ટમાં હાજર થવાનો આદેશ આપવામાં આવ્યો હતો. હવે આ મામલામાં તેમની મુસીબતો વધુ વધવા જઈ રહી છે. કારણકે ચાર્જશીટમાં EDનું કહેવું છે કે અત્યાર સુધીની તપાસમાં સામે આવ્યું છે કે જેકલીન ફર્નાન્ડીઝ સીધી કે આડકતરી રીતે છેતરપિંડીની આવકમાં સામેલ છે.
ઈડીએ મની લોન્ડરિંગ કેસમાં જેક્લીન વિરુદ્ધ દાખલ કરવામાં આવેલી ચાર્જશીટમાં કહ્યું છે કે અત્યાર સુધીની તપાસમાં સામે આવ્યું છે કે અભિનેત્રી ગુનાની આવકમાં પ્રત્યક્ષ કે પરોક્ષ રીતે સામેલ છે. આવી સ્થિતિમાં હવે જેકલીનની મુશ્કેલીઓ વધુ વધી શકે છે. નોંધપાત્ર વાત એ છે કે અત્યાર સુધી સામે આવેલા સાક્ષીઓ અને આરોપીઓના નિવેદનો અનુસાર અભિનેત્રી સતત સુકેશના સંપર્કમાં હતી. જ્યારે સુકેશે પણ સ્વીકાર્યું છે કે તેણે જેકલીનને મોંઘી ભેટ આપી હતી.
સુકેશે આ મોંઘી ભેટ જેકલીનને આપી હતી
તપાસ દરમિયાન જાણવા મળ્યું કે સુકેશ ચંદ્રશેખર જેકલીન ફર્નાન્ડીઝને તેના મેક-અપ આર્ટિસ્ટ શાન મુથાલિક દ્વારા મળ્યો હતો. તેણે દાવો કર્યો કે તે ગૃહ મંત્રાલયમાં વરિષ્ઠ અધિકારી છે અને જયલલિતાના રાજકીય પરિવારમાંથી આવે છે અને સન ટીવીના માલિક છે. તે જેકલીન અને તેના પરિવાર પર મોંઘી ભેટોનો વરસાદ વરસાવ્યો. જેમાં તેના માટે ચાર્ટર ફ્લાઈટમાં ફેરવવાથી લઈને હોટલમાં રહેવાની વ્યવસ્થા કરવામાં આવી હતી. જેકલીન ફર્નાન્ડીઝ સુકેશની નજીકની મિત્ર રહી છે અને તેને જે ગિફ્ટ આપવામાં આવી છે તેમાં 15 જોડી ઇયરિંગ્સ, 5 બિર્કિન બેગ, ચેનલ, ગુચી, વાયએસએલની મોંઘી બેગ, રોજર ડુબિસો, ફ્રેન્ક મુલર જેવી મોંઘી બ્રાન્ડના કપડાં અને ઘડિયાળો, રૂ. 7 કરોડની જ્વેલરી આપી હતી. ઉપરાંત EDએ તેની કાર્યવાહીની ફરિયાદમાં વધુમાં જણાવ્યું હતું કે જેકલીનની બહેનને હવાલા ચેનલ દ્વારા 1,80,000 USD મોકલવામાં આવ્યા હતા જેથી તે BMW XS5 ખરીદી શકે. આ પૈસા બે વાહનો ખરીદવા માટે હતા જે 1.89 કરોડ હતા. આ પૈસા બહેરીન મોકલવામાં આવ્યા હતા. .
ED દ્વારા જેકલીન સામે દાખલ કરવામાં આવેલી ચાર્જશીટ બાદ આ મામલાની સંજ્ઞાન લીધા બાદ અભિનેત્રીને તાજેતરમાં સમન્સ મોકલવામાં આવ્યું છે. તેને 26 સપ્ટેમ્બરે દિલ્હીની પટિયાલા કોર્ટમાં હાજર થવાનો આદેશ આપવામાં આવ્યો છે. 12 સપ્ટેમ્બરે દિલ્હી પોલીસ પણ અભિનેત્રીની પૂછપરછ કરશે. EDએ આ મહિનાની શરૂઆતમાં બોલિવૂડ અભિનેત્રી વિરુદ્ધ ચાર્જશીટ દાખલ કરી હતી.
