વડોદરા : નેવી ડે 2021 નિમિત્તે વડોદરા નેવલ એનસીસી યુનિટ 2-ગુજરાત નેવલ એનસીસી બરોડાએ ટીંબી તળાવ ખાતે ખાસ નૌકાયાત્રા હાથ ધરી છે. આ એસપીએલ સેઇલિંગમાં કુલ 30 કેડેટ્સે ભાગ લીધો હતો. જેમાં વિવિધ બોટનો ઉપયોગ કરવામાં આવ્યો હતો. આ વિશેષ શિબિરનું નેતૃત્વ 2 GUJ નેવલ યુનિટ NCC વડોદરાના કમાન્ડિંગ ઓફિસર લેફ્ટનન્ટ કમાન્ડર સ્વપ્નિલ શર્માએ કર્યું હતું. કોવિડ રોગચાળા દરમિયાન NCC કેડેટ્સનું યોગદાન ખરેખર નોંધપાત્ર રહ્યું છે.
2 લાખથી વધુ કેડેટ્સે છેલ્લા દોઢ વર્ષમાં ભૂતપૂર્વ યોગદાન દરમિયાન એક કરોડથી વધુ લોકોના જીવનને પ્રભાવિત કર્યું છે. જે રાષ્ટ્ર પ્રત્યેની નિઃસ્વાર્થ સેવાની સાચી ભાવના દર્શાવે છે. નેવલ એનસીસી વડોદરા યુનિટની સ્થાપના 15 મી જુલાઇ 1966ના રોજ કરાઇ હતી. હાલમાં MS યુનિવર્સિટીના પરિસરમાં આવેલી ઓફિસમાંથી કાર્યરત છે અને ભારતીય નૌકાદળના નિયમિત અધિકારીઓ તેમજ ખલાસીઓ આશરે 1000 નોંધાયેલા નેવલ કેડેટ્સને તાલીમ આપવા માટે તૈનાત છે.
ગુજરાત સરકાર દ્વારા કોવિડ છૂટછાટ પછી તમામ શૈક્ષણિક સંસ્થાઓએ નિયમિત વર્ગો શરૂ કર્યા છે. તે જ રીતે NCCએ ત્યાંના કેડેટ્સને ખાસ વોટરમેનશિપ તાલીમ આપવાનું શરૂ કર્યું છે. તાજેતરમાં ગુજરાત NCC લીડરશીપ એકેડમી જીતનગર રાજપીપળા ખાતે બે નેવલ કેમ્પ યોજવામાં આવ્યા હતા. જ્યાં ઓલ ઈન્ડિયા યાટિંગ રેગાટા સ્પર્ધાનું પ્રતિનિધિત્વ કરવા માટેની ગુજરાત NCC ટીમને તાલીમ આપવામાં આવી હતી. ત્યારબાદ 03 છોકરીઓ અને 03 છોકરાઓ કેડેટ્સની પસંદગી કરવામાં આવી હતી અને નેવલ NCC ગુજરાતની ટીમે ઓડિશા ખાતે ગુજરાત NCCનું પ્રતિનિધિત્વ કર્યું હતું. બોર્ડર અને કોસ્ટલ વિસ્તારોમાં 1 લાખ કેડેટ્સનું વિસ્તરણ એ વિવિધતામાં એકતાની સાચી ભાવના સાથે આ વિસ્તારોના કેડેટ્સની નોંધણી કરવાની એક મહાન પહેલ છે.
