મુંબઈ: બોલિવૂડ (Bollywood) એક્ટ્રેસ (Actress) જેકલીન ફર્નાન્ડીઝની ( Jacqueline Fernandez) મુશ્કેલીઓ ફરી એકવાર વધી ગઈ છે. EDએ અભિનેત્રીને 215 કરોડ રૂપિયાની ખંડણીના કેસમાં (Extortion case) આરોપી બનાવી છે. તાજેતરની માહિતી અનુસાર, ED જેકલીન સામે ટૂંંક સમયમાં ચાર્જશીટ દાખલ કરશે. અભિનેત્રીની હાલ ધરપકડ કરવામાં આવશે નહીં. પરંતુ તે દેશ છોડી બહાર જઈ શકશે નહીં.
ED દ્વારા જેકલીન પર આરોપ
સૂત્રો પાસેથી પ્રાપ્ત માહિતી અનુસાર, EDનું માનવું છે કે જેકલીન પહેલાથી જ જાણતી હતી કે ઠગ સુકેશ એક અપરાધી અને ખંડણીખોર છે. જ્યારથી બોલિવૂડ એક્ટ્રેસ જેકલીન ફર્નાન્ડીઝનું મહાથગ સુકેશ ચંદ્રશેખર સાથે કનેક્શન સામે આવ્યું છે ત્યારથી તે કાનૂની મુશ્કેલીઓ વધી છે. EDએ જેકલીનને સંપૂર્ણ રીતે બરબાદ કરી દીધી છે. તે જ સમયે, હવે EDએ અભિનેત્રી પર 215 કરોડ રૂપિયાની ઉચાપતના કેસમાં આરોપ લગાવ્યો છે.
ED આજે અભિનેત્રી વિરુદ્ધ ચાર્જશીટ દાખલ કરશે. ઠગ સુકેશે જેકલીનને કરોડોની ગિફ્ટ આપી હતી મળતી માહિતી મુજબ, સુકેશે જેકલીનને 10 કરોડ રૂપિયાની કિંમતી ભેટ આપી હતી. EDએ અભિનેત્રીની 7 કરોડથી વધુની સંપત્તિ પણ જપ્ત કરી છે. એવું પણ કહેવામાં આવ્યું છે કે સુકેશે જેકલીનના પરિવારના સભ્યોને મોંઘી ભેટ પણ આપી હતી. પરિવારને આપવામાં આવેલી ભેટમાં કાર, મોંઘી વસ્તુઓ ઉપરાંત રૂ. 1.32 કરોડ અને રૂ. 15 લાખનું ભંડોળ સામેલ હતું.
જેકલીન ઘણા સમયથી EDના રડાર પર છે. કેસની તપાસ કર્યા પછી, EDએ જેકલીન પર તેની પકડ વધુ કડક કરી છે અને તેનું નામ આરોપી તરીકે જાહેર કર્યું છે. અગાઉ એવું કહેવામાં આવ્યું હતું કે ઠગ સુકેશે દિલ્હીની જેલમાં બંધ એક મહિલા પાસેથી 215 કરોડ રૂપિયાની છેતરપિંડી કરી હતી. આ પછી સુકેશે એ જ ખંડણીના પૈસાથી જેકલીનને કરોડોની મોંઘી ભેટ આપી. ભેટોમાં હીરા, ઝવેરાત, 52 લાખની કિંમતનો ઘોડો અને અન્ય ઘણી મોંઘી ભેટ સામેલ છે. એવું કહેવામાં આવ્યું હતું કે સુકેશે આ બધા પૈસા લોકોને છેતરીને કમાયા હતા.
શું છે મામલો?
ઠગ સુકેશ ચંદ્રશેખર પર 200 કરોડ રૂપિયાની ઉચાપત કરવાનો આરોપ છે. કેસની તપાસમાં સામે આવ્યું છે કે સુકેશે જેકલીનને મોંઘી ગિફ્ટ આપી હતી. જે બાદ EDએ તેની સામે કાર્યવાહી કરતા તેની 7 કરોડ રૂપિયાની સંપત્તિ પણ જપ્ત કરી છે. ચાર્જશીટમાં એ પણ ખુલાસો થયો હતો કે સુકેશ ચંદ્રશેખરની સહાયક પિંકી ઈરાનીએ સુકેશને જેક્લીન સાથે મુલાકાત કરાવી હતી. અને સુકેશ ચંદ્રશેખરે પિંકી ઈરાનીની મદદથી જેકલીનને મોંઘીદાટ ભેટ અને રોકડ પહોંચાડી હતી.
જેકલીન પર આરોપો
ED ચાર્ટશીટમાં એ પણ ખુલાસો થયો છે કે સુકેશ ચંદ્રશેખરે ડિસેમ્બર 2020 થી જાન્યુઆરી 2021 સુધી જેક્લીન ફર્નાન્ડીઝનો સંપર્ક કરવાનો પ્રયાસ કર્યો હતો, પરંતુ અભિનેત્રીએ તેમના કૉલનો જવાબ આપ્યો ન હતો. અભિનેત્રીએ આરોપ લગાવ્યો હતો કે સરકારી ઓફિસમાંથી કોઈએ તેનો સંપર્ક કર્યો હતો અને તેણીને સુકેશ ચંદ્રશેખરનો સંપર્ક કરવા કહ્યું હતું, જેને તે શેખર રત્ન વેલા તરીકે ઓળખતી હતી.
સુકેશે ખોટી ઓળખ આપી
અભિનેત્રીએ વધુમાં જણાવ્યું હતું કે જ્યારે તેણીએ સુકેશનો સંપર્ક કર્યો ત્યારે તેણે પોતાની ઓળખ તેના પરિવાર સાથે સન ટીવીના માલિક તરીકે આપી હતી. તેણે એમ પણ કહ્યું કે તે જયલલિતાના રાજકીય પરિવારમાંથી છે અને તે ચેન્નાઈની છે. જેક્લિને કહ્યું, સુકેશે કહ્યું હતું કે તે મારો ઘણો મોટો ફેન છે, અને મારે દક્ષિણમાં ફિલ્મો કરવી જોઈએ અને તેની પાસે સન ટીવીના રૂપમાં ઘણા પ્રોજેક્ટ છે. તે સમયથી બંને સંપર્કમાં આવ્યા હતા.
