વલસાડ: (Valsad) વલસાડ નજીકના ડુંગરી ને.હા.નં.48 પર બારડોલીના કારચાલકો દારૂ પીને ગાડી ચલાવી રહ્યા હતા. ત્યારે તેઓએ જીઆરડી પોલીસ સાથે જીભાજોડી કરતા પોલીસે 7 જણાને ડુંગરી પોલીસ (Police) મથકે લઇ જઇને તેમની સામે દારૂ (alcohol) પીધેલાનો ગુન્હો દાખલ કર્યો હતો. બારડોલી માછીવાડમાં રહેતો સૈફ અલી ખાન (Saif Ali Khan) , શાહરુખ ખાન (Shahrukh Khan) પઠાણની અટક કરી ડુંગરી પોલીસે આ તમામ સામે દારૂ પીધેલાનો કેસ નોંધી તેમને જેલમાં મોકલી આપ્યા હતા.
પોલીસ સૂત્રો પાસેથી મળતી માહિતી મુજબ વલસાડ ડુંગરી પોલીસ સ્ટેશનના હેકો. યોગેશ દિલીપ તેમના હોમગાર્ડને જીઆરડીના જવાનો સાથે નાઈટ પેટ્રોલીંગમાં હતા. ત્યારે ડુંગરી હાઇવે ઉપર અકસ્માત થયો હોવાથી હાઈવે ઉપર ટ્રાફિક જામ થતા પોલીસે ડુંગરી પાસે સુરત જતા રોડ ઉપર નીચેથી ડાયર્વઝન આપ્યું હતું. ત્યારે કાર નં. જીજે 19 એ એમ 7298ના ચાલકે કાર પુરઝડપે હંકારી લાવતા પોલીસે કારને ઉભી રાખવાનો પ્રયાસ કર્યો હતો.
ત્યારે કારચાલકે કાર પૂરઝડપે હંકારી લાવી જોરથી બ્રેક મારીને કાર ઊભી રાખી હતી. કારમાંથી ઉતરેલા ચાલકે પોલીસ સાથે જીભાજોડી કરીને ગાળાગાળી કરી હતી. કારમાંથી ઉતરેલા સાત જણા દારૂ પીધેલી હાલતમાં હોવાથી પોલીસ સાથે લવારા કરતા તમામને ડુંગરી પોલીસ મથકે લઇ ગયા હતા.
કોની કોની ધરપકડ કરાઇ
બારડોલી આશીયાના નગરમાં રહેતો સોહેલ હફાઝ શેખ, બારડોલી રામજી મંદિરની સામે શેઠ ફળિયામાં રહેતો નંદી ઉસ્માન સિંધી, બારડોલી રામજી મંદિર સામે તાઈવાડમાં રહેતો અકરમ અબ્બાસ મકરાણી, બારડોલી મદ્રેસાની ચાલ સુરતી ઝાંપા પાસે રહેતો એઝાઝ ફારૂક શેખ, બારડોલી માછીવાડ પારસી ગલીમાં રહેતો રીઝવાન સલીમ શેખ, બારડોલી કોર્ટની સામે રહેતો મોહમ્મદઅશદ મોહમ્મદ હનીફ કાગઝી, બારડોલી માછીવાડમાં રહેતો સૈફ અલી ખાન (Saif Ali Khan) , શાહરુખ ખાન (Shahrukh Khan) પઠાણની અટક કરી ડુંગરી પોલીસે આ તમામ સામે દારૂ પીધેલાનો કેસ નોંધી તેમને જેલમાં મોકલી આપ્યા હતા.
