નવી દિલ્હી: IPL 2022માં મેગા ઓક્શન (Mega auction) પહેલા મોટા સમાચાર સામે આવી રહ્યા છે. અમદાવાદ (Ahmadabad) અને લખઉનની (Lucknow) ટીમે પણ ત્રણ ખેલાડીઓને પોતાની ટીમમાં (Team) સામેલ કરી લીધા છે. કે એલ રાહુલ લખનઉની ટીમમાં કેપ્ટન બનશે. ચાહકોની સાથે સાથે ટીમો પણ ઈન્ડિયન પ્રીમિયર લીગ (Indian Premier League) 2022 (IPL 2022) ની મેગા ઓક્શનની આતુરતાથી રાહ જોઈ રહી છે. મેગા ઓક્શન પહેલા બે નવી ટીમો અમદાવાદ અને લખઉન ફ્રેન્ચાઈઝીએ (Franchise) તેમના ત્રણ-ત્રણ ખેલાડીઓની યાદી સબમિટ કરવાની રહેશે. લખનૌ ફ્રેન્ચાઇઝીએ કેએલ રાહુલ (KL Rahul) , માર્કસ સ્ટોઇનિસ (Marcus Stoinis) અને રવિ બિશ્નોઇને (Ravi Bishnoi) સાઇન કરવાનો નિર્ણય લીધો છે. મેગા ઓક્શન બેંગલુરુમાં 12 અને 13 ફેબ્રુઆરીએ યોજાય તેવી શક્યતા છે.
ESPN ક્રિકઇન્ફોના મુજબ, કેએલ રાહુલને ફ્રેન્ચાઇઝી દ્વારા નંબર 1 ખેલાડી તરીકે પસંદ કરવામાં આવ્યો છે, તેથી તેને નિર્ધારિત ફી સ્લેબ મુજબ 15 કરોડ રૂપિયા ચૂકવવામાં આવશે. ઓસ્ટ્રેલિયાના ઓલરાઉન્ડર સ્ટોઈનિસને પ્લેયર 2 તરીકે પસંદ કરવામાં આવ્યો છે. અને તેને 11 કરોડ રૂપિયા મળશે. અને રવિ બિશ્નોઈને રૂ. 4 કરોડ મળશે, જેના કારણે ફ્રેન્ચાઇઝી રૂ. 60 કરોડના બાકી પર્સ સાથે મેગા ઓક્શનમાં પ્રવેશ કરશે.
ઉલ્લેખનીય છે કે લખઉન પહેલીવાર IPLમાં ભાગ લઈ રહ્યું છે. આઈપીએલ ઈતિહાસની આ સૌથી મોંઘી ટીમ છે, જેને RPSG ગ્રુપે 7090 કરોડ રૂપિયામાં ખરીદી લીધી હતી. લખનૌ ભૂતપૂર્વ ભારતીય ક્રિકેટર ગૌતમ ગંભીર સાથે માર્ગદર્શક તરીકે અને ભૂતપૂર્વ ઝિમ્બાબ્વેના ખેલાડી એન્ડી ફ્લાવર સાથે કોચ તરીકે જોડાયેલ છે.
રાહુલનો પંજાબ સાથેનો કરાર પૂરો થયો
રાહુલ લખઉન ફ્રેન્ચાઈઝી સાથે જોડાશે તે અંગે ઘણી અટકળો ચાલી રહી હતી. રાહુલે છેલ્લી બે સિઝનમાં પંજાબ કિંગ્સ (PBKS)નું નેતૃત્વ કર્યું હતું. પરંતુ તેણે ટીમમાં ફેરફાર કરવાની ઈચ્છા વ્યક્ત કર્યા બાદ ફ્રેન્ચાઈઝીએ તેને છોડી દીધો હતો. પંજાબ કિંગ્સે ટૂર્નામેન્ટમાં છેલ્લી ચાર સિઝન છઠ્ઠા સ્થાને પૂરી કરી છે. જોકે, 2020 અને 2021માં જ રાહુલે પંજાબનું નેતૃત્વ કર્યું હતું.
રાહુલની કપ્તાની હેઠળ પંજાબને બહુ સફળતા મળી ન હતી, પરંતુ તે લીગમાં સૌથી વધુ રન બનાવનાર ખેલાડીઓમાંનો એક રહ્યો છે. 2020માં, રાહુલે સૌથી વધુ રન બનાવીને ઓરેન્જ કેપ મેળવી હતી, જ્યારે 2021ની સિઝનમાં તે ત્રીજો સૌથી વધુ રન બનાવનાર ખેલાડી રહ્યો હતો.
કર્ણાટકમાં જન્મેલા રાહુલે વર્ષ 2013માં રોયલ ચેલેન્જર્સ બેંગ્લોર (RCB) તરફથી IPLમાં મેદાનમાં ઉતર્યો હતો. જ્યાં સુધી રવિ બિશ્નોઈની વાત છે, તેણે અંડર-19 વર્લ્ડ કપમાં તેના શાનદાર બોલિંગ પ્રદર્શન માટે હેડલાઈન્સ બનાવી હતી. બિશ્નોઈને પંજાબે વર્ષ 2020ની હરાજીમાં 2 કરોડ રૂપિયામાં ખરીદ્યો હતો અને તેણે તેની પ્રથમ સિઝનમાં 12 વિકેટ લઈને બધાને પ્રભાવિત કર્યા હતા.
અમદાવાદે આ ત્રણેય પર સહી કરી છે
ઉલ્લેખીનય છે કે અન્ય નવી ફ્રેન્ચાઇઝી અમદાવાદે પણ હાર્દિક પંડ્યા, રાશિદ ખાન અને શુભમન ગિલને સાઇન કરવાની જાહેરાત કરી હતી. ફિટનેસના કારણોસર ટીમ ઈન્ડિયામાંથી બહાર રહેલો હાર્દિક પંડ્યા અમદાવાદની ફ્રેન્ચાઈઝીનો કેપ્ટન રહેશે. હવે તમામ દસ ટીમોનું ધ્યાન આગામી આઈપીએલ હરાજી પર છે. લખઉનની ટીમમાં KL રાહુલ, માર્કસ સ્ટોઇનિસ અને રવિ બિશનોઈને ખરીદવાનો નિર્ણય કર્યો છે. આગામી 12 અને 13 ફેબ્રુઆરીએ મેગા ઓક્શનમાં બાકીના ખેલાડીઓને ટીમમાં સામેલ કરવામાં આવશે.
