નવી દિલ્હી: એક જમાનાના મશહૂર ક્રિકેટર અને વિશ્વ ક્રિકેટના ગોડ સચીન તેન્ડુલકરના બાળપણના દોસ્ત આજે આર્થિક મુશ્કેલીનો સામનો કરી રહ્યાં છે. સચીનનો આ બાળપણનો દોસ્ત એટલો મજબૂર છે કે તે કોઈ પણ કામ કરવા તૈયાર થઈ ગયા છે. તેની આર્થિક પરિસ્થિતિ એટલી કથળી ગઈ છે કે તેના પરિવારનું ગુજરાન પેન્શન પર ચાલી રહ્યું છે.
ભારતના (Indian) ભૂતપૂર્વ ક્રિકેટર વિનોદ કાંબલીની (Former cricketer Vinod Kambli) આર્થિક પરિસ્થિતિ (financial crunch) સારી નથી ચાલી રહી. તેઓ હાલ આર્થિક તંગીનો સામનો કરી રહ્યા છે. એક સમયે ભારતીય ક્રિકેટ જગતની દુનિયામાં સનસની મચાવનાર વિનોદ કાંબલીનું કહેવું છે કે આ સમયે તે બીસીસીઆઈ (BCCI) દ્વારા મળેલા પેન્શનના આધારે જ પોતાના પરિવારનું ભરણપોષણ કરી રહ્યો છે. વિનોદ કાંબલીએ એમ પણ કહ્યું છે કે તેનો ભૂતપૂર્વ સાથી અને મિત્ર સચિન તેંડુલકરને (Sachin Tendulkar) પણ તેની હાલત ખબર છે, પરંતુ તે સચિન પાસે કોઈ આશા નથી રાખતો કારણ કે સચિને તેની ઘણી મદદ કરી છે.
50 વર્ષીય વિનોદ કાંબલીએ 2019માં છેલ્લી વખત ટીમનું કોચિંગ કર્યું હતું, જ્યારે તે T20 મુંબઈ લીગમાં સામેલ હતો. ત્યાર બાદ કોરોના મહામારીએ ઘણા બધા લોકોનું જીવ બદલી નાખ્યું, હવે તે બીસીસીઆઈના 30 હજાર રૂપિયાના પેન્શન પર નિર્ભર છે. આ સિવાય તે તેંડુલકર મિડલસેક્સ ગ્લોબલ એકેડમીમાં પણ ટ્રેનિંગ લેતો હતો, પરંતુ તે તેના ઘરથી દૂર છે.
વિનોદ કાંબલીએ પોતાની મુશ્કેલી જણાવી
વિનોદ કાંબલીએ પોતાની આર્થિક સ્થિતિ વિશે સંપૂર્ણ માહિતી આપી છે. તેણે કહ્યું કે હું સવારે 4 વાગે ઉઠતો હતો, ડીવાય પાટિલ સ્ટેડિયમ સુધી કેબમાં જતો હતો. તે પછી, સાંજે બીકેસી ગ્રાઉન્ડમાં ભણાવ્યું, જે ખૂબ મુશ્કેલ કાર્ય હતું. વિનોદ કાંબલીએ કહ્યું કે હું માત્ર BCCIના પેન્શન પર નિર્ભર છું, હું કામ માટે મુંબઈ ક્રિકેટ એસોસિએશન પણ ગયો હતો. હું આશા રાખું છું કે મને થોડું કામ મળી શકે. જ્યારે તેમને પૂછવામાં આવ્યું કે સચિનને તમારી હાલત વિશે ખબર છે ત્યારે તેમણે કહ્યું કે સચિનને બધુ ખબર છે પણ હું તેની આશા લઈને નથી બેઠો, તેણે મને અહીં કામ આપ્યું, હું ખૂબ ખુશ હતો. સચિન મારો ખૂબ સારો મિત્ર છે અને હંમેશા મારી પડખે રહ્યો છે.
તમને જણાવી દઈએ કે વિનોદ કાંબલીએ ભારત માટે કુલ 104 વનડે રમી છે, જ્યારે તેણે 17 ટેસ્ટ પણ રમી છે . તેણે ભારત માટે આંતરરાષ્ટ્રીય ક્રિકેટમાં કુલ 3561 રન બનાવ્યા છે, જેમાં ટેસ્ટમાં ચાર સદી અને વનડેમાં બે સદી સામેલ છે. વિનોદ કાંબલીએ ભારત માટે 1991માં પોતાની ODI ડેબ્યૂ કરી હતી, જ્યારે તેમણે છેલ્લી ODI 2000માં રમી હતી. વિનોદ કાંબલી થોડા સમય પહેલા જ ચર્ચામાં આવ્યો હતો, જ્યારે તેની નશાની હાલતમાં ડ્રાઇવિંગ કરવા બદલ ધરપકડ કરવામાં આવી હતી. ફેબ્રુઆરી 2022 માં, વિનોદ કાંબલીએ નશાની હાલતમાં ડ્રાઇવિંગ કરતી વખતે એક વાહનને ટક્કર મારી હતી, જ્યારે તેની સામે ફરિયાદ નોંધવામાં આવી ત્યારે પોલીસે તેની ધરપકડ કરી હતી. જો કે થોડા સમય બાદ તેને જામીન પણ મળી ગયા હતા.
