‘ગુરૂ’ શબ્દ બે અક્ષરો ભેગા કરીને બન્યો છે. ગુ અને રૂ ‘‘ગુ’’નો અર્થ થાય છે ‘અંધકાર’ અને રૂ એટલે અંધકારને દૂર કરનાર. ભારતીય સંસ્કૃતિમાં ગુરૂનું સ્થાન ઇશ્વર કરતાં ય ઉંચું માનવામાં આવે છે. કારણ કે ગુરૂ જ શિષ્યને ઇશ્વરના દર્શન કરાવે છે. એટલે જ કહેવાય છે કે- ‘ગુરૂ બ્રહ્મા ગુરૂ વિષ્ણુ ગુરૂદેવો મહેશ્વર- ગુરૂ સાક્ષાત પર બ્રહ્મા તસ્મૈ શ્રી ગૂરૂદેવ નમ:’’ ગુરૂનું પૂજન સ્વયં ભગવાન શ્રી કૃષ્ણ પણ કરતા હતા. ગુરૂને હંમેશાં શિષ્યની ચિંતા રહેતી હોય છે. ગુરૂપૂર્ણિમાને દિવસે ગુરૂપૂજન શ્રેષ્ઠ મનાય છે. ટુંકમાં જ્ઞાન આપે તે ગુરૂ. સંસારિક જીવનમાં માતા-પિતાનું સ્થાન હોય તેવી રીતે સંન્યાસી જીવનમાં ગુરૂનું સ્થાન હોય છે. ગુરૂ ચેતન્ય તત્વ છે. વ્યાપક તત્વ છે. પરમાત્મા તત્વ છે. તેથી તેમનું સ્મરણ અને પૂજનનું આ દિવસે મહત્વ રહેલુ છે. કારણ કે અજ્ઞાનના અંધકારમાંથી જ્ઞાનના પ્રકાશ તરફ દોરી જાય છે. અને તે તત્વ કોઈ હોય તો તે ફફક્ત ગુરૂ છે. જીવનમાં જ્ઞાનથી પ્રાપ્તિ એક સાચા ગુરૂ જ કરાવી શકે છે.
સુરત – મહેશ આઈ ડોક્ટર– આ લેખમાં પ્રગટ થયેલા વિચારો લેખકના પોતાના છે.
