કાનપુર: કાનપુરના ગ્રામ્ય વિસ્તારમાં એક ચોંકાવનારો મામલો પ્રકાશમાં આવ્યો છે. અહીંના ભોગનીપુર કોતવાલી વિસ્તારના એક ગામમાં ગઈ તા. 15મી મે 2023ના રોજ એક યુવતીના લગ્ન થયા હતા. લગ્ન બાદ નવપરિણીતા ચોથા દિવસે તેના પિયર આવી હતી. દરમિયાન તા. 25મી મેના રોજ તેણીને પેટમાં દુ:ખાવો ઉપડ્યો હતો. જેથી તેણીને નજીકની હોસ્પિટલમાં દાખલ કરાઈ હતી, જ્યાં યુવતીએ તા. 26 મી મેના રોજ એક બાળકીને જન્મ આપ્યો હતો. લગ્નના દસ જ દિવસ બાદ દુલ્હને બાળકીને જન્મ આપતા હોબાળો મચી ગયો હતો. આ અંગે યુવતીના પતિ અને સાસરિયાઓને જાણ થતા તેઓ ચોંકી ગયા હતા અને તાબડતોબ આવો નિર્ણય લીધો હતો. .
આ ઘટના ઉત્તર પ્રદેશના કાનપુરના ભોગનીપુર કોતવાલી વિસ્તારની છે. અહીં લગ્નના માત્ર 10 દિવસ બાદ જ એક દુલ્હને બાળકને જન્મ આપ્યો. આ પછી પતિ અને સાસરિયાઓએ નવવિવાહિત મહિલાને અપનાવાની ના પાડી દીધી હતી. બીજી તરફ પીડિતાએ પોલીસ સમક્ષ તેની સામે ગેંગરેપ થયો હોવાનું કહી ફરિયાદ નોંધાવી હતી. પીડીતાએ આ મામલે પોલીસને જાણ કરતા પોલીસે આરોપીઓને પકડવા માટે દરોડા પાડ્યા છે.
આ મામલો કાનપુર દેહાતના રૂરા પોલીસ સ્ટેશન વિસ્તારનો છે. પોલીસ સ્ટેશન વિસ્તારના ગામમાં રહેતી એક દલિત યુવતીના લગ્ન 15 મે 2023ના રોજ ભોગનીપુર કોતવાલી વિસ્તારના એક ગામમાં થયા હતા. લગ્ન થયા બાદ નવપરિણીત મહિલા ચોથા દિવસે તેના પીયર આવી ત્યારે 25મી મેના રોજ તેને પેટમાં દુ:ખાવો ઉપડ્યો હતો.
જેના કારણે પરિવારજનો યુવતીને અકબરપુરની એક ખાનગી હોસ્પિટલમાં દાખલ કરી હતી, જ્યાં તેણીએ 26 મેના રોજ પ્રસૂતિની પીડા બાદ એક બાળકીને જન્મ આપ્યો હતો. આ બાળકીનો જન્મ થયો ત્યારથી જ બાળકી બીમાર હતી , જેના કારણે બાળકી થોડા જ સમયમાં મૃત્યુ પામી હતી. જ્યારે પતિ અને સાસરિયાઓને આ બાબતની જાણ થઈ તો તેઓએ પત્નીને અપનાવાની ના પાડી દીધી હતી.
આ મામલે પીડિતાએ 6ઠ્ઠી જૂને પોલીસ સ્ટેશનમાં ફરિયાદ નોંધાવી અને ગામના અરુણ પાલ અને વિનય પાલ વિરુદ્ધ તેના પર બળજબરીપૂર્વક બળાત્કાર કરવાનો અને ઘણી વખત જાનથી મારી નાખવાની ધમકી આપવાનો કેસ દાખલ કરાવ્યો છે.
કાનપુરના આ કેસમાં રૂરા પોલીસ સ્ટેશનના ઈન્સ્પેક્ટર સમર બહાદુર સિંહે જણાવ્યું કે અરુણ પાલ અને વિનય પાલ વિરુદ્ધ 374-ડી, 506 અને 3(2) હેઠળ કેસ નોંધવામાં આવ્યો છે, પીડિતાને મેડિકલ તપાસ માટે મોકલવામાં આવી છે, દરોડા પાડવામાં આવી રહ્યા છે. આરોપીની ધરપકડ કરવામાં આવી રહી છે.
