વડાપ્રધાન નરેન્દ્ર મોદી (PM Narendra Modi) 2 સપ્ટેમ્બરે દેશનું પ્રથમ સ્વદેશી નિર્મિત એરક્રાફ્ટ કેરિયર (IAC) વિક્રાંત (Vikrant) નેવીને સોંપશે. કોચીન શિપયાર્ડ લિમિટેડ (CSL) ની અંદર એક વિશેષ વ્યવસ્થામાં વડા પ્રધાન સત્તાવાર રીતે જહાજને ભારતીય નૌકાદળમાં સામેલ કરશે. આ યુદ્ધ જહાજનું (Vessel of War) નિર્માણ 20,000 કરોડ રૂપિયામાં કરાયું છે. ભારતીય નૌકાદળે ગયા મહિને સમુદ્રી અજમાયશના ચોથા અને અંતિમ તબક્કાને સફળતાપૂર્વક પૂર્ણ કર્યા બાદ 28 જુલાઈના રોજ સીએસએલ પાસેથી જહાજની ડિલિવરી લીધી હતી.
- પીએમ મોદી 2 સપ્ટેમ્બરે દેશનું પ્રથમ સ્વદેશી નિર્મિત એરક્રાફ્ટ કેરિયર વિક્રાંત નેવીને સોંપશે
- આ યુદ્ધ જહાજનું નિર્માણ 20,000 કરોડ રૂપિયામાં કરાયું છે
- આ જહાજનું નામ ભારતના પ્રથમ એરક્રાફ્ટ કેરિયરના નામ પરથી રાખવામાં આવ્યું છે જેણે 1971ના ભારત-પાકિસ્તાન યુદ્ધમાં મહત્વની ભૂમિકા ભજવી હતી
- એરક્રાફ્ટમાં 2300થી વધુ કમ્પાર્ટમેન્ટ્સ છે જે લગભગ 1700 લોકોના ક્રૂ માટે રચાયેલ છે
એરક્રાફ્ટ કેરિયર લડવૈયાઓ માટે લાવવામાં આવ્યો છે. તે MiG-29K ફાઇટર એરક્રાફ્ટ, કામોવ-31 હેલિકોપ્ટર અને MH-60R મલ્ટી-રોલ હેલિકોપ્ટર ચલાવવા માટે તૈયાર છે. વિક્રાંતની સપ્લાય સાથે ભારત એવા દેશોની પસંદગીના જૂથમાં જોડાઈ ગયું છે જે સ્વદેશી રીતે એરક્રાફ્ટ કેરિયર્સની ડિઝાઈન અને નિર્માણ કરવાની ક્ષમતા ધરાવે છે. ભારતીય નૌકાદળના ઇન-હાઉસ ડિરેક્ટોરેટ ઓફ નેવલ ડિઝાઇન (DND) દ્વારા ડિઝાઇન કરાયેલ અને CSL દ્વારા બનાવવામાં આવેલ આ જહાજનું નામ તેના પ્રસિદ્ધ પુરોગામી ભારતના પ્રથમ એરક્રાફ્ટ કેરિયરના નામ પરથી રાખવામાં આવ્યું છે જેણે 1971ના ભારત-પાકિસ્તાન યુદ્ધમાં મહત્વની ભૂમિકા ભજવી હતી. .
જણાવી દઈએ કે આ એરક્રાફ્ટમાં 2300થી વધુ કમ્પાર્ટમેન્ટ્સ છે જે લગભગ 1700 લોકોના ક્રૂ માટે રચાયેલ છે. તેમાં મહિલા અધિકારીઓને બેસવા માટે ખાસ કેબિનનો પણ સમાવેશ થાય છે. વિક્રાંતની ટોપ સ્પીડ લગભગ 28 નોટ્સ છે. IAC 262 મીટર લાંબુ, 62 મીટર પહોળું અને 59 મીટર ઊંચું છે. તેનું બાંધકામ 2009માં શરૂ થયું હતું. IAC ની ફ્લાઈટ ડેક બે ફૂટબોલ મેદાન જેટલી છે અને જો તમે આ મોટા જહાજ પર ચાલવામાં આવે તો તેનું ડિસ્ટન્સ આઠ કિલોમીટરનું થશે. IAC ના આઠ પાવર જનરેટર કોચી શહેરને રોશન કરવા માટે પૂરતા છે અને યુદ્ધ જહાજમાં તમામ સુવિધાઓ સાથેનું અત્યાધુનિક હોસ્પિટલ સંકુલ પણ છે.
