બિહાર: બિહાર(Bihar)ના મુંગેરમાં એક વિચિત્ર કિસ્સો સામે આવ્યો છે. અહીં લગ્ન(Marriage)ના 7 દિવસ બાદ જ એક નવપરિણીત મહિલા(newlyweds)એ તેના પ્રેમીનો હાથ પકડીને ફરાર થઇ ગઈ હતી. આશ્ચર્યની વાત એ છે કે આ સમગ્ર ઘટના પતિ(Husband)ની સામે જ બની હતી. લાચાર પતિએ તેમનો પીછો કરવાનો પણ પ્રયાસ કર્યો હતો, પરંતુ ત્યાં સુધીમાં બંને ભાગવામાં સફળ રહ્યા હતા. આ કેસની તપાસમાં લાગેલી પોલીસે નવપરિણીત વહુ અને તેના પ્રેમીને પકડી લીધા છે.બજારમાં પ્રેમી સાથે ભાગી જવાની ઘટના CCTVમાં કેદ થઈ હતી, જેનો વીડિયો સામે આવ્યો છે.
બંગડીઓ ખરીદવા બજારમાં ગઈ હતી
મળતી માહિતી મુજબ, બેકાપુર સંતોષી માતા ગલીમાં રહેતા વિવેક કુમારના લગ્ન 14 જૂનના રોજ નૌવાગઢીની રહેવાસી મોની કુમારી સાથે થયા હતા. વિવેકે જણાવ્યું કે 18 જૂને તેની પત્ની તેના પિયર ઘરે ગઈ હતી. 21મી જૂને તે પરત આવી હતી અને 22મી જૂને સાંજે તેની સાથે બંગડીઓ ખરીદવા બજારમાં ગયો હતો. આ દરમિયાન દીનદયાલ ચોક પાસે પત્નીએ હાથ છોડાવીને અન્ય યુવકનો હાથ પકડી લીધો હતો અને કાર પર બેસીને જતી રહી હતી.
પોલીસે પત્ની અને પ્રેમીની ધરપકડ કરી
આ અંગે વિવેકની માતા કંચન દેવીએ કોતવાલી પોલીસ સ્ટેશનમાં ફરિયાદ નોંધાવી હતી.આ પછી, કોતવાલી પોલીસ સ્ટેશને તાત્કાલિક કાર્યવાહી કરી અને નવવિવાહિત મહિલાને બરૌની સ્ટેશનથી બહાર કાઢી.તે જ સમયે પ્રેમી દિવ્યાંશુ નિવાસી કાંતાપુર નૌવાગઢીની ધરપકડ કરવામાં આવી હતી.
પ્રેમી સાથે ભાગવું હતું તો લગ્ન કેમ કર્યા: વિવેકની માતા
વિવેકની માતા કંચન દેવીએ તેની પુત્રવધૂ વિશે કહ્યું કે જો તેને તેના પ્રેમી સાથે ભાગી જવું હોય તો લગ્ન કરવાની શું જરૂર હતી. આ મામલે કોતવાલી પોલીસ સ્ટેશન ડીકે પાંડેએ જણાવ્યું કે કંચન દેવીની અરજી પર અજાણ્યા લોકો વિરુદ્ધ અપહરણનો કેસ નોંધવામાં આવ્યો છે. મામલો પ્રેમ પ્રકરણનો છે. પોલીસ તપાસ કરી રહી છે. બીજી તરફ આ ઘટના બાદ પતિ વિવેક અને તેનો પરિવાર આઘાતમાં છે. તેની નવપરિણીત પત્ની લગ્નના 7મા દિવસે જ પ્રેમી સાથે ફરાર થઈ ગઈ.
પરિવાર હતો પ્રેમની વિરુદ્ધ
પ્રેમી-પ્રેમિકાએ જણાવ્યું કે તેઓ અભ્યાસ દરમિયાન નજીક આવ્યા હતા અને 2016થી એકબીજાના પ્રેમમાં હતા. તેઓએ 5 સપ્ટેમ્બર 2020 ના રોજ ચંડિકા સ્થાન મંદિરમાં લગ્ન કર્યા.પરંતુ તેનો પરિવાર ઈચ્છતો ન હતો કે તે સાથે રહે. આથી એક અઠવાડિયા પહેલા મોનીએ વિવેક કુમાર સાથે લગ્ન કર્યા હતા.
