અંકલેશ્વર જીઆઇડીસીના જોગર્સ પાર્કથી ભરૂચ જિલ્લા યુવા ભાજપ અને બાઇસિકલ ક્લબ અંકલેશ્વરના સહયોગથી સહકાર મંત્રી ઈશ્વરસિંહ પટેલની આગેવાનીમાં સાઇક્લોથોનનું આયોજન કરવામાં આવ્યું હતું. સહકાર મંત્રી ઇશ્વરસિંહ પટેલે બાઇસિકલ ક્લબ અંકલેશ્વરના સાઇકલવીરો અને ભાજપના હોદ્દેદારો તથા કાર્યકરો સાથે સાઇકલિંગ કરી હતી. આ કાર્યક્રમમાં સહકાર મંત્રી ઈશ્વરસિંહ પટેલ, બાઇસિકલ ક્લબના પ્રમુખ નરેશ પુજારા, ભરૂચ જિલ્લા યુવા ભાજપના મહામંત્રી ધર્મેન્દ્ર પુષ્કરણા, અંકલેશ્વર તાલુકા પંચાયતના પ્રમુખ અરવિંદ પટેલ ઉર્ફે અનિલ મામા, અંકલેશ્વર નગરપાલિકાના ચેરમેન સંદીપ પટેલ તથા યુવા ભાજપના હોદ્દેદારો અને કાર્યકરો ઉપસ્થિત રહ્યા હતા.
