અનંત અંબાણી (Anant Ambani) અને રાધિકા મર્ચન્ટના લગ્નની (Marriage) રાહ હવે પૂરી થવા જઈ રહી છે. બંને જલ્દી લગ્ન કરી લેશે. હવે લગ્નનું કાઉન્ટડાઉન પણ શરૂ થઈ ગયું છે. તાજેતરમાં લગ્નની ઘણી વિધિઓ પૂર્ણ થઈ છે. તેની તસવીરો અને વીડિયો સોશિયલ મીડિયા પર સતત ટ્રેન્ડ કરી રહ્યાં છે. આમાંની કેટલીક તસવીરો હલ્દી સેરેમનીની છે. અનંત અંબાણી અને રાધિકા મર્ચન્ટ બંનેએ હલ્દી સેરેમનીમાં પીળા આઉટફિટ્સ પહેર્યા હતા. રાધિકાની વાત કરીએ તો તેના હલ્દીના આઉટફિટની ખૂબ જ ચર્ચા છે અને લોકો તેના આઉટફિટના ખૂબ વખાણ કરી રહ્યા છે. લોકોને લાગે છે કે તેની સ્ટાઈલ એકદમ નવી છે જ્યારે કે એવું નથી. શ્લોકા મહેતા અને ઈશા અંબાણી પહેલા પણ આવું જ કંઈક પહેરી ચૂકી છે.
ઈશા અને શ્લોકાએ ફૂલ દુપટ્ટા પહેર્યા હતા
વાસ્તવમાં રાધિકા મર્ચન્ટે પીળા રંગનો ટુ પીસ સેટ પહેર્યો હતો. આ સાથે તેણે ફ્લોરલ સ્કાર્ફ પણ પહેર્યો હતો. ફ્લોરલ દુપટ્ટાની સાથે તેણે ફૂલોથી બનેલી જ્વેલરી પણ પહેરી હતી. આ સિમ્પલ લુકમાં રાધિકા એકદમ ભવ્ય અને અનોખી દુલ્હન લાગી રહી હતી. આ જોયા પછી લોકો તેના ફૂલોના દુપટ્ટાની ચર્ચા કરવા લાગ્યા, પરંતુ તમને યાદ અપાવી દઈએ કે આ કોઈ નવી વાત નથી, આ પહેલા અંબાણી પરિવારની મોટી વહુ શ્લોકા મહેતા અને પુત્રી ઈશા અંબાણી તેને પહેરી ચૂકી છે. બંનેએ તેમના લગ્નની ઉજવણીમાં સમાન ફૂલોના દુપટ્ટા પહેર્યા હતા. તેમની એક જૂની તસવીર સામે આવી છે જેમાં ઈશા અને શ્લોકા ખુબજ ખુશ લાગી રહ્યા છે.
તમને જણાવી દઈએ કે, લગ્નની વિધિ મમેરુના ફંક્શનથી શરૂ થઈ હતી અને સતત ચાલી રહી છે. ગરબા રાત્રિ, હલ્દી, ગ્રહ શાંતિ, મહેંદી, દાંડિયા અને શિવ શક્તિ પૂજા પણ પૂર્ણ થઈ ગઈ છે. અનંત અંબાણી અને રાધિકા મર્ચન્ટ 12 જુલાઈ 2024 ના રોજ મુંબઈના Jio વર્લ્ડ કન્વેન્શન સેન્ટરમાં લગ્ન કરશે. દરેક વ્યક્તિ જેની રાહ જોઈ રહ્યા હતા તે ક્ષણ હવે આવી ગઈ છે. તેમાં બોલિવૂડથી લઈને હોલીવુડ સ્ટાર્સ સામેલ થશે.
