નવી દિલ્હી: આગામી દિવસોમાં દેશમાં (India) CNG અને PNG પર વધુ ખર્ચ કરવો પડી શકે છે. ખરેખર સરકારે 1 ઓક્ટોબર, 2023થી ઘરેલુ કુદરતી ગેસના (Domestic Natural Gas) ભાવમાં વધારો કરવાની જાહેરાત કરી છે. સરકારે ઓક્ટોબર મહિના માટે સ્થાનિક કુદરતી ગેસના ભાવ $8.60/mmBtu (મેટ્રિક મિલિયન બ્રિટિશ થર્મલ યુનિટ) થી વધારીને $9.20/mmBtu કર્યા છે. આ કિંમત 31 ઓક્ટોબર 2023 સુધી માન્ય રહેશે. IANSના સમાચાર અનુસાર, પેટ્રોલિયમ (Petroleum) અને કુદરતી ગેસ મંત્રાલયે શનિવારે આ સંદર્ભમાં એક સૂચના પણ બહાર પાડી છે.
મળતી માહિતી મુજબ સ્થાનિક કુદરતી ગેસના ભાવમાં સતત બીજા મહિને વધારો થયો છે. સપ્ટેમ્બરમાં કિંમતો $7.85/mmBtu થી વધારીને $8.60/mmBtu કરવામાં આવી હતી. હવે ઓક્ટોબર માટે કિંમતો $8.60/mmBtu થી વધારીને $9.20/mmBtu કરવામાં આવી છે.
ગેસની કિંમત (ડોમેસ્ટિક નેચરલ ગેસ પ્રાઇસ) નવા ફોર્મ્યુલા અનુસાર એડજસ્ટ કરવામાં આવી છે. આમાં, સ્થાનિક કુદરતી ગેસના ભાવને કાચા તેલના ભારતીય બાસ્કેટના વર્તમાન ભાવ સાથે જોડવામાં આવ્યા છે. અગાઉ, તે ચાર મુખ્ય વૈશ્વિક ગેસ ટ્રેડિંગ કેન્દ્રોના ભાવ પર આધારિત હતું. સરકાર દ્વારા રચવામાં આવેલી નિષ્ણાત સમિતિની ભલામણો પર ઓક્ટોબર 2022 માં નવી કિંમત નિર્ધારણ પદ્ધતિ રજૂ કરવામાં આવી હતી. આ નવા ફોર્મ્યુલા હેઠળ ઘરેલુ કુદરતી ગેસના ભાવમાં દર મહિને ફેરફાર કરવામાં આવે છે.
સુરત: સ્ટેટ વિઝીલન્સના ભેળસેળ યુક્ત ડીઝલના ઉત્પાદકને ત્યાં દરોડા, 91.23 લાખનું ડીઝલ પકડાયું
સુરત: સુરત(SURAT) ઉતરાણ જીઆઈડીસી(GIDC) અને સચિન રોડ નંબર 8 ઉપર આવેલા એક ખુલ્લા પ્લોટમાંથી સ્ટેટ વિજિલન્સ વિભાગે ભેળસેળ યુક્ત 91.23 લાખની કિંમતનો 1,30,330 લીટર ડિઝલનો(DIESEL) જથ્થો ઝડપી પાડ્યો હતો. એટલું જ નહીં પણ પોલીસે 23 હજારની કિંમતના 4 મોબાઇલ ફોન પણ કબજે કર્યા હતા અને અનેક ગોરખ ધંધાદારીઓના નામ બહાર આવવાની શક્યતાઓ દેખાય રહી છે. હાલ 3 વાહનો મળી પોલીસે 1.23 કરોડનો મુદ્દામાલ કબજે કર્યો હતો અને 4 આરોપીઓની ધરપકડ કરી હોવાનું જાણવા મળ્યું છે.
