ગત 21નવેમ્બરના રોજ ચોખંડી ખાતે બાઇક સવાર વૃધ્ધને અડફેટમાં લેતા ગંભીર રીતે ઘવાયા હતા
(પ્રતિનિધિ) વડોદરા તા.27
શહેરના ચોખંડી વિસ્તારમાં ગત 21નવેમ્બરના રોજ બાઇક સવાર વયો વૃધ્ધને અજાણ્યા ફોર વ્હીલર ચાલકે ટક્કર મારતાં તેઓ ઇજાગ્રસ્ત થયા હતા તેઓને એસ.એસ.જી.હોસ્પિટલ ખાતે સારવાર અર્થે ખસેડવામાં આવ્યા હતા જ્યાં સારવાર દરમિયાન ગતરોજ તેઓનું મૃત્યુ નિપજ્યું હતું જે અનુસંધાને પોલીસ દ્વારા અકસ્માતનો ગુનો નોંધી તપાસ કાર્યવાહી હાથ ધરી હતી.
પ્રાપ્ત માહિતી અનુસાર, વડોદરા શહેરના વાડી વિસ્તારમાં આવેલા કુબેરેશ્વર મંદિર પાસેના સોનીપોળ ખાતે રહેતા ઠાકોરભાઇ ગજાનંદ જાની નામના 77વર્ષીય વૃધ્ધ ગત તારીખ 21મી નવેમ્બરના રોજ બાઇક પર પસાર થઈ રહ્યા હતાં તે દરમિયાન એક અજાણ્યા ફોર વ્હીલર ચાલકે ટક્કર મારતાં વયોવૃદ્ધ ઇજાગ્રસ્ત થયા હતા જેના કારણે લોકો ભેગા થઇ ગયા હતા અને ઇજાગ્રસ્ત વયોવૃદ્ધ ને ઇમરજન્સી 108મારફતે એસ.એસ.જી.હોસ્પિટલમા ખસેડ્યા હતા જ્યાં સારવાર દરમિયાન તેઓનું ગતરોજ તા.27મી નવેમ્બરે સવારે 11:30ની આસપાસ સી 3 વોર્ડ ડી યુનિટ ખાતે મૃત્યુ નિપજ્યું હતું જેના પગલે પોલીસે અકસ્માતનો ગુનો નોંધી આગળની કાર્યવાહી હાથ ધરી હતી.
