નવી દિલ્હી: તમે આકાશમાં ઉડતા વિમાનો તો જોયા જ હશે, પરંતુ શું તમે ક્યારેય ‘ઉડતી હોટલ’ (Flying Hotel) જોઈ છે. દેખીતી રીતે તમારો જવાબ ના હશે. પરંતુ જે રીતે વિજ્ઞાન પ્રગતિ કરી રહ્યું છે તે મુજબ હવે તે સમય દૂર નથી, જ્યારે આપણે ‘ઉડતી હોટલ’ પણ જોઈ શકીશું. આની ઝલક એક વીડિયોમાં (Video) જોવા મળી છે.
એક સમયે માણસની ઈચ્છા જ હોઈ શકે કે તેણે એવું મશીન બનાવવું જોઈએ જેને તે હવામાં ઉડાડી શકે. તેથી તેણે પ્લેનની શોધ કરીને આ ઈચ્છા પૂરી કરી. પણ હવે માણસ ઉડવાની દિશામાં એક ડગલું આગળ વધી રહ્યો છે. ટૂંક સમયમાં આપણી પાસે એવી હોટેલ (ન્યુક્લિયર પાવર્ડ સ્કાય હોટેલ) હશે જે હવામાં ઉડશે. આ ઉડતી હોટેલ એક પ્રકારનું પ્લેન હશે પરંતુ તે ક્યારેય જમીન પર ઉતરશે નહીં.
ડેઈલી સ્ટારના અહેવાલ મુજબ, હાશેમ અલ-ગાઈલી નામની યુટ્યુબ ચેનલે ફ્લાઈંગ હોટલનો કોન્સેપ્ટ વીડિયો જાહેર કરીને બધાને ચોંકાવી દીધા છે. વીડિયો અનુસાર એવો સમય પણ આવશે જ્યારે લોકો ન્યુક્લિયર પાવર્ડ સ્કાય હોટેલમાં મજા માણી શકશે.
લક્ઝરી સુવિધાઓથી સજ્જ!
કોન્સેપ્ટ વીડિયો અનુસાર ફ્લાઈંગ હોટેલ એક પ્રકારનું એરોપ્લેન હશે, જે ક્યારેય જમીન પર નહીં ઉતરે. તેમાં 5,000 મુસાફરોની બેઠક વ્યવસ્થા હશે. ઉડતી હોટેલ તમામ પ્રકારની લક્ઝરી સુવિધાઓથી સજ્જ હશે. આ વિડીયો બતાવે છે કે કેવી રીતે આ ઉંચી હોટલમાં રેસ્ટોરાં, વિશાળ શોપિંગ મોલ તેમજ જિમ, થિયેટર અને સ્વિમિંગ પૂલ પણ હશે.
આ પ્લેન ન્યુક્લિયર રિએક્ટરથી ચાલશે
વીડિયો અનુસાર, આ હોટેલ વાસ્તવમાં AI સંચાલિત સ્કાય ક્રૂઝ હશે જેમાં 20 એન્જિન હશે અને તે તમામ ન્યૂક્લિયર ફ્યુઝન સાથે ફ્લાઈંગ હોટેલની મદદથી ચાલશે. આ પ્લેનને એવી રીતે ડિઝાઇન કરવામાં આવ્યું છે કે તે ક્યારેય જમીન પર ઉતરશે નહીં. એટલે કે આ પ્લેન મહિનાઓ સુધી હવામાં ઉડતું રહેશે. આ પ્લેનમાં 5000 યાત્રીઓ અથવા મહેમાનોને સમાવવાની સુવિધા હશે. સામાન્ય એરલાઇન કંપનીના વિમાનો મુસાફરોને આ વિમાનમાં લાવશે અને તેઓ ઉડતી વખતે તેમાં પ્રવેશ કરશે. આ સિવાય વિમાનના સમારકામ સાથે જોડાયેલું કામ પણ હવામાં કરવામાં આવશે.
YouTuber દાવો કરે છે કે ન્યુક્લિયર પાવર દ્વારા સંચાલિત આ ‘સ્કાય ક્રૂઝ’ ભવિષ્ય હોઈ શકે છે. ‘ડેઈલી સ્ટાર’ના અહેવાલ મુજબ, ભલે આ પ્રોજેક્ટ ઘણો મોટો અને અનોખો છે, પરંતુ કેટલાક લોકો તેની ટીકા પણ કરી રહ્યા છે. તેઓ કહે છે કે ‘ઉડતી હોટેલ’ પરમાણુ ઉર્જાથી ચાલશે, તેથી જો તે ક્યારેય ક્રેશ થાય તો વિનાશ થઈ શકે છે. આખું શહેર બરબાદ થઈ શકે છે. તે જ સમયે, કેટલાક લોકોએ કહ્યું કે જ્યારે પણ આ પ્રકારની વસ્તુ તૈયાર થશે, ત્યારે તેમાં મુસાફરી કરવી ખૂબ મોંઘી પડશે.
