આજે ટ્રેડિંગ ( TRADING) ના ત્રીજા દિવસે એટલે કે બુધવારે શેર બજાર ઊંચી સપાટીએ બંધ રહ્યું હતું . બોમ્બે સ્ટોક એક્સચેંજ ( BSE) ના પ્રમુખ ઈન્ડેક્સ સેન્સેક્સ ( INDEX SENSEX) 1144.76 અંક એટલે કે 2.28 ટકા વધીને 51444.65 પર બંધ રહ્યા છે. તે જ સમયે, નેશનલ સ્ટોક એક્સચેંજનો ( NSE) નિફ્ટી ( NIFTI) 326.50 પોઇન્ટ અથવા 2.19 ટકાના વધારા સાથે 15245.60 પર બંધ રહ્યો છે. વિશ્લેષકોએ જણાવ્યું હતું કે ત્રીજા ત્રિમાસિક ગાળાના જીડીપી ( GDP) ના આંકડા સકારાત્મક અંતરે પહોંચતાં રોકાણકારોની સ્થિતિ મજબૂત બની છે.
મોટા શેરોની વાત કરીએ તો આજે ટાટા સ્ટીલ, બજાજ ફિનસવર, રિલાયન્સ, બજાજ ફાઇનાન્સ અને યુપીએલના શેર લીલા નિશાન પર બંધ થયા છે. બીજી તરફ, હીરો મોટોકોર્પ, મારુતિ, બજાજ ઓટો, એમ એન્ડ એમ અને બીપીસીએલના શેર લાલ નિશાન પર બંધ થયા છે.
જો આપણે સેક્ટોરલ ઇન્ડેક્સ પર નજર કરીએ તો, આજે ઓટો સિવાયના તમામ ક્ષેત્રો ગ્રીન માર્ક પર બંધ થયા છે. આમાં પીએસયુ બેંક, ફાઇનાન્સ સર્વિસીસ, એફએમસીજી, આઇટી, બેંક, ફાર્મા, પ્રાઈવેટ બેંક, મેટલ, મીડિયા અને રિયલ્ટી શામેલ છે.
ભારતમાં પાંચ વર્ષમાં પ્રથમ સ્પેક્ટ્રમની હરાજી મંગળવારે સંપન્ન થઈ હતી. આ સમયગાળા દરમિયાન, વિવિધ ટેલિકોમ કંપનીઓએ 77,814.80 કરોડના સ્પેક્ટ્રમની ખરીદી કરી હતી. મુકેશ અંબાણીની કંપની રિલાયન્સ જિઓએ સ્પેક્ટ્રમનો 50 ટકા હિસ્સો બે દિવસની હરાજીમાં 57,123 કરોડ રૂપિયામાં ખરીદ્યો છે. આ પછી રિલાયન્સના શેરમાં આજે તેજી જોવા મળી હતી. 2,121.05 ના સ્તરે ખુલ્યા પછી, તે 101.10 પોઇન્ટ (4.80 ટકા) વધીને 2,207.10 ના સ્તર પર બંધ થયો છે.
યસ બેંકના શેરધારકોએ બેંકને 10,000 કરોડ એકત્ર કરવા મંજૂરી આપી છે.મળેલી માહિતીમાં બેંકે જણાવ્યું હતું કે ઇક્વિટી શેર અથવા અન્ય સિક્યોરિટીઝ જારી કરીને ભંડોળ ઊભું કરવાની તરફેણમાં લગભગ 98.78 ટકા મત આપવામાં આવ્યો હતો. આ અગાઉ 22 જાન્યુઆરીએ ડિસેમ્બરના ત્રિમાસિક ગાળાના પરિણામો જાહેર કરતી વખતે બેંકે કહ્યું હતું કે તે 10,000 કરોડ રૂપિયા એકત્ર કરવાની તૈયારી કરી રહી છે.
ફેબ્રુઆરી મહિનામાં ભારતમાં સેવા સંબંધિત પ્રવૃત્તિઓમાં સૌથી ઝડપી વૃદ્ધિ જોવા મળી છે . જો કે, આ સમયગાળા દરમિયાન રોજગાર ઘટવાનું ચાલુ રાખ્યું હતું અને કંપનીઓના કુલ ખર્ચમાં સૌથી ઝડપી ગતિએ ઘટાડો થયો હતો. બુધવારે એક માસિક સર્વેએ આ વાત કહી હતી. ઈન્ડિયા સર્વિસિસ બિઝનેસ એક્ટિવિટી ઈન્ડેક્સ જાન્યુઆરીમાં 52.8 થી વધીને ફેબ્રુઆરીમાં 55.3 થયો છે. સારી માંગ અને અનુકૂળ બજારની સ્થિતિ વચ્ચે આ છેલ્લા એક વર્ષમાં ઉત્પાદનમાં સૌથી ઝડપી વૃદ્ધિ સૂચવે છે.
