કેન્દ્રીય આરોગ્ય મંત્રાલયના આંકડા અનુસાર, ભારતમાં સોમવારે 26,291 નવા કોવિડ-19 કેસ નોંધાયા છે, જે 85 દિવસમાં સૌથી મોટો ઉછાળો છે.સવારે 8 વાગ્યે અપડેટ કરવામાં આવેલા આંકડા દર્શાવે છે કે, એક દિવસમાં 118 વધુ જાનહાનિ નોંધાતા આ રોગને કારણે મૃત્યુઆંક વધીને 1,58,725 થઈ ગયો છે.
સતત પાંચ દિવસ સુધીનો ઉછાળો નોંધાવતા, કુલ સક્રિય કેસ લોડ 2,19,262 પર પહોંચી ગયો છે, જે દેશના કુલ ચેપના 1.93 ટકા છે, જ્યારે રિકવરી દર ઘટીને 96.68 ટકા થઈ ગયો છે, એમ ડેટા જણાવે છે.
20 ડિસેમ્બરે 24 કલાકના ગાળામાં 26,624 જેટલા ચેપ નોંધાયા છે. આ રોગમાંથી રિકવરી મેળવનારા લોકોની સંખ્યા વધીને 1,10,07,352 થઈ ગઈ છે, જ્યારે મૃત્યુદર 1.39 ટકા રહ્યો છે.
ભારતમાં કોવિડ-19 એ 7 ઓગસ્ટના રોજ 20 લાખનો આંકડો પાર કર્યો હતો, 23 ઓગસ્ટના રોજ 30 લાખ, 5 સપ્ટેમ્બરના રોજ 40 લાખ અને 16 સપ્ટેમ્બરે 50 લાખનો આંક વટાવ્યો હતો. 28 સપ્ટેમ્બરના રોજ 60 લાખ, 8 ઓક્ટોબરના રોજ 70 લાખ, 29 ઓક્ટોબરે 80 લાખ, 20 નવેમ્બરના રોજ 90 લાખ અને 19 ડિસેમ્બરે એક કરોડના આંકને વટાવી ગયા હતા.
ઈન્ડિયન કાઉન્સિલ ઓફ મેડિકલ રિસર્ચ (આઈસીએમઆર) અનુસાર, રવિવારે 7,03,772 સહિત 14 માર્ચ સુધીમાં 22,74,07,413 નમૂનાઓની કોવિડ -19 માટે પરીક્ષણ કરવામાં આવ્યું છે.118 નવી જાનહાનિમાં મહારાષ્ટ્રના 50, પંજાબના 20 અને કેરળના 15 લોકોનો સમાવેશ થાય છે.
