નવી દિલ્હી: શેરબજારમાં (Stock market) રોકાણ કરનારા રોકાણકારો માટે આજે બુધવારનો દિવસ ઘણો ખરાબ સાબિત થયો. એક તરફ સેન્સેક્સ 1600 પોઈન્ટ્સથી વધુ તૂટ્યો હતો. જ્યારે નિફ્ટી પણ 450 પોઈન્ટથી (Point) વધુ તૂટ્યો હતો. માર્કેટમાં (Market) આવેલા આ તફાવત વચ્ચે રોકાણકારોને રૂ. 4 લાખ કરોડથી વધુનું નુકશાન (Loss) થયું હતું. જેમાં દેશની સૌથી મોટી ખાનગી ક્ષેત્રની બેંક HDFC બેંકને સૌથી વધુ નુકસાન થયું છે કારણ કે બેંકે ત્રણ મહિનામાં જેટલી કમાણી કરી હતી. તેના પાંચ ગણાથી વધુ નાણાનું એક જ ઝાટકે નુકશાન થઇ ગયું હતું.
સેન્સેક્સ 1600થી વધુ પોઈન્ટ તૂટ્યો
શેરબજારમાં બોમ્બે સ્ટોક એક્સચેન્જનો 30 શેરવાળો સેન્સેક્સ સવારે 9.15 કલાકે 71,988ના સ્તરે ઘટાડા સાથે ખુલ્યો હતો અને બજાર બંધ થયું હતું. ત્યાર બાદ તે 1628.02 પોઈન્ટ અથવા 2.23 ટકા ઘટીને 71,500.76 ના સ્તરે બંધ રહ્યો હતો. બીજી તરફ નેશનલ સ્ટોક એક્સચેન્જનો નિફ્ટી આ સમય સુધીમાં 460.35 પોઈન્ટના ઘટાડા સાથે 21,571.95ના સ્તરે બંધ રહ્યો હતો. શેરબજારમાં આવેલા આ મોટા ઘટાડાને કારણે રોકાણકારોને રૂ. 4 લાખ કરોડથી વધુનું નુકશાન થયું છે.
બેન્ક શેર રૂ. 1528ના નીચા સ્તરે છે
બજારમાં દિવસભરના ઘટાડા વચ્ચે સૌથી વધુ નુકસાન HDFC બેન્કના રોકાણકારોને થયું છે. હકીકતમાં કંપનીના શેરમાં 8 ટકાથી વધુનો ઘટાડો થયો છે. ટ્રેડિંગના છેલ્લા કલાકમાં HDFC બેન્કના શેરમાં તીવ્ર ઘટાડો નોંધાયો હતો અને તે BSE પર 8.57 ટકાના ભારે ઘટાડા સાથે રૂ. 1535ના સ્તરે આવી ગયો હતો. જણાવી દઈએ કે HDFCના શેર દિવસભર લાલ નિશાનમાં ટ્રેડ થયા હતા. તે સવારે 9.15 વાગ્યે રૂ. 1570ના સ્તરે ખૂલ્યો હતો અને રૂ. 1528ના નીચલા સ્તરને સ્પર્શ્યો હતો. બેન્કના શેરમાં આ ઘટાડાને કારણે તેના રોકાણકારો (HDFC બેન્ક રોકાણકારો)ને રૂ. 100,000 કરોડનું નુકસાન થયું છે.
3 મહિનામાં જે કંઈ કમાવ્યું તે એક જ ઝાટકે ગુમાવ્યું
HDFC બેંકના શેરમાં આ ઘટાડો આશ્ચર્યજનક પણ છે કારણ કે મંગળવારે છેલ્લા ટ્રેડિંગ દિવસે કંપનીએ તેના ડિસેમ્બર ક્વાર્ટરના પરિણામો જાહેર કર્યા હતા. જે ખૂબ જ શાનદાર હતા. જો આપણે HDFC બેન્કના Q3 પરિણામો પર નજર કરીએ તો ડિસેમ્બર ક્વાર્ટરમાં બેન્કના ચોખ્ખા નફામાં 34 ટકાનો વધારો થયો હતો. આ હિસાબે HDFC બેંકે ત્રણ મહિનામાં 16,372 કરોડ રૂપિયાનો નફો કર્યો છે. જ્યારે કંપનીની માર્કેટ મૂડી (HDFC Bank MCap) એક જ દિવસના ટ્રેડિંગમાં રૂ. 100,000 કરોડ ઘટી છે.
