આણંદ, તા.5
આણંદ જીલ્લાના પોલીસ વડા દ્વારા હાલમાં જીલ્લા ખાતે આંતરિક બદલીઓ માટે ગંજીફો ચીપવામાં આવ્યો છે. જે અંતર્ગત આણંદ જિલ્લાના 14 પીએસઆઈની હાલની મૂળ જગ્યાએથી અન્યત્ર જગ્યાએ આંતરિક બદલી કરવામાં આવી છે. બદલી પામેલ પીએસઆઇની યાદી મુજબ વાસદ પોલીસ સ્ટેશનના આર. સી. નાગોલને હવે જિલ્લા ટ્રાફિકમાં મૂક્યા છે. આણંદ જિલ્લા ટ્રાફિકના પીએસઆઈ એચ. આર. પ્રજાપતિને ખંભાતના રીડરમાં, ખંભાત ગ્રામ્યના આર.એસ. શેલાણાને વાસદ પોલીસ મથકે મુકાયા છે. ખંભાત રીડરમાં ફરજ બજાવતા જે. બી. રાઠોડને એસસીએસટી રીડરમાં, એસસીએસટી રીડરમાંથી જે. કે. ભરવાડની આણંદ ગ્રામ્યમાં, આણંદ ગ્રામ્યના બી. કે. રાઠોડની પેટલાદ ટાઉનમાં, એચ. એમ. રાણાની પેટલાદ ટાઉનમાંથી આણંદ ગ્રામ્યમાં, ભાલેજના એચ. જી. ચૌધરીની સાઈબર ક્રાઈમમાં, આણંદ ટાઉનના આર. બી. વાઘેલાની ભાલેજમાં, ઉમરેઠના એચ. સી. ચુડાસમાની ખંભોળજ (ઓડ ઓ.પી.) અને આંકલાવના એમ. આર. વાળાની આણંદ ટાઉનમાં બદલી કરાઈ છે. જ્યારે લીવ રીઝર્વમાં રહેલ ડી. કે. વાઘેલા ખંભાત ગ્રામ્ય, પી. યુ. પરમાર બોરસદ ગ્રામ્ય અને કે. કે. પરમારને બોરસદ ટાઉન પોલીસ સ્ટેશનનો ચાર્જ આપવામા આવેલ છે.
અત્રે ઉલ્લેખનીય છે કે, આણંદ જિલ્લામાં પોલીસ સબ ઇન્સ્પેક્ટર અને પોલીસ ઇન્સ્પેક્ટરની બદલી વારંવાર થતી રહે છે. પરંતુ આણંદ લોકલ ક્રાઇમ બ્રાંચ અને સ્પેશ્યલ ઓપરેશન ગ્રુપમાં લાંબા સમયથી ફરજ બજાવતા કોન્સ્ટેબલ, હેડ કોન્સ્ટેબલની બદલી ન થતાં આશ્ચર્ય જન્મ્યું છે.
