નવી દિલ્હી: વર્લ્ડ કપ 2023ની (WorldCup2023) ફાઇનલમાં ભારતને (India) ઓસ્ટ્રેલિયા (Australia) સામે હારનો સામનો કરવો પડ્યો હતો. આ મેચ જોવા માટે ઘણા હાઈપ્રોફાઈલ લોકો અમદાવાદના નરેન્દ્ર મોદી સ્ટેડિયમ (NarendraModiStadium) પહોંચ્યા હતા. આ મેચ જોવા માટે ખુદ વડાપ્રધાન મોદી (PMModi) અને ગૃહમંત્રી અમિત શાહ (AmitShah) પણ સ્ટેડિયમમાં હાજર રહ્યા હતા.
ટીમ ઈન્ડિયાની હાર બાદ કોંગ્રેસ (Congress) સાંસદ રાહુલ ગાંધીએ (RahulGandhi) ચૂંટણી રેલીમાં પીએમ માટે પનોતી શબ્દનો ઉપયોગ કર્યો હતો. આ નિવેદનને લઈને ભારે હોબાળો થઈ રહ્યો છે. તેમના નિવેદનને લઈને ભારે હોબાળો થયો હતો અને ભાજપના નેતાઓએ ચૂંટણી પંચ પાસે રાહુલ ગાંધી વિરુદ્ધ કાર્યવાહીની માંગ પણ કરી હતી.
હવે આ મામલે ટીમ ઈન્ડિયાના ફાસ્ટ બોલર મોહમ્મદ શમીની (MohammadShami) પ્રતિક્રિયા સામે આવી છે. આ સિવાય તેણે ઓસ્ટ્રેલિયાના મિશેલ માર્શને (MichelMarsh) ટ્રોફી પર પગ રાખીને બેઠેલા પર પણ પ્રતિક્રિયા આપી છે.
અમરોહામાં પત્રકારો સાથે વાત કરતા શમીએ કહ્યું મને વિવાદાસ્પદ પ્રશ્નો સમજાતા નથી. મૂળભૂત બાબતો પર ધ્યાન કેન્દ્રિત કરવું જોઈએ. જણાવી દઈએ કે ટીમ ઈન્ડિયાએ બે મહિના સુધી સખત મહેનત કરી હતી. તમે લોકો જે રાજકીય એજન્ડા લાવો છો તે મને સમજાતું નથી.
શમીએ પીએમ મોદી સાથેની મુલાકાત અંગે પણ વાત કરી હતી. તેણે કહ્યું આ ખૂબ જ મહત્વપૂર્ણ છે. જ્યારે વડાપ્રધાન તમને પ્રોત્સાહિત કરે છે ત્યારે આત્મવિશ્વાસ વધે છે. જ્યારે તમે નિરાશ, હતાશ છો ત્યારે વડાપ્રધાન તમારો આત્મવિશ્વાસ વધારવા આવે છે તે કંઈક અલગ સ્થિતિ છે.
મિશેલ માર્શની હરકત પર શમીએ શું કહ્યું?
ઓસ્ટ્રેલિયાના ઓલરાઉન્ડર મિશેલ માર્શની એક તસવીર સામે આવી હતી, જેમાં તે સોફા પર બેઠો જોવા મળ્યો હતો અને તેના પગ વર્લ્ડ કપ ટ્રોફી પર હતા. આ ફોટો પર ઘણો હોબાળો થયો હતો અને ઘણા ચાહકોએ તેને ટ્રોફીનું સન્માન કરવા કહ્યું હતું. હવે શમીએ આ અંગે નિવેદન આપ્યું છે.
શમીએ કહ્યું, મને આનાથી દુઃખ થયું છે. માર્શે ટ્રોફી પર પગ મૂકયોતે જોઈ મને ગુસ્સો આવે છે. જેના માટે આખું વિશ્વ સ્પર્ધા કરે છે, જે ટ્રોફી તમે તમારા માથા ઉપર રાખવા માંગો છો. તેની સાથે આવી શરમજનક હરકતથી મન દુ:ખી થાય છે.
જણાવી દઈએકે શમીને શરૂઆતની કેટલીક મેચોમાં બેન્ચ પર બેસવું પડ્યું હતું. હાર્દિક પંડ્યા ઘાયલ થતાં તેને તક મળી હતી. જે અંગે શમીએ કહ્યું જ્યારે તમે ચાર મેચ માટે બેન્ચ પર બેસો છો, ત્યારે તમે માનસિક રીતે મજબૂત બનો છો. ક્યારેક તમે દબાણમાં આવો છો, પરંતુ જો ટીમ સારું પ્રદર્શન કરી રહી હોય તો તમને તેનાથી સંતોષ મળે છે.
