મુંબઈ: ફિલ્મ ‘ધ કેરલા સ્ટોરી’ (The Kerala Story) રિલીઝ થયા પછી સતત ચર્ચામાં છે. વિવાદોમાં ફસાયેલી આ ફિલ્મે બોક્સ ઓફિસ કલેક્શનથી બોલીવુડને આશ્ચર્યચકિત કરી દીધું છે. ફિલ્મમાં જોવા મળી રહેલી ચાર છોકરીઓની શાલિની ઉન્નીકૃષ્ણન (Adah Sharma), નિમાહ (Yogita Bihani), ગીતાંજલિ (Siddhi Idnani) અને આસિફા (Sonia Balani)ની કહાની જોઈને દરેક વ્યક્તિ દંગ છે. સાથે જ ફિલ્મમાં આ તમામ અભિનેત્રીઓની એક્ટિંગ જોઈને પ્રેક્ષકો પ્રશંસા કરી રહ્યા છે. આ અભિનેત્રીઓની રિયલ લાઈફ સ્ટોરી પણ ઈન્ટરેસ્ટીંગ છે.
‘ધ કેરલા સ્ટોરી’ પોતાની કમાણી, કહાની અને કાસ્ટની શાનદાર એક્ટિંગની સાથે જ અનેક વિવાદોને લઈને ચર્ચામાં છે. ફિલ્મ પર પ્રતિબંધ કરવાની માંગની સાથે સુપ્રીમ કોર્ટથી લઈને હાઈકોર્ટ સુધી અરજીઓ કરવામાં આવી હતી પણ ફિલ્મ પર પ્રતિબંધ લાગ્યો નથી. અનેક રાજ્યોમાં આ ફિલ્મને ટેક્સ ફ્રી કરી દેવામાં આવી છે તો બીજી બાજુ તમિલનાડુ, પશ્ચિમ બંગાળમાં આ ફિલ્મ બતાવવામાં આવશે નહીં. એમ દાવો કરવામાં આવી રહ્યો છે કે ફિલ્મ સત્ય ઘટનાઓ પર આધારિત છે. ફિલ્મની પૂરી કહાની આ 4 છોકરીઓની આસપાસ ફરે છે.
‘ધ કેરલા સ્ટોરી’ સુદીપ્તો સેનના ડિરેક્શનમાં બની છે. વિપુલ અમૃતલાલ શાહે આને પ્રોડ્યુસ કરી છે. અંદાજે 40 કરોડ રૂપિયાના બજેટમાં બનીને તૈયાર થયેલી આ ફિલ્મ દેશના અંદાજે 1300 સ્ક્રીન પર રિલીઝ થઈ છે. આ ફિલ્મમાં અદા શર્મા (શાલિની ઉન્નીકૃષ્ણન) યોગિતા બિહાની (નિમાહ), સિદ્ધિ ઈડનાની (ગીતાંજલિ) અને સોનિયા બલાની (આસિફા)નો રોલ પ્લે કરીને ચર્ચામાં છે.
અદા શર્મા
‘ધ કેરલા સ્ટોરી’માં શાલિની ઉન્નીકૃષ્ણનનો રોલ અદા શર્માએ નિભાવ્યો છે. તે ફિલ્મની લીડ એક્ટ્રેસ છે. અદા શર્માને મોટા પડદા પર અભિનય કરતા 15 વર્ષ થઈ ગયા છે. તેની પહેલી ફિલ્મ ‘1920’ છે. આ ફિલ્મમાં તેની એક્ટિંગને લોકોએ ખૂબ જ પસંદ કરી હતી. ત્યાર બાદ ‘હંસી તો ફંસી’, ‘ફિર’, ‘કમાંડો 2’, ‘સેલ્ફી’ વગેરે ફિલ્મોમાં કામ ર્ક્યુ હતું. અદા શર્માએ સાઉથની અનેક ફિલ્મોમાં પણ કામ ર્ક્યુ છે. અદા શર્મા બોલીવુડમાં પોતાના નિવેદનો અને ગ્લેમરસ ફોટોના કારણે ચર્ચામાં રહે છે.
યોગિતા બિહાની
‘ધ કેરલા સ્ટોરી’માં નિમાહના રોલમાં યોગિતા બિહાનીએ દમદાર એક્ટિંગ કરી છે. યોગિતા બિહાનીનો જન્મ અને શિક્ષણ દિલ્હીમાં થયું છે. એકતા કપૂરનો ફેમસ ટીવી શો ‘દિલ હી તો હૈ’ માં યોગિતાએ કરણ કુંદ્રાના અપોઝિટ રોલ પ્લે ર્ક્યો હતો. ત્યાર બાદ તે ‘કવચ’માં પણ જોવા મળી હતી. ‘વિક્રમ વેધા’થી યોગિતાએ બોલિવુડ ડેબ્યુ કર્યો અને હવે તે ‘ધ કેરલા સ્ટોરી’થી ચર્ચામાં છે.
સિદ્ધિ ઈડનાની
સિદ્ધિ ઈડનાની સાઉથ ઈન્ડસ્ટ્રીની ફેમસ એક્ટ્રેસ છે. ભલે તે અત્યાર સુધી બોલિવુડ ફિલ્મોમાં જોવા મળી નથી પણ તે પોતાના ગ્લેમરસ ફોટોના કારણે ચર્ચામાં રહે છે. સિદ્ધિએ વર્ષ 2018માં સાઉથ ઈન્ડસ્ટ્રીમાં ફિલ્મ ‘જંબા લકિદી પંબા’થી શરૂઆત કરી હતી. હવે તે ઈન્ડસ્ટ્રીમાં ‘ડિમ્પલ ક્વીન’ના નામથી ફેમસ છે.
સોનિયા બલાની
‘ધ કેરલા સ્ટોરી’માં સોનિયા બલાનીએ આસિફાનો રોલ પ્લે ર્ક્યો છે. ફિલ્મમાં તેને દમદાર નેગેટિવ રોલ નિભાવી રહી છે. સોનિયા હિન્દી ટીવી શો ‘ડિટેક્ટીવ દીદી’ના નામથી ફેમસ છે. તે ‘બડે અચ્છે લગતે હૈ’ થી લઈને ‘તૂ મેરા હીરો’ સીરિયલ માટે પણ પ્રખ્યાત છે. આગ્રાની રહેવાસી સોનિયા ટ્રેન્ડ ડાન્સર પણ છે. સોનિયાએ 2016માં ફિલ્મ ‘તુમ બિન’થી ડેબ્યુ ર્ક્યો હતો. તેની બીજી ફિલ્મ ‘બાજાર’ છે. જેમાં તે સૈફ અલી ખાન સાથે જોવા મળી હતી.
