વિરાટ કોહલીનું નામ પડતા જ તેના દર્શનીય કવરડ્રાઇવની યાદો તાજી થઇ જાય છે. વિરાટે દરેક પ્રકારના કવર ડ્રાઇવ રમ્યા છે જેના વિશે ઘણાં ખેલાડીઓ વિચારી પણ શકતાં નથી. ફ્રન્ટ-ફૂટ કવર ડ્રાઇવ, બેક-ફૂટ કવર ડ્રાઇવ, સ્ટેપ-આઉટ-એન્ડ-સ્ટેપ-અવે ઇનસાઇડ-આઉટ કવર ડ્રાઇવ. કવર ફીલ્ડરની ડાબી બાજુનો કવર ડ્રાઈવ, તેની જમણી તરફનો કવર ડ્રાઈવ. સ્ટ્રેટ-બેટ, પંચી કવર ડ્રાઇવ, નીચલા ભાગે પકડ રાખીને ટોપસ્પીન કવર ડ્રાઇવ , મધ્યમ કવર ડ્રાઇવ, ધારવાળો કવર ડ્રાઇવ જેવા ઘણાં કવરડ્રાઇવ વિરાટ કોહલીના ભાથામાં છે. કોહલીને તેની 110મી ટેસ્ટ મેચ દરમિયાન પહેલો કવરડ્રાઇવ ફટાકવામાં ઘણો સમય લાગ્યો હતો , જો કે, કોહલીને એ કવર ડ્રાઇવ રમ્યા પછી હવામાં હાથ ઉલાળીને તેની ઉજવણી કરી ત્યારે ઘણાંને નવાઇ લાગી હતી કે નથી તેની અર્ધસદી થઇ કે નથી તેની સદી થઇ તો પછી શેની ઉજવણી તે કરી રહ્યો છે, જોકે કોહલી એક અલગ માઈલસ્ટોન સેલિબ્રેટ કરી રહ્યો હતો . તેણે તેની ઇનિંગ્સની પ્રથમ બાઉન્ડ્રી ફટકારી તે પહેલા તેણે 81 બોલનો સામનો કર્યો હતો.
ડોમિનિકામાં વેસ્ટ ઈન્ડિઝ સામેની પ્રથમ ટેસ્ટ માટેની પીચ સ્પીનરો માટે થોડા બાઉન્સ સાથે ધીમી ટર્નર હતી, જે બેટ્સમેનો માટે તે સ્ટ્રોક રમવા માટેની મર્યાદિત તક ઉપલબ્ધ કરાવતી વિકેટ હોય તેવું લાગતું હતું. સિવાય કે બોલ યોગ્ય રીતે સ્ટ્રોક પ્લે માટે પીચ થયો હોય અથવા તેના માટે બોલરોની ગતિનો ઉપયોગ કરવામાં આવે તો જ તેના પર રન બની શકે તેમ હતા. તેથી એવું બન્યું કે કોહલીએ તેની પ્રથમ બાઉન્ડ્રી ફટકારવા માટે 81 બોલ લેવા પડ્યા હતા, તેની બીજી બાઉન્ડ્રી ફટકારવા માટે અન્ય 43 અને તેની ત્રીજી બાઉન્ડ્રી ફટકારવા માટે અન્ય 36 બોલ લીધા હતા, તે સમય સુધીમાં તે 50ને પાર કરી ચૂક્યો હતો. તે કોહલીની સૌથી અસ્ખલિત ઇનિંગ્સથી ઘણી અલગ અને છેવાડાની ઇનિંગ હતી.વળી 40 અને 72 રનના સ્કોર સુધીમાં તેને બે જીવતદાન પણ મળ્યા હતા. પરંતુ તે જે કરવાની જરૂર હતી તે કરી રહ્યો હતો. પ્રથમ દિવસે વેસ્ટ ઈન્ડિઝને 150 રનમાં આઉટ કર્યા પછી ભારતે ટેસ્ટમાં માત્ર એક જ વાર બેટીંગ કરવી પડે તેવી યોજનાને ફળીભૂત કરવાનું કામ જ કે કરી રહ્યો હતો.
વિરાટે જ્યારે ક્વરડ્રાઇવ બાઉન્ડરી ફટકારીને બાઉન્ડ્રી સેલિબ્રેશન કર્યું ત્યારે તેનામ ચહેરા પર એક વ્યાપક સ્મિત હતું, જે એ સૂચવતું હતું કે તે તેના સંઘર્ષનો આનંદ માણી રહ્યો છે અને તે તેને કેટલો નચિંત જણાતો હતો. દિગ્ગજ બેટ્સમેન જાણે છે કે સામે પ્રવાહે લડવાનું હોય ત્યારે ત્યાં કેવી બેટીંગ કરવાની જરૂર છે. જો કે તેમ છતાં વિરાટે રમવા માટે મુશ્કેલ વિકેટ પર માત્ર બોલરોને સારી બોલિંગ પર સન્માન જ ન આપ્યું પણ જ્યાં જરૂર હતું તે સમયે તેણે રન પણ બનાવ્યા હતા. તે એવો બેટ્મસેન છે જે મુશ્કેલ પિચો પર સારા બોલરો સામે પરાક્રમી લડાઈ લડવાનું પસંદ કરે છે, અને તે એવા દિવસો પણ પસંદ કરે છે જ્યારે તે પોતે જ પોતાની પરંપરાગત રમતથી વિરોધી અભિગમ અપનાવતા હોય છે. ઉદાહરણ તરીકે લેવી હોય તો સચિન તેંદુલકરની સિડનીના મેદાને રમેલી નોટઆઉટમ 241 રનની ઇનિંગને લઇ શકાય, કે જેમાં તેણેં પોતાના મનગમતા કવરડ્રાઇવ રમવાનું જ છોડી દીધું હતું. જો કે એ ટેસ્ટમાં એક હકીકત એ પણ છે કે તેણે ઓસ્ટ્રેલિયાના આક્રમણ સામે, સૌથી સપાટ પીચ પર બેટિંગ કરી હતી.
તાજેતરના મહિનાઓ અને વર્ષોમાં, કોહલીની કેટલીક સૌથી લાંબી ટેસ્ટ ઇનિંગ્સમાં આ પ્રકારનો આત્મ-અસ્વીકાર દર્શાવવામાં આવ્યો છે: દાખલા તરીકે કેપટાઉનમાં 79 રનની તેની ઇનિંગ , જેમાં તાજેતરના સમયમાં કોઈપણ ટેસ્ટ ઇનિંગ્સમાં સૌથી વધુ બોલ છોડવાની ટકાવારી જોવા મળી હતી, અને અમદાવાદમાં 186 , જ્યાં તેણે ચોથા દિવસે તેની પ્રથમ બાઉન્ડ્રી ફટકારતા પહેલા 122 બોલનો સામનો કર્યો હતો.
જ્યારે જરૂરી હોય ત્યારે તે તેની રમતને તેના સૌથી અસ્પષ્ટ ઘટકોમાં ઉતારવામાં ખુશ છે, લગભગ તેના અહંકારને બાજુ પર રાખીને આનંદ માણે છે. કોહલીની રમત પર નજર નાંખવામાં આવે તો સમજાય છે કે તાજેતરની સિઝનમાં,તેની રમતમાં ફેરફાર આવી ગયો છે. 2019 ના અંત સુધી, કોહલીની ટેસ્ટ સ્ટ્રાઇક રેટ 57.81ની હતી. 2020 ની શરૂઆતથી, તે ઘટીને 44.43 થઇ હતી. અલબત્ત, આ સમયગાળામાં તેનું ફોર્મ પણ કથળ્યું હતું. રોગચાળા દરમિયાન અને રોગચાળા પછીના યુગમાં તેની એવરેજ માત્ર 30.75ની રહી છે.
કોહલી 2020 પછી જે હદ સુધી ધીમો પડી ગયો છે તે કહેવું સહેલું નથી. તેની રમતના મૂળભૂત સિદ્ધાંતો કોઈ મોટી હદ સુધી બદલાયા હોય તેવું લાગતું નથી, પરંતુ તેની મર્યાદાઓ તેને હવે એવી રીતે અવરોધી રહી છે જે તે તેના પ્રાઈમ ટાઇમમાં ન હતી. આ મર્યાદાઓ હંમેશા સ્પષ્ટ રહી છે. દાખલા તરીકે, તે એક શાનદાર પુલર છે, પરંતુ તેની પાસે ક્યારેય પણ બેક-ફૂટ શોટ્સનો ભંડાર નથી. સ્પિન સામે તે ભાગ્યે જ સ્વીપ કરે છે અથવા ઓવર ધ ટોપ હિટ કરે છે અથવા આગળ વધીને ફટકો મારવા માટે પોતાના પગનો ઉપયોગ તે માંડ કરે છે.
ડોમિનિકામાં, દાખલા તરીકે, તેણે વેસ્ટ ઈન્ડિઝના પાર્ટ-ટાઇમ સ્પિનરો તરફથી ઘણી બોલિંગનો સામનો કરવો પડ્યો હોવા છતાં તેણે સ્વીપ શોટ ફટકાર્યો ન હતો અથવા આગળ આવ્યો ન હતો. કારણો ગમે તે હોય, કોહલીએ તેની રમતમાં કોઈ ફેરફાર કર્યો નથી કે તેના ભંડારમાં નવા શોટ્સ ઉમેર્યા નથી. અને તેની રમતમાં ફેરફાર ન કરીને, કોહલી વિરોધાભાસી રીતે એક અલગ પ્રકારનો ખેલાડી બની ગયો છે. તે હવે તેના રન ધીમા બનાવે છે, અને કદાચ પહેલા કરતા ઓછી નિશ્ચિતતા સાથે.
