નવી દિલ્હી: ભારતીય સેનાનું એક વ્યૂહાત્મક યુએવી પાકિસ્તાન અધિકૃત કાશ્મીરમાં ગયું હતું અને પાકિસ્તાની સેનાએ તેને મેળવી લીધું છે. જે બાદ ભારતીય સેનાએ પાકિસ્તાની સેનાને હોટ લાઇન પર મેસેજ મોકલીને UAV પરત કરવા જણાવ્યું છે. ભારતીય સેનાએ કહ્યું કે શુક્રવારે સવારે 9.25 કલાકે ભારતીય ક્ષેત્રમાં આવેલા એક મિની UAVમાં ટેકનિકલ ખામી સર્જાઈ હતી. તે જમ્મુ અને કાશ્મીરના રાજૌરી સેક્ટરમાં બિમ્બર ગલી વિસ્તારની સામે પીઓકેના નકિયાલ સેક્ટરમાં ચાલ્યો ગયો હતો.
ભારતીય સેનાએ કહ્યું કે આ UAV ટ્રેનિંગ મિશન પર હતું. સેનાએ કહ્યું કે અહેવાલો આવી રહ્યા છે કે પાકિસ્તાની સેનાએ તેને રિકવર કર્યો છે. ભારતીય સેનાએ કહ્યું કે પાકિસ્તાની સેનાની હોટલાઈન પર UAV પરત કરવા માટે સંદેશ મોકલવામાં આવ્યો છે. સૂત્રોના જણાવ્યા અનુસાર આ UAV Idea Forgeનું SWITCH UAV હતું. આ ફિક્સ્ડ વિંગ ડ્રોન છે અને ઊંચાઈ પર અસરકારક છે.
સૂત્રોના જણાવ્યા અનુસાર તેની ખરીદી ઈમરજન્સી પ્રોક્યોરમેન્ટ હેઠળ કરવામાં આવી હતી. આ UAVનો ફ્લાઇટનો સમય 60 મિનિટનો છે અને તેનું વજન લગભગ 7 કિલો છે. આ UAV HD વિડિયો રિઝોલ્યુશન કેમેરાથી સજ્જ છે અને તે દિવસ અને રાતના અંધકારમાં પણ કામ કરી શકે છે. ભારતીય સેના નિયંત્રણ રેખા પર દેખરેખ માટે વિવિધ પ્રકારના યુએવીનો ઉપયોગ કરે છે. છેલ્લા કેટલાક સમયથી સેનાએ યુએવી પર ફોકસ વધાર્યું છે. ભારતીય સેના સર્વેલન્સથી લઈને લોજિસ્ટિક ડ્રોન સુધી બધું લઈ રહી છે.
