મુખ્યમંત્રી અરવિંદ કેજરીવાલના (CM Arvind Kejriwal) નજીકના સહયોગી વિભવ કુમાર શુક્રવારે આમ આદમી પાર્ટીના (AAP) રાજ્યસભા સાંસદ સ્વાતિ માલીવાલના કેસમાં દિલ્હીની તીસ હજારી કોર્ટમાં હાજર થયા હતા. વિભવ કુમારની હાજરી પહેલા મેડિકલ તપાસ કરવામાં આવી હતી. સુનાવણી દરમિયાન કોર્ટે બિભવ કુમારને ચાર દિવસની જ્યુડિશિયલ કસ્ટડીમાં મોકલી દીધા છે. હવે તેમને 28 મે સુધી જ્યુડિશિયલ કસ્ટડીમાં રહેવું પડશે. પોલીસે 18 મેના રોજ બિભલ કુમારની ધરપકડ કરી હતી.
19 મેના રોજ સ્વાતિ માલીવાલ હુમલા કેસમાં તીસ હજારી કોર્ટે દિલ્હીના મુખ્યમંત્રી અરવિંદ કેજરીવાલના ખાનગી સચિવ બિભવ કુમારને પાંચ દિવસની પોલીસ કસ્ટડીમાં મોકલી દીધા હતા. બિભવ કુમારના વકીલ હૃષિકેશ કુમારે જણાવ્યું હતું કે પોલીસે સાત દિવસના રિમાન્ડની માંગણી કરતી અરજી દાખલ કરી હતી જેમાંથી પાંચ દિવસના રિમાન્ડ આપવામાં આવ્યા હતા. તેમને ફરીથી 23 મેના રોજ રજૂ કરવામાં આવ્યા હતા. આ દરમિયાન તેમને તેમના વકીલને મળવા દેવામાં આવ્યા હતા.
સ્વાતિ માલીવાલે પોતે 13 મેની ઘટના વિશે જણાવ્યું
આના એક દિવસ પહેલા આમ આદમી પાર્ટીના રાજ્યસભા સાંસદ સ્વાતિ માલીવાલે એક ઈન્ટરવ્યુમાં 13 મેના રોજ તેમની સાથે બનેલી ઘટના વિશે જણાવ્યું હતું. તેમણે કહ્યું કે ઘટનાના દિવસે અરવિંદ કેજરીવાલ બીજા રૂમમાં હતા. મને માર મારવામાં આવ્યો અને હું બૂમો પાડતી રહી પણ તે બહાર ન આવ્યા. એટલું જ નહીં આજ સુધી અરવિંદ કેજરીવાલે મને ફોન પણ કર્યો નથી. સ્વાતિએ એક ઈન્ટરવ્યુમાં કહ્યું કે 13 મેના રોજ સવારે લગભગ 9 વાગ્યે હું દિલ્હીના મુખ્યમંત્રી અરવિંદ કેજરીવાલને તેમના ઘરે મળવા ગઈ હતી. સ્ટાફે મને ડ્રોઈંગ રૂમમાં બેસવા કહ્યું અને કહ્યું કે અરવિંદ ઘરે છે અને મને મળવા આવી રહ્યા છે. આ પછી અરવિંદ કેજરીવાલના પીએ વિભવ કુમાર આક્રમક સ્થિતિમાં આવ્યા હતા.
