નવી દિલ્હી: રોડ પર દોડતી બાઇકને હવામાં ઉડતી જોવાનું કેટલું રોમાંચક હશે? સામાન્ય રીતે, બાઇકને રસ્તા પર દોડવા માટે ડિઝાઇન કરવામાં આવી છે. પરંતુ ટેક્નોલોજીના આ યુગમાં હવે બાઇક હવામાં ઉડવા લાગી છે. વિશ્વની પ્રથમ ઉડતી બાઇકે (Flying Bike) અમેરિકામાં (America) ડેબ્યુ કર્યું છે. પ્રથમ એરબોર્ન બાઇક, XTurismo, એક હોવરબાઇક છે. આ બાઇક 2022માં ડેટ્રોઇટ ઓટો શોમાં હવામાં ઉડતી જોવા મળી હતી. ત્યારથી આ બાઇકનો વીડિયો સોશિયલ મીડિયા પર ખૂબ વાયરલ થઈ રહ્યો છે.
ઝડપ શું છે?
વિશ્વની પ્રથમ ઉડતી બાઇક XTURISMO છે. આ અનોખી બાઇક 40 મિનિટ સુધી હવામાં ઉડવામાં સક્ષમ છે. જો તેની સ્પીડની વાત કરીએ તો તે 62 mphની સ્પીડ સુધી પહોંચી શકે છે. તે સત્તાવાર રીતે ઓક્ટોબર 2021 માં રજૂ કરવામાં આવ્યું હતું. અમેરિકામાં પહેલીવાર જોવા મળેલી આ બાઇકને ‘લેન્ડ સ્પીડર ફોર ધ ડાર્ક સાઇડ’ નામ આપવામાં આવ્યું છે.
વિશ્વની પ્રથમ એર-ફ્લાઇંગ બાઇક XTURISMO જાપાનની AERWINS Technologies દ્વારા ડેવલપ કરાઈ છે. આ કંપની એર મોબિલિટી ટેક્નોલોજીના ક્ષેત્રમાં કામ કરે છે. કંપનીએ જાપાનમાં જ XTURISMO તૈયાર કર્યું છે. Airwins Technologiesના સ્થાપક અને ડિરેક્ટર Shuhei Komatsu અપેક્ષા રાખે છે કે તેને 2023 સુધીમાં યુએસ માર્કેટમાં લોન્ચ કરવામાં આવશે.
જો આપણે XTurismo ની કિંમત વિશે વાત કરીએ, તો તે હાલમાં 770,000 યુએસ ડોલરમાં વેચાઈ રહી છે. આ પ્રકારની ડિઝાઇન બાઇકની ભાવિ ડિઝાઇન છેલ્લા બે વર્ષથી વિકસાવવામાં આવી રહી છે. રાઇડરને સુરક્ષિત રાખવા માટે તેમાં વિવિધ પ્રકારના સેન્સર લગાવવામાં આવ્યા છે. હાલમાં તે સિંગલ રાઇડર બાઇક છે. XTURISMO ની ડિઝાઇન વિશે વાત કરીએ તો તેની બોડી બાઇક જેવી લાગે છે. ઉપરાંત, તે હેલિકોપ્ટરની જેમ સપાટીથી હવામાં ઉડે છે. સુરક્ષિત ઉતરાણ માટે સ્કિડ લગાવવામાં આવી છે.
ખરીદવા માટે આ કામ કરવું પડશે
વિશ્વની પ્રથમ ઉડતી બાઇક, XTURISMO, AERWINS Technologiesની સત્તાવાર વેબસાઇટ પર જઇને ઓર્ડર કરી શકાય છે. તે હાલમાં મર્યાદિત આવૃત્તિમાં ઉપલબ્ધ છે. તમને તે લાલ, વાદળી અને કાળો એમ ત્રણ રંગોમાં મળશે. તેને ખરીદવા માટે તમારે 6 કરોડથી વધુનો ખર્ચ કરવો પડશે.
