મુંબઈ: ટીવી સિરિયલ ‘સસુરાલ સિમર કા’ની (Sasural Simar Ka) અભિનેત્રી દિપીકા કક્કડને (Dipika Kakkar Angry) સૌ કોઈ ઓળખે છે. આ સિરીયલમાં મુખ્ય ભૂમિકા ભજવ્યા બાદ દિપીકા કક્કડ ઘરઘરમાં જાણીતી થઈ છે. દિપીકા કક્કડે શોએબ ઇબ્રાહીમ સાથે બીજા લગ્ન કર્યા છે અને બંને જણા ખુબ ખુશ છે. આ કપલ અનેકોવાર યુટ્યૂબ વીડિયો પણ બનાવતા રહે છે. તાજેતરમાં શોએબને તેના સારા અભિનય બદલ દાદાસાહેબ ફાળકે એવોર્ડ પણ મળ્યો હતો. જે લેવા માટે તે પત્ની દિપીકા કક્કડ સાથે ગયો હતો. બ્લેડ આઉટફીટમાં કપલ ખૂબ જ સુંદર દેખાઈ રહ્યું હતું. આ ઈવેન્ટમાંથી જ્યારે દિપીકા કક્કડ બહાર આવી રહી હતી ત્યારે તે પડતા પડતા બચી હતી. આ ઘટનાનો વીડિયો વાયરલ થયો છે.
ખરેખર બન્યું એવું કે દિપીકા કક્કડ આ ઈવેન્ટમાં હાઈહિલ્સ પહેરીને પહોંચી હતી. તે ઈવેન્ટમાંથી બહાર આવી રહી હતી ત્યારે હિલ્સના લીધે તે પડતાં પડતાં બચી હતી. જોકે, અભિનેત્રીએ પોતાનું સંતુલન જાળવી લીધું હતું. અભિનેત્રી પડી રહી હતી ત્યારે તેની સાથે ચાલતા એક ચાહકે અભિનેત્રીને બચાવવા માટે પ્રયાસ કર્યો હતો અને દિપીકા કક્કડનો હાથ પકડ્યો હતો. તેથી અભિનેત્રી ગુસ્સે ભરાઈ હતી અને પોતાના શરીરનું સંતુલન જાળવતા જાળવતા જ તે ચાહક પર ગુસ્સે ભરાઈ ગઈ હતી. પહેલાં તો કહ્યું કે, બરાબર છે, બરાબર છે, હું બરાબર છું. પ્લીઝ ડોન્ટ ટચ મી. દિપીકા કક્કડના ચહેરા પર થોડો ગુસ્સો પણ દેખાતો હતો. અભિનેત્રીના આવા વર્તનથી ચાહક પણ હેબતાઈ ગયો હતો અને ત્યાર બાદ અભિનેત્રીથી દૂર થઈ ગયો હતો.
આ અગાઉ દીપિકા કક્કડે પાપારાઝી પર ગુસ્સે ભરાઈ હતી અ્ને કહ્યું હતું કે શોએબ ઈબ્રાહિમ એવોર્ડ લીધા પછી પાછળ આવી રહ્યો છે. અભિનેત્રીએ પાપારાઝીઓને ગુસ્સામાં એવું કહ્યું હતું કે તમે લોકો શોએબ પાસે જાઓ અને પૂછો કે તેમને કયો એવોર્ડ મળ્યો છે? આટલું કહીને દીપિકા કક્કડ કાર તરફ જાય છે. આ સમગ્ર દ્રશ્ય પાપારાઝીના કેમેરામાં કેદ થઈ જાય છે.
ટ્રોલર્સ અભિનેત્રી પર ગુસ્સે ભરાયા
અભિનેત્રી દીપિકા કક્કડના આવા બેહુદા વર્તનથી સોશિયલ મીડિયા યુઝર્સ તેની પર ગુસ્સે ભરાયા છે અને અભિનેત્રીને ટ્રોલ કરવાનું પણ શરૂ કરી દીધું છે. એક યુઝરે લખ્યું કે આ કેવી અભિનેત્રી છે, કોઈ ભલમનસાઈમાં તેને પડવાથી બચાવી રહ્યું છે અને દિપીકા તેની પર જ ગુસ્સે થઈ રહી છે. ભલાઈનો જમાનો જ નથી. અન્ય એક યુઝરે લખ્યું કે તમે વિડિયો બ્લોગમાં એટલા સારા બનવાનો પ્રયત્ન કરો છો અને તમારી આંખો ફક્ત તેમને જ બતાવો છો જેઓ ખરેખર તમારી મદદ કરી રહ્યું છે. વાહ શું એટીટ્યુડ છે મેડમ. જો તમે વિડિયો વ્લોગમાં આ જ સ્ટાઈલ મૂકી હોત તો મજા પડી હોત.
