વડોદરા: નવાપુરા વિસ્તારના શિયાબાગ ચાર રસ્તા પાસે એક યુવક કમરના ભાગે બે પિસ્તોલ ભરાવીને વેચાણ માટે ફરી રહ્યો છે. જેથી ક્રાઇમ બ્રાન્ચની ટીમે યુવકને ઝડપી પાડી તેની પાસેથી બે પિસ્તોલ અને 11 કારતૂસ કબજે કરી નવાપુરા પોલીસને સોંપવામાં આવ્યો છે. ક્રાઇમ બ્રાન્ચનાઆઇ પી બી દેસાઇ સહિતની ટીમના જવાનોએ બાતમી મુજબ સ્થળ પર દરોડો પાડ્યો હતો. જેથી શિયાબાગ ચાર રસ્તા પાસે ઉભેલા કુણાલ ઉર્ફે આત્તુ ભૂપેન્દ્રભાઇ પટેલ (રહે, નિકુંજ એપાર્ટેમેન્ટ નવાપુરા )ને ઝડપી પાડ્યો હતો.
તેની તપાસ કરીને કમરના ભાગે લટકાવેલી બે પિસ્તોલ તથા ખિસ્સામાં મુકેલા 11 કારતૂસ જેમાંથી ફુટેલું એક અને ત્રણ ખાલી તથા એક મોબાઇલ મળી આવ્યો હતો. ક્રાઇમ બ્રાન્ચને કુણાલ પાસે પિસ્તોલના રાખવા માટે લાયસન્સ અંગે પૂછપરછ કરતા લાયસન્સ કે પરવાનો ન હોવાનું જણાવ્યું હતું. જેથી તેની પાસે બે પિસ્તોલ અને કારતૂસ સહિત 35 હજારનો મુદ્દામાલ કબજે લઇને આગળની કાર્યવાહી હાથ ધરી છે. આરોપી સહિત બે પિસ્તોલ ક્રાઇમ બાન્ચે નવાપુરા પોલીસને સોંપવામાં આવ્યા છે.
જીજાજી નિકુંજ વરસડાએ કૃણાલ પટેલને બે પિસ્તોલ આપી હતી
નવાપુરાના નિકુંજ એપાર્ટમેન્ટમાં રહેતા કુણાલ પટેલની કડકાઇથી પૂછપરછ ક્રાઇમ બ્રાન્ચ દ્વારા કરવામાં આવી હતી. જેમાં તેને પોતાના જીજાજી નિકુંજ વરસડા (રહે, શક્તિકૃપા સોસાયટી, નવાપુરા) આપી હોવાનું જણાવ્યું હતું. પરંતુ હાલમાં નિકુંજ નહી મળી આવતા ક્રાઇમ બ્રાન્ચ દ્વારા ફરાર નિકુંજને ઝડપી પાડવાના ચક્રો ગતિમાન કર્યા છે.
