વડોદરા: આજવા રોડ પર ફિલ્મ અભિનેત્રીના (Actress) ફ્લેટ પર ક્રાઇમ બ્રાન્ચે દરોડો પાડીને દારૂની મહેફિલ માણતા ભાજપના (BJP) અમદાવાદના શહેર મંત્રી સહિત ચારની ધરપકડ (Arrest) કરતા ચકચાર મચી ગઇ હતી. આજવા રોડના ડવડેક એપાર્ટમેન્ટના કે.ર ટાવરના છઠ્ઠા માળે દારૂની મહેફિલ ચાલતી હોવાની બાતમી ક્રાઇમબ્રાંચને મળતા જ ટીમે રાત્રે છાપો માર્યો હતો. ફલેટનો દરવાજો ખખડાવતી પોલીસે ઓળખાણ આપતા જ દારૂની મહેફિલમાં રંગમાં ભંગ પડયો હતો.
પાર્ટીમાં બે બોટલ દારૂ ચાખણાના પેકેટ, સહિતની ખાઘ્ સામગ્રીની આસપાસ બેઠેલા ત્રણ ઇસોની પોલીસે પૂછતાછ કરતા નરેન્દ્ર ગજેન્દ્રભાઇ ગોસાઇ (વિશ્રામનગર, મેમનગર, અમદાવાદ) નિરવ રાજેન્દ્રભાઇ શર્મા (બોડકદેવ, અમદાવાદ) અને મિતેષ અમૃતભાઇ રબારી હોવાનુ જણાવ્યુ હતુ. ફલેટ ભાડે રાખનાર પાયલ રાજપૂત બીજા રૂમમાંથી મળી આવી હતી. પ્રાથમિક તપાસમાં પાયલ રાજપૂત ગુજરાતી ફિલ્મોમાં અભિનય કરે છે. અને નવી ફિલ્માં કામ મળવાથી શરાબની મહેફિલ યોજી હતી દારૂની બોટલની વ્યવસ્થા પણ પાયલે કરી હતી અને ફિલ્મ પ્રોડ્યુસર મિતેષ માલધારીને બોલાવતા તેમના ત્રણ મિત્રો સાથે વૈભવી કાર બીએમડબલ્યુ લઇને અમદાવાદથી આવ્યા હતા.
પોલીસે ફ્લેટમાંથી શરાબની બે બોટલ, મોબાઇલ તથા લકઝરી બીએમડબલ્યુ કાર સહિત પ.પ૦ લાખનો મુદ્દામાલ કષ્બજે કર્યો હતો. અને ત્રણેય ખાનદાની નબીરાઓ સહિત પાયલ રાજપૂતની પણ ધરપકડ કરી હતી. ચારે ઇસમો વિરુદ્ બાપોદ પોલીસ મથકે પ્રોહિબિશનનો ગુનો દાખલ કરીને આરોપીઓને બાપોદ પોલીસે વિધિવત સોપવામાં આવ્યા હતા. રાજાપાઠમાં ઝડપાયેલા મિતેશ અમૃતલાલ માલધારી ભાજપ શહેર મંત્રીનો હોદો ધરાવે છે તદઉપરાંત ફિલ્મ પ્રોડ્યુસરનો પણ વ્યવસાય કરે છે ભૂતકાળમાં પાયલે મિતેશની ફિલ્મોમાં અભિનય કરી ચુકી છે અને હાલમાં પણ આગામી ફિલ્મમાં તેની પસંદગી થતા દારૂની પાર્ટીનુ આયોજન કર્યુ હતુ. તેમાં સફેદ કપડામાં મંત્રીનો રૂઆબ છાટતા મિતેશ માલધારી ક્રાઇમ બ્રાંચના સકંજામાં જ સપાડાઇ જતા ભાજપ પક્ષમાં તો ખળભળાટ મચી ગયો છે.
