સુરતઃ સુરત જિલ્લાના ઓલપાડ તાલુકાના કુંકણી ગામની ફાઉન્ટન હેડ સ્કૂલ આજકાલ ચર્ચામાં છે. ધોરણ 12ના વિદાય સમારંભ (Farewell) દરમિયાન વિદ્યાર્થીઓએ શાંતિપૂર્ણ વિદાયને બદલે પાવર શો રચવાનો પ્રયાસ કર્યો હતો. 30થી વધુ લક્ઝરી કારો સાથે વિદ્યાર્થીઓએ કોઈ મંજૂરી વિના સ્કૂલ સુધીનો કાફલો કાઢ્યો અને સ્ટાઈલબાજી કરવાને કારણે વિવાદ ઉદભવ્યો છે.
- ફાઉન્ટેન હેડ સ્કુલના વિદ્યાર્થીઓના “ફેરવેલ પાવર શો”નો વિવાદ સર્જાયો
- લક્ઝરી કારોનો કાફલો, ટ્રાફિક ભંગ અને જવાબદાર કોણ?
રાંદેરના ડી-માર્ટ પાસેથી શરૂ થયેલો આ કાફલો ઓલપાડના દાંડી રોડ પર આવેલી ફાઉન્ટન હેડ સ્કૂલ સુધી પહોંચ્યો. સ્ટાઇલમાં કારની સનરૂફમાંથી માથું બહાર કાઢીને ફોટો-વિડિયો લેતા વિદ્યાર્થીઓ ટ્રાફિકના નિયમો તોડતા જોવા મળ્યા. તેમના ગાડીઓમાં બેજવાબદાર રીતે મ્યુઝિક વગાડવામાં આવી રહ્યો હતો, જે તે સમયે માર્ગ પર બાકી ચાલકોએ ભારે પરેશાનીઓ અનુભવી. વિચારવામાં આવ્યા વિના યોજાયેલા આ કાર્યક્રમના જવાબદાર કોણ?
પોલીસ અને સ્કૂલ બંનેએ જવાબદારીમાંથી છટકવા પ્રયાસ કર્યો હતો. વિદાય સમારંભનો હેતુ વિદ્યાર્થીઓ માટે એક સાંસ્કૃતિક અને પ્રેરણાત્મક વિદાય છે. પરંતુ આ ઘટના એવા સંકેત આપે છે કે આ રીતે પાવર શો બનાવી સ્વીકાર્યતાના તમામ મર્યાદાઓ તોડવી ખોટું છે. આ ઘટના સોશિયલ મીડિયામાં વાયરલ થવાને કારણે સ્કૂલ અને કોલેજની ભારે બદનામી થઈ રહી છે.
પોલીસ: “અમને જાણ નહોતી”
રાંદેર અને પાલ પોલીસે સ્પષ્ટ કર્યું કે આ માટે કોઈ મંજુરી આપવામાં આવી નહોતી અને ન તો તેમને આ ઘટના અંગે અગાઉ કોઈ જાણ કરવામાં આવી હતી. પોલીસ અધિકારીએ કહ્યું, “જો નિયમો તોડવામાં આવ્યા છે, તો તપાસ કરીને કડક કાર્યવાહી કરીશું.”
સ્કૂલ: “આ અમારી યોજના નહોતી”
સ્કૂલ તરફથી પણ જવાબદારીથી પલાયન કરવામાં આવ્યું હતું. સ્કૂલના હેડે જણાવ્યું કે, “આ વિદ્યાર્થીઓ અને વાલીઓએ સ્કૂલની જાણ કર્યા વગર લક્ઝરી કારોનું આયોજન કર્યું. અમે ખાસ વિદાય સમારંભ માટે સ્કૂલ બસ ઉપલબ્ધ કરાવી હતી, સ્કૂલ બહાર છોકરાઓ કઈ રીતે આવે વાલીઓ અને વિદ્યાર્થીઓનો પ્રશ્ન છે.
આ ઘટના પેટે કેટલીક ગંભીર ચર્ચાઓ ઉઠી છે:
- શાળાના વિદ્યાર્થીઓ અને વાલીઓએ કોઈ મંજુરી લીધા વિના ટ્રાફિક નિયમોનો ભંગ કર્યો, તો તેને કાનૂની પગલાં કેમ ન લેવાય?
- સ્કૂલના કબ્જા બહાર થયેલી આ ઘટનામાં વાલીઓની જવાબદારી કેટલી માનવામાં આવે?
- આવું ઘટે છે ત્યારે તે થવા કેમ આપવામાં આવે છે, અને આવા દ્રશ્યો શું નવા યુવાનોમાં ખોટા સંકેત આપે છે?
ટ્રાફીક પોલીસના નિયંત્રણ બાબતે પણ ચર્ચા
વિચારવામાં આવે છે કે શાળા અને વાલીઓ, બંનેને આ ઘટનાની જવાબદારી લેવી જોઈએ. સાથે જ ટ્રાફિક પોલીસનું નિયંત્રણ કેમ સુનિશ્ચિત નથી એ મુદ્દો પણ ચર્ચાનો વિષય બન્યો છે.
