નવી દિલ્હી: દેશમાં કોરોના (Corona) સામેની લડાઈ ચાલુ છે. માસ્કથી (Mask) લઈને રસીકરણ (Vaccine) સુધી લોકોને સતત જાગૃત કરવામાં આવી રહ્યા છે. દરમિયાન ANIના રિપોર્ટસ અનુસાર ડ્રગ્સ કંટ્રોલર જનરલ ઓફ ઈન્ડિયા (DCGI) એ 6-12 વર્ષની વય જૂથ માટે Covaxin ને મંજૂરી (EUA) આપી છે. કોવેક્સિન હૈદરાબાદ સ્થિત ભારત બાયોટેક દ્વારા વિકસાવવામાં આવી છે. કોરોનાની ચોથી લહેર અને બાળકોમાં વધતા સંક્રમણ વચ્ચે રસીકરણને એક મોટી રાહત તરીકે જોવામાં આવી રહી છે. કારણ કે વર્તમાન પરિસ્થિતિમાં સૌથી મોટું સંકટ શાળાએ જતા નાના બાળકો પર છે.
નિષ્ણાતો શું કહે છે
આવી સ્થિતિમાં, બાળકને કોરોના વાયરસ હોય તો પણ તેના માટે માતા-પિતાએ ગભરાવાની જરૂર નથી, કારણ કે બાળકોમાં કોરોનાના લક્ષણો ખૂબ જ હળવા હોય છે અને સમયસર સારવારને કારણે બાળકો ઝડપથી સાજા પણ થઈ રહ્યા છે.જો કે, આ લક્ષણોને સમયસર ઓળખવું મહત્વપૂર્ણ છે.
DCGI 12 વર્ષથી વધુ ઉંમરના બાળકો માટે ZycovD મંજૂર કરે છે
ભારતના ડ્રગ કંટ્રોલર જનરલ (DCGI) એ આજે એટલે કે મંગળવારે 12 વર્ષથી વધુ ઉંમરના બાળકો માટે ZycovD (Zydus Cadila Vaccine) ને ઈમરજન્સી ઉપયોગની મંજૂરી આપી છે.
12 થી 15 વર્ષના બાળકોને ક્યારે રસી મળી
અગાઉ, માર્ચ મહિનામાં, કોવિડથી બચાવવા માટે 12 થી 15 વર્ષના બાળકોને રસી આપવાનું અભિયાન ચલાવવામાં આવ્યું હતું. હવે ભારતના ડ્રગ કંટ્રોલર જનરલે 6 થી 12 વર્ષની વયના બાળકોને કોવેક્સિન લાગુ કરવાનો નિર્ણય લીધો છે.
