પટના: (Patna) આરજેડી નેતાઓ (RJD Leader) સામેના દરોડાથી નારાજ બિહારના નાયબ મુખ્યમંત્રી તેજસ્વી પ્રસાદ યાદવે ED, CBI અને આવકવેરા વિભાગને ભાજપના ત્રણ જમાઈ ગણાવી નવો વિવાદ છેડ્યો છે. રાષ્ટ્રીય જનતા દળ (RJD)ના વિવિધ નેતાઓ સામેના દરોડાથી નારાજ બિહારના નાયબ મુખ્ય પ્રધાન તેજસ્વી પ્રસાદ યાદવે બુધવારે એન્ફોર્સમેન્ટ ડિરેક્ટોરેટ (ED), સેન્ટ્રલ બ્યુરો ઓફ ઇન્વેસ્ટિગેશન (CBI) અને આવકવેરા વિભાગને ભારતીય જનતા પાર્ટીના ‘ત્રણ જમાઈ’ ગણાવ્યા. તેજસ્વીએ આરોપ લગાવ્યો કે આ ત્રણ જમાઈને ભાજપ એવા રાજ્યોમાં મોકલે છે જ્યાં તે સત્તામાં નથી. રાજ્યમાં નવી રચાયેલી મહાગઠબંધન સરકાર દ્વારા વિશ્વાસ પ્રસ્તાવ પર ચર્ચા દરમિયાન યાદવે વિધાનસભામાં આ વાત જણાવી. તેમણે જણાવ્યું કે ભારતીય જનતા પાર્ટી (BJP) પર સમાજવાદી વિચારધારાને સમાપ્ત કરવાના પ્રયાસમાં મુખ્યમંત્રી નીતિશ કુમારની પાર્ટીને તોડવાનો પ્રયાસ કરવાનો આરોપ લગાવ્યો હતો.
વિધાનસભામાં પોતાની ધારદાર વાત મુકતા યાદવે કહ્યું કે મારા પિતા લાલુ પ્રસાદ, માતા રાબડી દેવી, મારી બહેનો અને હું અમે બધા સમાજવાદી વિચારધારા પ્રત્યેના અમારા સમર્પણની કિંમત ચૂકવી રહ્યા છીએ. મુખ્યમંત્રી અને મારી વિચારધારા સમાન છે. અમે સમાજવાદીઓએ જે વાવ્યું છે તે ભાજપ લણી શકશે નહીં. આરજેડીના સંભવિત ઉત્તરાધિકારીએ પણ મીડિયાના અમુક વિભાગો પર નારાજગી વ્યક્ત કરી અને કહ્યું કે તેઓએ કોઈ આધાર વિના કહ્યું કે ગુરુગ્રામમાં એક મોલ કે જેના પર સીબીઆઈ દ્વારા દરોડા પાડવામાં આવ્યા હતા તે તેજસ્વીનો છે.
બીજી તરફ યાદવે કહ્યું કે આ મીડિયા સંસ્થાઓએ થોડી તપાસ કરવી જોઈએ. આ મોલ હરિયાણાના કોઈ વ્યક્તિનો છે અને તેનું ઉદ્ઘાટન ભાજપના સાંસદ દ્વારા કરવામાં આવ્યું હતું. બિહાર વિધાનસભામાં વિપક્ષના નેતા કોણ હશે તે અંગે નિર્ણય લેવામાં ભાજપની અસમર્થતા પર કટાક્ષ કરતા યુવા નેતાએ કહ્યું કે દિલ્હીમાં બેઠેલા લોકો બિહારની આત્માને સમજી શકતા નથી. અહીં કોઈ ધાકધમકી ચાલવાની નથી. અમે ત્રણ જમાઈને અહીં મોકલવાથી ડરતા નથી. ભાજપ જાણે દુલ્હા વગરની બારાત જેવી દેખાય છે.
યાદવે એમ પણ કહ્યું કે નીતિશ કુમારે એક સાહસિક નિર્ણય લીધો છે અને તેનાથી દેશના લોકોને આશાની નવી કિરણ દેખાઈ છે. તેમણે ટિપ્પણી કરી હતી કે ભાજપના નેતાઓએ એ પણ યાદ રાખવું જોઈએ કે મુખ્ય પ્રધાનને અન્ય કોઈએ નહીં પણ ખુદ વડા પ્રધાન નરેન્દ્ર મોદીએ સમાજવાદી કહ્યા હતા. તેજસ્વીએ કહ્યું કે તમે બધા 2024ની સામાન્ય ચૂંટણીથી ડરી ગયા છો કારણ કે બિહારમાં એકજૂટ વિપક્ષ ભાજપને ખરાબ રીતે હરાવી દેશે. એટલા માટે ત્રણ જમાઈ મોકલવામાં આવી રહ્યા છે. આ સાથે જ ભાજપના નેતાઓએ જમાઈ શબ્દનો વારંવાર ઉપયોગ કરવાનો વિરોધ કર્યો હતો.
તેજસ્વી યાદવે કહ્યું કે લાલુ યાદવે ખોટમાં ચાલી રહેલી રેલ્વેને નફામાં લાવી દીધી. છતાં તેમના પર કેસ ચાલી રહ્યો છે. તેમણે વધુમાં કહ્યું કે જો તમે ભાજપ સાથે હાથ મિલાવશો તો તમે સાધુ બની જશો. જ્યાં પણ વિપક્ષની સરકાર હોય, જ્યાં પણ ભાજપ હારે છે કે ભાજપ હારથી ડરે છે ત્યાં તે પોતાના ત્રણ જમાઈ આગળ કરી દે છે. પ્રથમ જમાઈ સીબીઆઈ, બીજું જમાઈ ઈડી અને ત્રીજું જમાઈ ઈન્કમટેક્સ.
તેજસ્વી યાદવે કહ્યું કે ભાજપના ધારાસભ્યો કહે છે કે મુસ્લિમો પાસેથી મતદાનનો અધિકાર છીનવી લેવો જોઈએ. કોઈના માઈના લાલમાં દમ છે? અમે એ ટુ ઝેડની વાત કરીએ છીએ. અમે બધાને સાથે લઈ ચાલવાનું કામ કરીશું, કોઈને તકલીફ નહીં પડવા દઈએ. અમને કામ કરવું પડશે અને અમે લોકો કામ કરીશું.
