નવી દિલ્હી: યુએસ સ્ટેટ ડિપાર્ટમેન્ટે (US Stat Department) રશિયામાં (Russia) રહેતા તેના તમામ અમેરિકન નાગરિકોને તાત્કાલિક દેશ છોડી દેવા માટે કહ્યું છે. જ્યારથી રશિયામાં અમેરિકન પત્રકારની અટકાયત કરવામાં આવી છે, ત્યારથી યુએસ સ્ટેટ ડિપાર્ટમેન્ટ ચિંતિત છે અને તેના તરફથી આ એડવાઈઝરી જારી કરવામાં આવી છે. જાણકારી મળી આવી છે કે તાજેતરમાં જ એક અમેરિકન પત્રકારની રશિયામાં જાસૂસીના આરોપમાં ધરપકડ કરવામાં આવી હતી. તે પત્રકાર વોલ સ્ટ્રીટ જર્નલ માટે કામ કરે છે. આ ઉપરાંત રશિયા જનારા તમામ લોકોને પણ ત્યાં ન જવા માટે કહેવામાં આવ્યું છે.
સૂત્રો પાસેથી જાણકારી મળી આવી છે કે ફેબ્રુઆરી 2022 માં યુક્રેનમાં રશિયન આક્રમણની શરૂઆત પછી રશિયામાં કોઈપણ આંતરરાષ્ટ્રીય પત્રકાર સામે આ પ્રકારની પ્રથમ કાર્યવાહી કરવામાં આવી છે. વાસ્તવમાં શીત યુદ્ધ પછીથી, કોઈપણ યુએસ સમાચાર આઉટલેટ પર આવી જાસૂસીનો આરોપ મૂકવામાં આવ્યો નથી. આ કારણે હવે જ્યારે રશિયામાં આવી કાર્યવાહી થઈ છે ત્યારે અમેરિકા તેનાથી ચિંતિત છે અને તેણે રશિયાને કડક શબ્દોમાં ચેતવણી આપી છે. હવે રશિયાને ચેતવણી આપવામાં આવી છે, પરંતુ તેના નાગરિકોની સુરક્ષાને ધ્યાનમાં રાખીને યુએસ સ્ટેટ ડિપાર્ટમેન્ટે તમામ અમેરિકન નાગરિકોને રશિયા છોડી દેવા માટે કહ્યું છે. બીજી તરફ જે લોકો રશિયા જવાની તૈયારી કરી રહ્યા છે તેમને પણ ટ્રિપ કેન્સલ કરવા માટે કહેવામાં આવ્યું છે.
જાણકારી મળી આવી છે કે અમેરિકાના પત્રકાર કે જેઓની ધરપકડ કરવામાં આવી છે તે ગેર્શકોવિચ બાસ્કેટબોલ સ્ટાર બ્રિટ્ટેની ગ્રિનર પછી રશિયા દ્વારા ધરપકડ કરાયેલા સૌથી હાઈ-પ્રોફાઈલ અમેરિકન નાગરિક છે. ગ્રિનરને રાજધાની મોસ્કોમાં કેનાબીસ તેલ સાથે પકડવામાં આવ્યો હતો. રશિયાએ કેદીઓના વિનિમય કરાર હેઠળ ગ્રિનરને મુક્ત કર્યો હતો. રશિયન સુરક્ષા એજન્સી એફએસબીએ કહ્યું છે કે અમેરિકન નાગરિક ગેર્શકોવિચ ઇવાનની ગેરકાયદેસર ગતિવિધિઓને કારણે ધરપકડ કરવામાં આવી છે. ગેર્શકોવિચ પર જાસૂસીની શંકા છે.
